SAKA 03 FEDENGAN
Wa Ngaˈay Pakasoˈlinen a Mitiˈer ko Fangcalay Cudad Han?
Mihadakay ko Fangcalay Cudad to hatokel no tamdaw noikor, itini i adihayay a pakayraan pafeliay to sapaini a sowal. Maolahay kiso to Fangcalay Cudad alatek, kawra iraayho ko sasa no falocoˈ. Soˈlin o nolitenganto ko Fangcalay Cudad, mihadakan a hatokel ato sapaini a sowal nira, wa ngaˈay tiˈeren han? Sowal no Fangcalay Cudad, nohatiniho wa lipahak ko kaˈorip, ikor i, iraayho ko makapahay a noikoran. Onini wa ngaˈay pakasoˈlinen a tiˈeren han? Paro no hekal ˈalomanay ko pakasoˈlinay to Fangcalay Cudad. Nohatini hapinangen ita ko pina a wacay, nengnengen wa ngaˈay pakasoˈlinen a mitiˈer ko Fangcalay Cudad han?
1. Fangcalay Cudad o soˈlinay han, anca o mangah a tawcikel han?
O mitiliday to Fangcalay Cudad a tamdaw, ‘mikiemelay tano matatodongay a sowal mitilid to soˈlinay kimad,’ sanay ko sowal no Fangcalay Cudad. (Patnakay 12:10) Adihayay ko maˈoningay no Fangcalay Cudad to soˈlinay demak no tamdaw. (ˈOsien ko Luka 1:3; 3:1, 2.) Pakayni to tatokian, tamdaw, kitiraan ato mifekaday a demak, masawacayayto no mitiliday to likisi ato mikorkoray to nolitengan dafong a tamdaw.
2. Fangcalay Cudad hano cowa ko matelangay han hani?
Ano palalinien kono pinengneng no masasiromaay a lalintadan i, talaˈayawayto ko sowal no Fangcalay Cudad. Patinakoen itini nokakaku a demak, o maˈoningayto no Fangcalay Cudad, cowa ka hecad to piharateng no iti:yaayho a tamdaw. Ikorto ngaˈ, masawacayayto nokakaku to soˈlinay ko Fangcalay Cudad. Oniya cudad ‘ngaˈayay tiˈeren tahadaˈoc.’—ˈOlic 111:8.
3. Misamaanay hano ngaˈay pakasoˈlinen ko sapairasol no Fangcalay Cudad pakayni to noikoran?
O Fangcalay Cudad ‘iti:yaho somowalayto to noikoran a demak.’ (Isaya 46:10) Cowaho ka pifekad a demak, paliˈayawayto ko Fangcalay Cudad a mipairasol. O roma i, malaˈosiay a masowal no Fangcalay Cudad ko pakayraan no aniniay a lintad. Tonini a fedengan, nengnengen ita ko pina malaˈosiayto a sapairasol no Fangcalay Cudad. Tada masakasapaan ko nika laˈosi no sapairasol!
CALEPEN MIKADKAD
Dotoc mamananam iso: O Fangcalay Cudad ato aniniay a kakaku, iraay ko maanan kalecadan hani? Iraay ko maanan kasapaan a sapairasol hani?
4. Fangcalay Cudad ato kakaku mahahecaday
I nolitenganho, ˈalomanay tamdaw pakasoˈlinay to iraay ko micokeray to cikiw sanay. Nengnengen ko IKA.
Nengnengen, ˈayaw no 3,500 mihecaan samaanay ko sowal ni Yopu. ˈOsien ko Yopu 26:7, ikor lengoen ko ilaenoay a salicay:
-
Sowal no Fangcalay Cudad ‘caˈitan [no Kawas] ko cikiw i dohaw,’ hano tada kasapaan koniya sowal?
O roma i, tangasa i saka 19 hahekalan, fanaˈ sanayho ko tamdaw to makoliyoray ko nanom no cikiw. Kawra, nengnengen ˈayaw no pi:na caˈol a miheca, mansanay ko sowal no Fangcalay Cudad. ˈOsien ko Yopu 36:27, 28, ikor lengoen ko ilaenoay a salicay:
-
O sowal no Fangcalay Cudad to pikoliyor no nanom hano masakasapaan hani?
