አጋንንት በእርግጥ አሉ። አጋንንት በአምላክ ላይ ያመፁ መንፈሳዊ ፍጥረታት ሲሆኑ ‘ኃጢአት የሠሩ መላእክት’ ተብለው ተጠርተዋል። (2 ጴጥሮስ 2:4) ራሱን ጋኔን ያደረገው የመጀመሪያው መልአክ ሰይጣን ዲያብሎስ ነው፤ መጽሐፍ ቅዱስ ይህን መልአክ ‘የአጋንንት አለቃ’ በማለት ይጠራዋል።—ማቴዎስ 12:24, 26

በኖኅ ዘመን የነበረው ዓመፅ

 መጽሐፍ ቅዱስ በኖኅ ዘመን ከደረሰው የጥፋት ውኃ በፊት መላእክት እንዳመፁ ሲገልጽ እንዲህ ይላል፦ “የእግዚአብሔር ወንዶች ልጆች የሰዎችን ሴቶች ልጆች ውብ ሆነው አዩአቸው፤ ከመካከላቸውም የመረጧቸውን አገቡ።” (ዘፍጥረት 6:2) እነዚህ ክፉ ወይም ዓመፀኛ መላእክት ከሴቶች ጋር የፆታ ግንኙነት ለመፈጸም ሲሉ በሰማይ የነበረውን “ትክክለኛ መኖሪያቸውን” ትተው የሰው አካል ለበሱ።​—ይሁዳ 6

 የጥፋት ውኃው ሲመጣ ዓመፀኞቹ መላእክት የለበሱትን ሰብዓዊ አካል በመተው ወደ ሰማይ ተመለሱ። ይሁንና አምላክ ከቤተሰቡ አባረራቸው። በተጨማሪም ድጋሚ ሰብዓዊ አካል እንዳይለብሱ በመከልከል ቀጣቸው።​—ኤፌሶን 6:11, 12