Lihaf no Taykay
MICADAAY TO TAMDAW Makahiyay ko militemohay padama to tamdaw. Tooren ko sakayat nangra pakayni to pitelian to paliding, karomakatan, kamaroˈan, ato romaroma a demakan.
MICADAAY TO INOˈ O kamaroˈan no mamicada to inoˈ itiniay i kaˈayaw no pikimadan, anca o misaˈosian toya romiˈad a kitiraan. Mamicada to inoˈ a tamdaw, ˈayaw no painoˈay kimad to papacem no Pieneman, maroˈto i kamaroˈan no mamicada to inoˈ. O mamicada to inoˈ a tamdaw sadayen ko sasifin ato matatodongay a rikoˈ.
PAKIYAHO Pakayni saka lipahakaw no mirienangay to taykay matongal ko pingata to Kawas, adihayay ko mapalakay a payci misaday to kamaroˈan, laciyo ato sapinengneng to ika. Ora naifalocoˈay a kiyaho iso, wa saka dademaken i pitaykayan ato mitosilay a demak i polong no hekal. Itini i taliyok no pitaykayan, iraay mateli ko pakiyahoan a hako. O kihcod a kiyaho masaka limlaan. Miakoˈiday ko Malohemay Malitengay i Congpo to sadama namo to demak no Hongti Kitakit no Kawas.
MACALOHAY SADAMA Sinanoten, o macalohay sadama no taykay OYAAN ACA MACALOHAY ko saali a tamdaw ko papadamaen.
PIALAAN TO MAHIDAYAY DAFONG Kihcod a mahidayay dafong patayraan i Pialaan to Mahidayay Dafong a miteli. Ano mahidayay ko dafong iso, ka tayra a milicay. Ano masiwala ko kaemangay, keriden patayni toniya kitiraan. Kawra sinanoten, oniya pitelian to mahidayay dafong cowa ko paikenan to wawa a kitiraan. O kakala cafayen no wama wina ko wawa, songilaˈen a mihimaw cangra.
KAMAROˈAN Patadoen miharateng ko roma tamdaw, oyaan aca paro no lomaˈ iso, cafay mikalic to paliding, mahecaday ko pilafinan, anca pacekiwan iso a tamdaw ko papatadoen miterek to kamaroˈan. Ano cowa ko mamiterek to kamaroˈan, hamaan telien ko dafong i kamaroˈan.
O MAKALIMAY A MATAYAL Ano ciharatengay kiso matayal i taykay, ka tayra i Makalimay Matayal a milicay ato patilid to ngangan
MIKIRIWIˈAY SAˈOPO
SKE O misakafahay 23 tangasa 65 ko mihecaan, makalimay micowat to mitosilay demak a tamdaw, ngaˈayay mirienang toni saˈopo no Pahatatanamay to Mitosilay to Kitakit a Tamdaw, wa itini Pilipayan kalahokan a masaˈopo. O kaitiraan no saˈopo ato toki, tengilen ko safanaˈ no taykay.
O Malohemay Malitengay i Congpo no Misawacayay Tamdaw ni Yihofa ko Misadayay
