አርከንሶ፣ ሚሲሲፒ፣ ምዕራባዊ ሉዊዚያና እና ምሥራቃዊ ቴክሳስ

• ሎራ የተባለችው አውሎ ነፋስ ነሐሴ 27, 2020 ምዕራባዊ ሉዊዚያናን የመታች ሲሆን ከፍተኛ የንብረት ጉዳትና የኃይል መቋረጥ አስከትላለች

• አንዲት አረጋዊት እህት ከአደጋው ለማምለጥ ሲባል ከነበሩበት የሕክምና ተቋም ወደ ሌላ ቦታ እየተጓጓዙ በነበረበት ወቅት ሕይወታቸው አልፏል

• አንዲት ሌላ እህት ቀለል ያለ ጉዳት ደርሶባታል

• 3,992 አስፋፊዎች ከመኖሪያቸው ተፈናቅለዋል

• 10 የወንድሞቻችን ቤቶች ወድመዋል

• 95 ቤቶችና 4 የስብሰባ አዳራሾች ከባድ ጉዳት ደርሶባቸዋል

• 192 ቤቶችና 16 የስብሰባ አዳራሾች ቀላል ጉዳት ደርሶባቸዋል

• የዩናይትድ ስቴትስ ቅርንጫፍ ቢሮ የአደጋ ጊዜ እርዳታ አስተባባሪ ኮሚቴ አቋቁሟል

• የወረዳ የበላይ ተመልካቾችና የጉባኤ ሽማግሌዎች ከመኖሪያቸው የተፈናቀሉ አስፋፊዎች ማረፊያ እንዲያገኙ ለመርዳት ጥረት እያደረጉ ነው

• በአካባቢው የሚኖሩ ወንድሞች ከመኖሪያቸው የተፈናቀሉ አስፋፊዎችን አሳርፈዋል፤ ይህን ያደረጉት ከኮቪድ-19 ጋር የተያያዙ የደህንነት ደንቦችን በጠበቀ መልኩ ነው። ከመኖሪያው ተፈናቅሎ መጠለያ ያገኘ አንድ ወንድም እንዲህ ብሏል፦ “ይህን ሁሉ ነገር የይሖዋ በረከት እንደሆነ አድርገን እንመለከተዋለን!”

በአውሎ ነፋሱ በተጠቁት አካባቢዎች የሚኖሩት ወንድሞቻችንና እህቶቻችን መመሪያ በመከተልና የተቸገሩትን በመርዳት ‘ራሳቸውን ብቁ የአምላክ አገልጋዮች አድርገው እያቀረቡ ነው።’—2 ቆሮንቶስ 6:4