Wa Ira ko Tolas no Roray Han?
Samaan ko caˈof iso?
-
Hay ha?
-
Cowa ha?
-
Hatira alatek?
Sowal no Fangcalay Cudad:
“Caayto ko mamapatay, caayto ko mamararom, caayto ko tatomangic, caayto ko mamisemsem ko tamdaw a maemin”.—Paˈarawan 21:3, 4, Fangcalay Cudad no Amis.
Samaanay ko nika pilingat kitaanan? Tatodong noni:
Cowa ko Kawas ko parorayay kitaanan.—Yakop 1:13.
Mafanaˈay ko Kawas to roray ita, masayalayto ko falocoˈ.—Cikariya 2:8.
Wa ira ko tolas no roray.—ˈOlic 37:9-11.
Soˈlinay ko sowal no Fangcalay Cudad han?
Hay, tosaay ko lalangian:
-
ˈIntehay ko Kawas to tatiihay a demak. Iti:yaho, o mitaˈongay to Kawas a tamdaw masamsamay, sowal no Fangcalay Cudad, maˈaraw no Kawas ko “nipisemsem ato nika samsam nangra” mararomay Cingra.—Kakitaan 2:18.
ˈIntehay ko Kawas to mipatayay to ˈorip no tamdaw sanay ko Fangcalay Cudad.—Taneng 6:16, 17.
-
Ciharatengay ko Kawas to cecacecay tamdaw. Cowa ko marorayay aca a tamdaw ko mafanaˈay to “roray no falocoˈ”, ano ci Yihofato ihekalay ko nika fanaˈ!—Taneng 14:10.
Wa kalikito ci Yihofa pakayni i Kitakit Ningra a mitedal to roray ita. (Matay 6:9, 10) Anini, hinoman no Kawas ko mikilimay Cingranan a tamdaw.—Dmak 17:27; 2 Korinto 1:3, 4.
Haratengen hena
Hano pakihater sa ko Kawas to roray i hekal hani?
Sanay ko caˈof no Fangcalay Cudad itini i: LOMA 5:12 ato 2 PITIRO 3:9.