በሴንት ቪንሰንት እና በባርባዶስ ያሉ የተወሰኑ አካባቢዎች

• ሚያዝያ 9, 2021 ላ ሱፍሪዬር የተባለው እሳተ ገሞራ አመድና ጭስ መትፋት ጀመረ

• ከፍተኛ መጠን ያለው አመድ በሕንፃዎች ላይ ጉዳት ያስከተለ ከመሆኑም ሌላ መሠረታዊ አገልግሎቶች እንዲቋረጡ ምክንያት ሆኗል፤ በዚህም የተነሳ በአካባቢው የመጠጥ ውኃ እጥረት ተከስቷል

• እሳተ ገሞራው ለሳምንታት ያህል ይቀጥላል ተብሎ ይጠበቃል

• በሴንት ቪንሰንት እና በባርባዶስ ያሉ 185 አስፋፊዎች ከመኖሪያቸው ተፈናቅለዋል

• ባለሥልጣናት በሴንት ቪንሰንት ሰሜናዊ ክልል ወዳለው ከፍተኛ ጉዳት የደረሰበት አካባቢ አሁንም ድረስ መግባት ስላልቻሉ የጉዳቱን መጠን በትክክል ማወቅ አልተቻለም

• በሴንት ቪንሰንት እና በአቅራቢያዋ ባሉ አደጋ ያልደረሰባቸው ደሴቶች የሚኖሩ አስፋፊዎች ከመኖሪያቸው የተፈናቀሉትን ወንድሞችና እህቶች ቤታቸው ተቀብለዋቸዋል፤ ይህን እያደረጉ ያሉት ከኮቪድ-19 ጋር በተያያዘ የወጡትን የደህንነት ደንቦች ሳይጥሱ ነው

• በአካባቢው የሚሠራው የኮቪድ-19 የአደጋ ጊዜ እርዳታ አስተባባሪ ኮሚቴ፣ የእርዳታ ሥራውን እንዲያስተባብር ኃላፊነት ተሰጥቶታል። ኮሚቴው ከወረዳ የበላይ ተመልካቾችና በአካባቢው ካሉ የጉባኤ ሽማግሌዎች ጋር በመተባበር የመጠጥ ውኃ እያቀረበ ነው፤ በተጨማሪም አደጋ በደረሰባቸው አካባቢ የሚኖሩ ወንድሞችን ከአካባቢው በማስወጣቱ ሥራ እገዛ እያደረገ ነው

• በሴንት ቪንሰንት እና በሴንት ሉሺያ ያሉ ባለሥልጣናትም በአደጋው ለተጎዱት እርዳታ አበርክተዋል

አደጋው በደረሰበት አካባቢ ብቻቸውን የሚኖሩ አንድ በዕድሜ የገፉና ዓይነ ስውር የሆኑ ወንድም፣ ልክ እሳተ ገሞራው ከመፈንዳቱ በፊት በወንድሞች እርዳታ አካባቢውን ለቀው መውጣት ችለዋል። ወንድሞች ከአደጋ ነፃ ወደሆነው አካባቢ ሲሄዱ በርካታ ሰዎች ከአደጋው ለመሸሽ በሚያደርጉት ጥረት በመንገዱ ላይ ከፍተኛ ትርምስ ተፈጥሮ ነበር። ደስ የሚለው ሁሉም አስፋፊዎች በሰላም አካባቢውን ለቀው መውጣት ችለዋል።

የእርዳታ ሥራው ወንድሞቻችን መጠጊያና መጽናኛ እንዲያገኙ ስላስቻላቸው ደስተኞች ነን። በሥራው የተካፈሉት ወንድሞች “በጭንቅ ጊዜ ፈጥኖ የሚደርስልን ረዳታችን” የሆነውን አምላካችንን እንደሚመስሉ አሳይተዋል።—መዝሙር 46:1-3