አዎ፣ አምላክ ከፈቃዱ ጋር የሚስማሙ ነገሮችን ከልባቸው የሚጠይቁ ሰዎችን ይረዳቸዋል። ከዚህ ቀደም ጸልየህ ባታውቅም እንኳ በመጽሐፍ ቅዱስ ውስጥ ‘አምላክ ሆይ፣ እርዳኝ’ ብለው የጸለዩ ሰዎችን ታሪክ ማንበብህ ሊያጽናናህ ይችላል። ለምሳሌ ያህል፦

•   “እግዚአብሔር አምላኬ ሆይ፤ ርዳኝ፤ እንደ ምሕረትህም አድነኝ።”—መዝሙር 109:26

•   “እግዚአብሔር ሆይ፤ ስማ፤ ማረኝም፤ እግዚአብሔር ሆይ፤ ረዳት ሁነኝ።”—መዝሙር 30:10

 እርግጥ ነው፣ እነዚህን ሐሳቦች የጻፈው ግለሰብ በአምላክ ላይ ጠንካራ እምነት እንደነበረው ግልጽ ነው። ያም ሆኖ አምላክ ‘ልባቸውና መንፈሳቸው የተሰበረ’ ሰዎች በሙሉ ትክክለኛ የልብ ዝንባሌ ይዘው ወደ እሱ የሚቀርቡትን ጸሎት ይሰማል።​—መዝሙር 34:18

 አምላክ ሩቅ እንደሆነ ወይም የአንተ ችግር እንደማያሳስበው ተሰምቶህ ስጋት ሊያድርብህ አይገባም። መጽሐፍ ቅዱስ እንዲህ ያላል፦ “እግዚአብሔር በከፍታ ስፍራ ቢሆንም፣ ዝቅ ያለውን ይመለከተዋል፤ ትዕቢተኛውን ከሩቅ ያውቀዋል።” (መዝሙር 138:6) እንዲያውም ኢየሱስ በአንድ ወቅት ደቀ መዛሙርቱን “የራሳችሁ ፀጉር እንኳ አንድ ሳይቀር ተቆጥሯል” ብሏቸው ነበር። (ማቴዎስ 10:30) አምላክ ስለ ራሳችን የማናውቃቸውን ጥቃቅን ነገሮች እንኳ ያውቃል። ታዲያ ስለሚያስጨንቀን ነገር ስንጸልይ እኛን ለማዳመጥ ይበልጥ ፈቃደኛ ይሆናል ብሉ ማሰቡ ምክንያታዊ አይሆንም?​—1 ጴጥሮስ 5:7