የበላይ አካሉ የሕትመት ኮሚቴ ረዳት የሆነው ሃሮልድ ኮርከርን “አቅማችሁን በሚገባ መጠቀም” የሚል ቅዱስ ጽሑፋዊ ንግግር ሰጠ። በዎርዊክ የሚሠሩትን ወንድሞች ለማበረታታት ጎብኚ ተናጋሪዎች ዘወትር ንግግር ይሰጧቸዋል።

ይህ ነጭ የፕላስቲክ መሸፈኛ ለሠራተኞቹ ከለላ የሚሆናቸው ከመሆኑም ሌላ በቅዝቃዜው ወቅት ሥራቸውን ማከናወን እንዲችሉ ይረዳቸዋል። የመመገቢያ አዳራሹ፣ ክሊኒኩ፣ ኩሽናውና የልብስ እጥበቱ በዚህ ሕንፃ ላይ ይሆናሉ።

የኤሌክትሪክ ሠራተኞች ሽቦ ለመዘርጋት ሲያዘጋጁ። ከ12,000 ሜትር በላይ ርዝመት ያለው ሽቦ በመኖሪያ ሕንፃዎቹ ግድግዳ ውስጥና ወለሉ ሥር ተቀብሯል። በዎርዊክ ከኤሌክትሪክ መስመር ጋር የተያያዘ ሥራ የተጀመረው ቦታው ከተገዛ ብዙም ሳይቆይ ሲሆን ፕሮጀክቱ እስከሚጠናቀቅ ድረስ ሥራው ይቀጥላል።

አንድ ሠራተኛ፣ በረንዳው ውኃ እንዳያስገባ ለሚከናወነው ሥራ ቅድመ ዝግጅት ለማድረግ በፕላስተር ሲሸፍን። በላይኛው ፎቅ ላይ የሚገኙ በረንዳዎች ፖሊሜተል ሜታክራይሌት የተባለ ውኃ የማያስገባ ፈሳሽ ነገር ይቀባሉ።

በኤሌክትሪክ ሥራ ላይ የተሰማሩ አንድ አባትና ሴት ልጁ ወደ መኖሪያ ቤቶቹ ኃይል የሚያስተላልፉ መስመሮችን ሲዘረጉ።

ሠራተኞቹ በዚህ ጊዜያዊ ምግብ ቤት ምሳ ይበላሉ። በዚህ ቦታ በየዕለቱ ከ2,000 ሰው በላይ ይስተናገዳል።

የጥገና ክፍሎቹን ምድር ቤት ወለል ለአርማታ ለማዘጋጀት ፌሮ ሲዘረጋ።

ልጆች ለግንባታ ሠራተኞቹ አድናቆታቸውን ለመግለጽ የጻፏቸው ደብዳቤዎች። በርካታ ፈቃደኛ ሠራተኞች በዚህ ቦታ ለአጭር ጊዜ ይሠራሉ። በየሳምንቱ 500 ገደማ አዳዲስ ሠራተኞች ይመጣሉ። በየካቲት ወር በዎርዊክ ፕሮጀክት ላይ በየዕለቱ 2,500 የሚያህሉ ሠራተኞች ተካፍለዋል።

በአሁኑ ወቅት ከፕሮጀክቱ 60 በመቶ የሚያህለው ተጠናቋል። ከጥር እስከ ሚያዝያ 2015 ባለው ጊዜ ውስጥ በመኖሪያ ሕንፃዎቹ ላይ፣ ከመሠረት በላይ ያለው የሕንፃው ክፍል ተጠናቋል፤ በቢሮዎች እና በአገልግሎት መስጫ ሕንፃው ላይ ደግሞ በብረት የተሠራው ቋሚና ማገር ሥራ አልቋል። በዚሁ ጊዜ ውስጥ ሠራተኞቹ የጥገናውን ሕንፃ የሲሚንቶ ግድግዳ ማቆም፣ የመኖሪያ ሕንፃዎቹን የሚያገናኙ መተላለፊያዎችን መሥራት እንዲሁም በስተርሊንግ ፎረስት ሌክ (ብሉ ሌክ) ላይ የሚገኘውን ግድብ ወደ ቀድሞ ሁኔታው ለመመለስ ጥረት ማድረግ ጀምረዋል።

የደረጃዎቹ ቦታ ከታች ወደ ላይ ሲታይ። የዚህን ባለ አምስት ፎቅ ሕንፃ ደረጃዎች ፍሬም የሠሩት ሕንፃ ተቋራጮች ሲሆኑ አርማታውን የሞሉት ደግሞ ፈቃደኛ የይሖዋ ምሥክሮች ናቸው።

