ጥር 9, 2024 | የታደሰው፦ ሐምሌ 3, 2024
ዓለም አቀፋዊ ዜና

ወቅታዊ መረጃ—ወንድሞች ተፈረደባቸው | ይሖዋን የሙጥኝ ብለው ለመኖር ቁርጥ ውሳኔ አድርገዋል

አጫውት

ወቅታዊ መረጃ—ወንድሞች ተፈረደባቸው | ይሖዋን የሙጥኝ ብለው ለመኖር ቁርጥ ውሳኔ አድርገዋል

ሐምሌ 1, 2024 በክራይሚያ ሪፑብሊክ የሚገኘው የክራስኖግቫርዴስኪ አውራጃ ፍርድ ቤት ወንድም ዩሪ ጌራሽቼንኮ እና ወንድም ሰርጌ ፓርፌኖቪች ጥፋተኛ ናቸው የሚል ብይን አስተላልፏል። ሁለቱም የስድስት ዓመት የገደብ እስራት ተፈርዶባቸዋል፤ አሁን ወህኒ አይወርዱም።

አጭር መግለጫ

ዩሪ ጌራሽቼንኮ

ትውልድ፦ 1979 (ዩክሬን)

ግለ ታሪክ፦ የኤሌክትሪክ ባለሙያ ነው

መጽሐፍ ቅዱስ፣ ትክክለኛ መሆኑ እንዲሁም አምላክ ለሰው ልጆች ስላለው ፍቅር የሚያስተምር መሆኑ በጣም አስደነቀው። በ2000 ተጠምቆ የይሖዋ ምሥክር ሆነ

በ2002 ከኢሪና ጋር ትዳር መሠረተ

የሰጠው ሐሳብ

ይህ አጋጣሚ የትኛው የይሖዋ ባሕርይ ይበልጥ እውን እንዲሆንልህ አድርጓል?

ይሖዋ ምን ያህል አስተዋይ እንደሆነ ተገንዝቤአለሁ። ምን እንደሚያስፈልገኝ ያውቃል፤ ሊረዳኝም ይፈልጋል። ከቅርብ ጊዜ ወዲህ በሕይወቴ ውስጥ ያጋጠሙኝን ነገሮች መለስ ብዬ ሳስብ ለካስ ይሖዋ ወደፊት ለሚያጋጥሙኝ ነገሮች እያዘጋጀኝ ነበር። በእሱ እጅ ውስጥ ያለ መሣሪያ እንደሆንኩ ይሰማኛል። አንድ ጎበዝ የእጅ ባለሙያ መሣሪያዎቹን በመሞረድና በመንከባከብ ሁሌም ጥሩ ይዞታ ላይ እንዲገኙ ያደርጋል፤ እንዲህ ማድረጉ ልክ በፈለጋቸው ጊዜ ላይ እንዲጠቀምባቸው ያስችለዋል። ይሖዋ ከእኔም ጋር በተያያዘ እንዲህ እያደረገልኝ ነበር። ይህን ማወቄ ምንጊዜም እሱን የሙጥኝ ብዬ ለመኖርና ከእሱ ፈጽሞ ላለመራቅ አነሳስቶኛል።

ሰርጌ ፓርፌኖቪች

ትውልድ፦ 1972 (ሚርኖዬ፣ ክራይሚያ)

ግለ ታሪክ፦ አንድን የስፖርት ማዘውተሪያ ቦታ የመንከባከብ ሥራ ይሠራ ነበር

የአምላክ መንግሥት ወደፊት ስለሚያከናውናቸው ነገሮች ሲማር ልቡ ተነካ። በ1993 በኪየቭ፣ ዩክሬን በተካሄደው ብሔራት አቀፍ ስብሰባ ላይ ተጠመቀ

በ1997 ከማሪና ጋር ትዳር መሠረተ። አራት ወንዶችና ሁለት ሴቶች ልጆች አሏቸው

የሰጠው ሐሳብ

አንተን በግለሰብ ደረጃ ያበረታታህ የትኛው የመጽሐፍ ቅዱስ ባለታሪክ ነው?

ፊልጵስዩስ 3:10 ላይ ሐዋርያው ጳውሎስ “ፍላጎቴ እሱንና የትንሣኤውን ኃይል ማወቅ እንዲሁም . . . የሥቃዩ ተካፋይ መሆን ነው” በማለት ጽፏል። ጳውሎስ ኢየሱስን ምን ያህል ይወደው እንደነበር አሰብኩ። ለኢየሱስ የነበረው ፍቅር በጣም ጥልቅ ከመሆኑ የተነሳ ልክ እንደ እሱ ለመሠቃየት ፈቃደኛ ነበር። የጳውሎስ ዓይነት መንፈስና ቁርጠኝነት እንዲኖረኝ ጸለይኩ። እንዲህ ዓይነት አስተሳሰብ መያዜ አመለካከቴን ለመለወጥ ረድቶኛል። ራሴን የምመለከተው እንደ አንድ አሳዛኝ ሁኔታ ሰለባ ሳይሆን ውጤቱ ምንም ይሁን ምን ይሖዋን ለማገልገል ቁርጥ ውሳኔ እንዳደረገ ሰው ነው።

ይሖዋ እንደ ወንድም ዩሪ እና ሰርጌ ያሉ ንጹሕ አቋማቸውን የሚጠብቁ ወንድሞቻችንን ‘በክንፎቹ ጥላ በመሰወር’ መርዳቱን እንደሚቀጥል እርግጠኞች ነን።—መዝሙር 17:7, 8

የክሱ ሂደት

መስከረም 19, 2022

በሰርጌ ላይ የወንጀል ክስ ተመሠረተበት
መስከረም 28, 2022

የፌዴራል ደህንነት ሠራተኞች ከፈተሿቸው ስምንት ቤቶች መካከል አንዱ የሰርጌ ቤት ነበር፤ በኋላም በጊዜያዊ ማቆያ ጣቢያ እንዲቆይ ተደረገ
መስከረም 30, 2022

ሰርጌ ማረፊያ ቤት ገባ
ኅዳር 15, 2022

ሰርጌ ከማረፊያ ቤት ተለቆ በቁም እስር እንዲቆይ ተደረገ
መጋቢት 22, 2023

በዩሪ ላይ የወንጀል ክስ ተመሠረተበት። ከታሰረ በኋላ ምርመራ ተካሂዶበት ወደ ጊዜያዊ ማቆያ ጣቢያ ተወሰደ
መጋቢት 24, 2023

ዩሪ ከጊዜያዊ ማቆያ ጣቢያ ወጥቶ በቁም እስር እንዲቆይ ተደረገ
ሐምሌ 12, 2023

ሰርጌ እና ዩሪ ከቁም እስር ነፃ ተለቀው የጉዞ ገደብ ተጣለባቸው
ሐምሌ 28, 2023

ክሳቸው በፍርድ ቤት መታየት ጀመረ። አቃቤ ሕጉ ሰርጌ እና ዩሪ “በወንጀል እንቅስቃሴዎች መካፈላቸውንና ምሥክሮችን ማስፈራራታቸውን” ቀጥለዋል የሚል ክስ አቀረበባቸው። በቂ ማስረጃ ባይቀርብባቸውም ዳኛው ሁለቱም ድጋሚ በቁም እስር እንዲቆዩ ውሳኔ አስተላለፈ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ክራይሚያ

በክራይሚያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች