ፊጂ

• ያሳ የተባለውና አምስተኛ እርከን የተሰጠው ኃይለኛ አውሎ ነፋስ ከፊጂ ደሴቶች በትልቅነቷ ሁለተኛ የሆነችውን ቫኑዋ ሌቩን ሐሙስ፣ ታኅሣሥ 17, 2020 መታ

• ያሳ፣ ፊጂን እንደመቷት ከተመዘገቡት አውሎ ነፋሶች በኃይለኝነቱ ሁለተኛውን ደረጃ ይዟል። ነፋሱ በሰዓት 260 ኪሎ ሜትር የሚደርስ ፍጥነት ነበረው

• አደጋው በደረሰበት አካባቢ ቢያንስ 30 ጉባኤዎችና ገለልተኛ ቡድኖች አሉ

• ከወንድሞቻችንና ከእህቶቻችን አንዳቸውም ጉዳት አልደረሰባቸውም

• የመጀመሪያዎቹ ሪፖርቶች እንደሚያሳዩት 20 ቤተሰቦች ከመኖሪያቸው ተፈናቅለዋል

• አውሎ ነፋሱ በሰብል ላይ ከፍተኛ ጉዳት አድርሷል፤ በአካባቢው የሚኖሩ 430 አስፋፊዎች ዋነኛ ምግባቸው ወድሞባቸዋል

• 10 ቤቶች ፈርሰዋል

• 25 ቤቶች ጉዳት ደርሶባቸዋል

• 1 የስብሰባ አዳራሽ ቀላል ጉዳት ደርሶበታል

• የፊጂ ቅርንጫፍ ቢሮ ሦስት የአደጋ ጊዜ እርዳታ አስተባባሪ ኮሚቴዎችን አቋቁሟል። እነዚህ ኮሚቴዎች እንደ ንጹሕ የመጠጥ ውኃ፣ ልብስ፣ ምግብና የፕላስቲክ ድንኳን ያሉ መሠረታዊ ነገሮችን በአደጋው ለተጎዱ አስፋፊዎች አከፋፍለዋል። በተጨማሪም በአደጋው ምክንያት የተፈናቀሉትን አስፋፊዎች ጊዜያዊ ማረፊያ እንዲያገኙ ረድተዋቸዋል

• ከፊጂ ቅርንጫፍ ቢሮ የተላኩ ወንድሞችና በአካባቢው ያሉ የወረዳ የበላይ ተመልካቾች በአደጋው ለተጎዱት እረኝነት እያደረጉ ነው

• በእርዳታ ሥራዎችና በእረኝነት ጉብኝት የተካፈሉት ሁሉ ይህን እያደረጉ ያሉት ከኮቪድ-19 ወረርሽኝ ጋር በተያያዘ የወጡትን የደህንነት ደንቦች ባገናዘበ መልኩ ነው

ወንድሞቻችንና እህቶቻችን በዚህ ኃይለኛ አውሎ ነፋስ የተነሳ ያጡት ነገር ቢኖርም በመዝሙር 46:1 ላይ የሚገኘውን “አምላክ መጠጊያችን . . . ነው” የሚለውን ሐሳብ እውነተኝነት እየተመለከቱ ነው።