Samaanen minanam ngaˈ milifok to taˈangayay epoc?
Malacafay to singsi a minanam: Onini a cudad cima ko pafeliay tisowanan hani? Ngaˈayay kiso malacafay cingranan a minanam to Fangcalay Cudad. Ngaˈayay tayra i jw.org. a wangcan a pangangan minanam.
SALAKATAY
Miˈosi to kahacecay fatac haopen ko salicay (A) ato mihadakan a sinael (B). “ˈOsien ko . . . ” ano sa i, ˈosienho ko sinael.
TENOK
Ilaeno no “Calepen Mikadkad” a fatac, mamitadtad to dotoc a lalakaw (C). Mimingay lalangian (D) mamisiwkay to kalimlaan no lalengoen. ˈOsien ko sinael, pacaˈofen ko salicay, ato nengnengen ko ika (E).
Nengnengenho ko coka ato sapitadtad (F). Salikor, “Ano saan ko tao i” (G), haratengen wa samaan kiso pacaˈof.
LALIKORAY
“Kalimlaan” ato “Lomalen” (H), miliyaway milomal toniya fedengan. Tiliden ko pilahcian a romiˈad. Tooren ko “Patosokan” (I) a misaka dademak. Wa ngaˈayho kiso solapen ko “Malalitingay a Lalakaw” (J), iraay ko sapatongal a sapasifanaˈ ato ika.
Samaanen mikilim to sinael
Wa manengneng iso ko Ngangan no Fangcalay Cudad (A), fedengan (B), sinael (C). Tinakoen, Yohani 17:3, o Yohani hananay a cudad, saka moetep ira ko pito fedengan, tolo sinael.