በ2019 የአገልግሎት ዓመት ውስጥ ከ300,000 በላይ ሰዎች ተጠምቀው የይሖዋ ምሥክሮች መሆናቸውን ስንገልጽላችሁ ታላቅ ደስታ ይሰማናል። ከ1999 ወዲህ ባሉት 20 ዓመታት ውስጥ የተጠማቂዎች ቁጥር ከ300,000 በላይ ሲሆን ይህ የመጀመሪያው ነው። በትጋት እያከናወንን ያለውን የስብከቱንና ደቀ መዛሙርት የማድረጉን ሥራ ስለባረከው ይሖዋን እናወድሰዋለን!

የ2019 የአገልግሎት ዓመት ሌሎች ታሪካዊና የማይረሱ ክንውኖችም የተከናወኑበት ዓመት ነው። ለምሳሌ ብሔራት አቀፍ ስብሰባዎች ተደርገዋል፣ በተለያዩ ቋንቋዎች መጽሐፍ ቅዱስ ወጥቷል እንዲሁም በዓለም አቀፍ የወንድማማች ማኅበራችን ውስጥ ያለው ፍቅር በተግባር ታይቷል። ከዓለም አቀፉ አጠቃላይ ሪፖርት ላይ የተወሰነው ከዚህ በታች ቀርቧል። a

• ሪፖርቱ ውስጥ የተካተቱ አገሮች ብዛት፦ 240

• በዓለም ዙሪያ በመታሰቢያው በዓል ላይ የተገኙ፦ 20,919,041

• ከፍተኛ የአስፋፊዎች ቁጥር፦ 8,683,117

• አጠቃላይ ተጠማቂዎች፦ 303,866

እንዲህ ያሉ አስደሳች ሪፖርቶችን መስማታችን በ2020 የዓመት ጥቅሳችን ላይ የሚገኘውን ጌታችን ኢየሱስ የሰጠንን ‘ሂዱና ከሁሉም ብሔራት ሰዎችን እያጠመቃችኋቸው ደቀ መዛሙርት አድርጓቸው’ የሚለውን ትእዛዝ ተግባራዊ እንድናደርግ ያነሳሳናል።—ማቴ. 28:19