በአንድ ቀዝቃዛ ቀን ሠራተኞቹ የመጀመሪያውን ፎቅ ለአርማታ ለማዘጋጀት ፌሮ ሲዘረጉ። በዎርዊክ ከጥር እስከ መጋቢት ባለው ጊዜ ውስጥ 127 ሴንቲ ሜትር የሚያህል በረዶ ጥሏል። በረዶውን የሚጠርጉት ቡድኖች ቦታውን ሁልጊዜ ያጸዳሉ፤ ሠራተኞቹ ደግሞ ሰውነታቸውን ለማሞቅ፣ ሙቀት የሚሰጡ ክፍሎች ውስጥ ይገባሉ።

አስቀድሞ የተዘጋጀው የጣሪያው መዋቅር ላይ ቆርቆሮ ሲያለብሱ። እስከ ሚያዝያ መጨረሻ ባለው ጊዜ ውስጥ፣ በአሞራ ክንፍ ቅርጽ የተሠሩት አብዛኞቹ የመኖሪያ ሕንፃዎች ጣሪያዎች ይጠናቀቃሉ። የመጨረሻዎቹ ጣሪያዎች ሥራ የሚከናወነው በመኖሪያ ሕንፃ ለ ላይ ሲሆን ይህም በሰኔ ወር አጋማሽ ላይ ያልቃል።

መኖሪያ ሕንፃ ለ፣ ከረጅም የከባድ ዕቃ ማንሻ መሣሪያ (ክሬን) ላይ ሲታይ።

የቧንቧ ሠራተኞች በነዋሪዎች የመኪና ማቆሚያ ጋራዥ ውስጥ ሆነው ፕላኑን ሲመለከቱ። አጠቃላይ ፕሮጀክቱን ለማከናወን ከ3,400 በላይ የጸደቁ የግንባታ ፕላኖች አስፈልገዋል።

ሠራተኞች፣ ማንሻ መሣሪያ ላይ ሆነው ሕንፃውን በፕላስቲክ ሲሸፍኑት። ሠራተኞቹ፣ ማንሻ መሣሪያዎችንና ሌሎች መገልገያዎችን ለአደጋ በማያጋልጥ ሁኔታ እንዲጠቀሙ ለማድረግ ብዙ ሥልጠና ተሰጥቷቸዋል። ሥልጠናዎቹ የማንሻ መሣሪያዎች አጠቃቀምን፣ ሠራተኞች እንዳይወድቁ የሚደረግ ጥንቃቄን፣ አጠቃላይ የደህንነት ግንዛቤን፣ የአፍንጫና የአፍ መሸፈኛ አጠቃቀምን እንዲሁም ትላልቅ ነገሮችን ከቦታ ቦታ ከማንቀሳቀስና ክሬኑን ለሚያንቀሳቅሰው ሰው ምልክት ከመስጠት ጋር የተያያዙ ትምህርቶችን ያጠቃልላሉ።

በስተ ምዕራብ ያሉት የመኖሪያ ሕንፃዎች። ይህ ፎቶግራፍ እንደሚያሳየው እስከ ሚያዝያ መጨረሻ ድረስ ባለው ጊዜ ውስጥ ከመኖሪያ ሕንፃዎች ሀ፣ ለ እና መ የሜካኒካል እና የኤሌክትሪካል ሥራዎች ጋር በተያያዘ ሰፊ ሥራ ተከናውኗል። በመኖሪያ ሕንፃ ሐ (ፎቶው ላይ አይታይም) ደግሞ የጂፕሰም፣ የወለል ንጣፍና የቀለም ሥራ ተጀምሯል።

ሁለት ሠራተኞች ማንሻ መሣሪያ ላይ ሆነው የውጭው ግድግዳ እርጥበት እንዳያሰርግ መከላከያ ሲቀቡ። በእያንዳንዱ የመኖሪያ ሕንፃ ላይ ይህን መከላከያ ለመቀባት ሁለት ወር ገደማ ይወስዳል።

ግንበኞች የድንጋይ ግንብ ሲሠሩ። ዕቃ የሚራገፈው እንዲሁም ድጋፍ ሰጪ ክፍሎች ሥራቸውን የሚያከናውኑት በዚህ ቦታ ላይ ነው።

ለዚህ ሥራ የተቀጠረ አንድ ዋናተኛ በብሉ ሌክ፣ አሮጌውን ቫልቭ በአዲስ ሲቀይር። ይህ መደረጉ፣ ኃይለኛ ውሽንፍር ቢነሳ የውኃ መጥለቅለቅ እንዳይፈጠር ለመከላከል አንዲት ቁልፍ ብቻ በመጫን የሐይቁን መጠን ለመቀነስ ያስችላል።