-
Maˈosito koniya sinael ikor, matongalay ko nika pakasoˈlin iso to Fangcalay Cudad han?
5. Paliˈayaway a pasowal ko Fangcalay Cudad to mamifekad a demak
ˈOsien ko Isaya 44:27–45:2, ikor lengoen ko ilaenoay a salicay:
-
ˈAyaw no kapeleng no niyaroˈ no Papilon to 200 a miheca i, paliˈayawayto ko Fangcalay Cudad a somowal to maanan a demakan?
a mikeriday to sofitay milowid to Papilon. Paliyasan nangra koya miˈalikotay to niyaroˈ a nanom no ˈalo. Micomod ko sofitay, mafohatay ko fawahan no adawang, cowa ka malalood cangra malowidayto nangra ko niyaroˈ. Ikor no 2,500 miheca, na kaitiraan no Papilon a niyaroˈ mala horacayto anini. Coko malecaday to sapairasol no Fangcalay Cudad konini han?
Misawacayay ko likisi, hongti no Pirsiya ci Kirus, ˈayaw no kongyen 539 mihecaanˈOsien ko Isaya 13:19, 20, ikor lengoen ko ilaenoay a salicay:
-
Samaanay malaˈosi konini a sapairasol?
Anini maˈaraway i Irake ko mala horacayto a Papilon
6. Paliˈayaway ko Fangcalay Cudad pasowal to aniniay pakayraan noniya hekal
Saikorayto a romiˈad hananay no Fangcalay Cudad konini a lintad no mita. (2 Timoti 3:1) Nengnengen samaanay paliˈayaw pasowal ko Fangcalay Cudad to mamafekad a demak toniya ˈawaled.
ˈOsien ko Matay 24:6, 7, ikor lengoen ko ilaenoay a salicay:
-
Sowal no Fangcalay Cudad, toniya salikoray a romiˈad wa ira ko manan a mikiriwiˈay a tahapinangan?
ˈOsien ko 2 Timoti 3:1-5, ikor lengoen ko ilaenoay a salicay:
-
Sowal no Fangcalay Cudad, itini salikoray a romiˈad samaanayto ko pinangan no tamdaw sanay?
-
Masowalay no sinael a waywayan no tamdaw anini, maˈaraway iso matengilay iso han?
ANO SAAN KO TAO I, “O Fangcalay Cudad sahtoay o mangah a tawcikel,” sanay.
-
Adihayay ko wacay to ngaˈayay pakasoˈlinen ko Fangcalay Cudad. Icowaay a wacay tada ciˈicelay sanay kiso hani?
KALIMLAAN
O likisi, kakaku ato sapairasol, onini tolo a wacay, paihkalay o Fangcalay Cudad ngaˈayay a pakasoˈlinen iso.
Lomalen
-
O Fangcalay Cudad o soˈlinay han anca o mangah han?
-
Icowaay no Fangcalay Cudad ko malecaday to kakaku hani?
-
Pakasoˈlinay kiso to Fangcalay Cudad, paliˈayaway pasowal to noikoran han? Misamaanay?
MALALITINGAY A LALAKAW
Fangcalay Cudad ato kakaku masasongtolay han?
“Fangcalay Cudad ato Kakaku Malalecaday Han?” (Lalakaw no wangcan)
‘Saikoray a romiˈad’ mamifekad ko manan a demak hani?
“Enem a Malaˈosiayto Nohatini a Pairasolan no Fangcalay Cudad” (Mikecolay, 2011/5/1)
Nengnengen ita ko pairasolan no Fangcalay Cudad, pakayni to Krisiya onini Tada Ciˈicelay a Kitakit no Hekal samaanay malaˈosi.
“Sapairasol no Fangcalay Cudad Paˈicelay to Pakasoˈlin no Falocoˈ Ita” (5:22)
O cecay faˈinayan i, mahapinang ningra ko sapairasol no Fangcalay Cudad, mafalicayto ko pinengneng ningra to Fangcalay Cudad.
“Saˈayaw Cowa Pakasoˈlin Kako to Iraay ko Kawas” (Mikecolay, Saka 5 Liyad 2017)
a “Kongyen” hananay mahecaday o “Siyen.”