ሉዊዚያና እና ደቡባዊ ምሥራቅ ቴክሳስ

• በእርከን 2 የሚመደበው ዝናብ የቀላቀለ አውሎ ነፋስ ጥቅምት 9, 2020 ላይ ደቡባዊ ምዕራብ ሉዊዚያናን የመታ ሲሆን በቅርቡ ሎራ በተባለችው አውሎ ነፋስ በተመቱ አካባቢዎች ላይ ተጨማሪ ጉዳት አስከትሏል

• ከባድ ዝናብ የቀላቀለው ይህ አውሎ ነፋስ ከፍተኛ የጎርፍ መጥለቅለቅ ያስከተለ ከመሆኑም ሌላ በበርካታ አካባቢዎች የኤሌክትሪክ ኃይል እንዲቋረጥ ምክንያት ሆኗል

• 1,583 የሚያህሉ አስፋፊዎች ከመኖሪያቸው ተፈናቅለዋል

• 216 ቤቶችና 16 የስብሰባ አዳራሾች ቀላል ጉዳት ደርሶባቸዋል

• 7 ቤቶች ከባድ ጉዳት ደርሶባቸዋል

• 3 ቤቶች ሙሉ በሙሉ ፈርሰዋል

• የወረዳ የበላይ ተመልካቾችና በአካባቢው ያሉ የጉባኤ ሽማግሌዎች ምግብ፣ ውኃ፣ መጠለያና ሌሎች ነገሮች የሚያስፈልጓቸውን ወንድሞቻችንንና እህቶቻችንን እየረዱ ነው። የእርዳታ እንቅስቃሴውን እያስተባበረ ያለው ሎራ የተባለችውን አውሎ ነፋስ ተከትሎ የተቋቋመው የአደጋ ጊዜ እርዳታ አስተባባሪ ኮሚቴ ነው። ወንድሞቻችን ከኮቪድ-19 ጋር የተያያዙ የደህንነት መመሪያዎችን ሳይዘነጉ በትጋት እየሠሩ ነው

በአካባቢው ያሉ የጉባኤ ሽማግሌዎች ለወንድሞች መንፈሳዊ ድጋፍ ለመስጠትም ጥረት እያደረጉ ነው። አንድ የጉባኤ ሽማግሌ የተመለከተውን ሲናገር እንዲህ ብሏል፦ “ይሖዋ ለእነዚህ ወንድሞችና እህቶች እየሰጣቸው ያለውን ጥንካሬ ማየት በጣም ያስገርማል። ‘ከሰብዓዊ ኃይል በላይ የሆነ ኃይል’ እንደሰጣቸው ምንም አያጠራጥርም።”—2 ቆሮንቶስ 4:7

ይሖዋ በእነዚህ አውሎ ነፋሶች ጉዳት ለደረሰባቸው ውድ ወንድሞቻችንና እህቶቻችን “መጠጊያና መሸሸጊያ” ስለሆናቸው በጣም እናመሰግነዋለን።—ኢሳይያስ 4:6