ሚያዝያ 1, 2022
ዓለም አቀፋዊ ዜና

የይሖዋ ጥበቃ ‘እንደ ግንብ አጥር’ ሆኖልኛል

አጫውት

በክራይሚያ ሪፑብሊክ የሚገኘው የኬርክ ከተማ ፍርድ ቤት የካቲት 16, 2022 በዋለው ችሎት ላይ ወንድም አርተም ሻብሊ ጥፋተኛ ነው የሚል ውሳኔ አሳልፏል፤ የሁለት ዓመት የገደብ እስራትም በይኖበታል። እርግጥ አሁን ወህኒ አይወርድም

የክሱ ሂደት

ግንቦት 26, 2020

የደህንነት አባላት የአርተምን ጨምሮ በክራይሚያ የሚኖሩ አራት የይሖዋ ምሥክሮችን ቤቶች በረበሩ። ፖሊሶቹ መስኮት ሰብረው በገቡበት ወቅት ስብርባሪው የአርተምን የአራት ዓመት ልጅ እግሩ ላይ አቁስሎታል። ለሦስት ሰዓት ያህል ብርበራ ካደረጉ በኋላ ፖሊሶቹ አርተምን ይዘውት ሄዱ፤ ጣቢያው ውስጥም ለሦስት ቀናት አቆይተውታል
ሰኔ 9, 2020

አርተም ችሎት ላይ ማስረጃ ሆኖ የሚቀርብበትን የምርመራ ሪፖርት ማየት እንዲፈቀድለት ለኬርክ ከተማ ፍርድ ቤት ጥያቄ አቀረበ። ፍርድ ቤቱ ይህን የማድረግ ሕጋዊ ግዴታ ቢኖርበትም ጥያቄውን ውድቅ አድርጎታል
ግንቦት 24, 2021

ችሎቱ ተሰየመ። ብዙ ወንድሞችና እህቶች ድጋፋቸውን ለማሳየት ፍርድ ቤቱ ተገኝተው ነበር፤ ውስጥ እንዲገቡ ግን አልተፈቀደላቸውም

አጭር መግለጫ

አርተም ሻብሊ

የትውልድ ዘመን፦ 1990 (ኬርክ)

ግለ ታሪክ፦ የግንባታ ባለሙያ ነው። እግር ኳስ፣ የጠረጴዛ ቴኒስና ቼዝ መጫወት ይወዳል። በ2013 ከስቬትላና ጋር ትዳር መሠረተ። ሁለት ወንዶች ልጆች አሏቸው። በቤተሰብ አብረው ወጣ ብለው ተፈጥሮን ማየት ያስደስታቸዋል

አርተም አራት ዓመት ሲሆነው እናቱ የይሖዋ ምሥክር ሆነች። እያደገ ሲሄድ በክርስቲያን ጉባኤ ውስጥ ያየው እውነተኛ ፍቅር እንዲሁም ቤተሰባዊነት ልቡን ነካው። በ2007 ተጠመቀ

የሰጠው ሐሳብ

ፍርሃት ተሰምቶህ ይሖዋ ያበረታህ ጊዜ አለ?

መርማሪው ለምርመራ በጠራኝ ቁጥር እጨነቅ ነበር። ጫና ሊያደርግብኝ ወይም ሊያዋርደኝ ይሞክራል። ሁሌም ለይሖዋ እጸልይ ነበር። ውስጤ እንዲረጋጋና ጥበብ እንዲሰጠኝ እጠይቀዋለሁ። ደስ የሚለው፣ መርማሪው የተጠቀመባቸው መንገዶች ሁሉ እኔ ላይ አልሠሩለትም። . . . ይሖዋ ስለረዳኝ በግንብ አጥር የተከለልኩ ያህል ነበር።

እንድትጸና እየረዳህ ያለው ምንድን ነው?

የአሁኑን ያህል ወደ ይሖዋ የቀረብኩበት ጊዜ የለም፤ ደግሞም ይህን የጠበቀ ዝምድና ላጣው አልፈልግም። ለዘላለም ወዳጁ ሆኜ መኖር እፈልጋለሁ። ይሖዋ እንደሚኮራብኝና በጣም እንደሚወደኝ አውቃለሁ። እንድጸና እንዲሁም ይሖዋን ማስደሰቴን እንድቀጥል እየረዳኝ ያለው ይህ ነው።

አርተም በራሱ ሕይወት እንዳየው ይሖዋ ታማኝ አገልጋዮቹን ምንጊዜም በታማኝነት ይደግፋል። በክራይሚያና በሩሲያ ላሉ ውድ ወንድሞቻችንና እህቶቻችን ሁሉ ቋጥኝ፣ ምሽግና አስተማማኝ መጠጊያ መሆኑን እንደሚቀጥል እርግጠኞች ነን።—መዝሙር 18:2