Wa Samaan ko Kaˈorip Noikor Hani?
O pakayraan no hekal . . .
-
Cowa ko mamafalic han?
-
Wa mangalef ko nika tatiih han?
-
Wa malingad ko kangaˈay han?
Sowal no Fangcalay Cudad:
“O sasisiten no Kawas a miemin ko losaˈ no mata nangra. Caayto ko mamapatay, caayto ko mamararom, caayto ko tatomangic, caayto ko mamisemsem ko tamdaw a maemin. Malasawadto ko iˈayaway a demak.”—Paˈarawan 21:3, 4, Fangcalay Cudad no Amis.
Samaanay ko nika pilingat kitaanan? Noikor wa ngaˈay kiso . . .
Ira ko ciepocay a tayal, cowa ka lakisaw ko nano rorayan a demak.—Isaya 65:21-23.
Cowato ka adada, Cowato ka pisemsem.—Isaya 25:8; 33:24.
Tahadaˈoc mahemek ko kaˈorip a malawinawina.—ˈOlic 37:11, 29.
Soˈlinay ko sowal no Fangcalay Cudad han?
Hay, tosaay ko lalangian:
-
Iraay ko ˈicel no Kawas palaˈosi to sakiˈok. O ˈicel ni Yihofa awaay ko tolas, edeng Cingra ko “ciˈicelay a Kawas”. (Paˈarawan 15:3) Mihaenay, iraay ko ˈicel no Kawas palaˈosi to sakiˈok misakapah toniya hekal. Sanay ko Fangcalay Cudad: “Mafilo no Kawas ko masamaamaanay a demak.”—Matay 19:26.
-
Ciharatengay ko Kawas palaˈosi to sakiˈok. O Kawas ci Yihofa “mamaolah” to mapatayay a tamdaw, makalimay palowad cangraanan.—Yopu 14:14, 15.
Matiliday i Fangcalay Cudad na miadahay to adadaay tamdaw ko wawa no Kawas ci Yis. Misamaanay hano mihaen ko demak ni Yis hani? Samanen sapadamaaw cingra to tamdaw. (Marko 1:40, 41) Mahecaday ci Yis to Wamaan ningra makalimay mipadang to marorayay a tamdaw.—Yohani 14:9.
Mihaenay, mafanaˈay kita to ciharatengay ko Kawas ci Yihofa aci Yis sapadamaaw kitaanan, pakahemek to kaˈorip no mita noikor!—ˈOlic 72:12-14; 145:16; 2 Pitiro 3:9.
Haratengen hena
Wa samaanen no Kawas misakapah koniya hekal?
Nengnengen ko sowal no Fangcalay Cudad itini i: TANIIL 2:44 ato TANENG 2:21, 22.
