SAKA 04 FEDENGAN
O Cima ko Kawas?
Nanolitengan tahanini, mitaˈongayto ko tamdaw to masasiromaay a kawas. Kawrira, sowal no Fangcalay Cudad: ‘Tada mikiriwiˈay a tadamaan ko Kawas ita, ikaka to romaroma a kawas.’ (2 Rayray 2:5) Cima ko soˈlinay Kawas hani? O romaroma kawas hano eca ka pakalini to soˈlinay Kawas hani? Itini tonini a fedengan, nengnengen samaanay ko Kawas misiwkay to Niyahan i tisowanan.
1. Cima ko ngangan no Kawas? Hano makalim Cingra to sakafanaˈaw ita to ngangan Ningra?
Itiniay Fangcalay Cudad ko Kawas misiwkay to Niyahan i kitaanan: ‘Ci Yihofa Kako, o ngangan Ako konini.’ (ˈOsien ko Isaya 42:5, 8.) Oniya “Yihofa” hananay a ngangan, naitiniay i Hipray sowal a hongyaken. Tatodong nonini a ngangan i, “pakalahciay to nisahalakaan no nafalocoˈan Ningra,” sa koniya sowal i, o pakalaheciay to demak ci Yihofa o sanay. Makalimay ci Yihofa mafanaˈ kita to ngangan Ningra. (Kasadakan 3:15) Hano hatira ko sowal hani? Samanen papitilidan Ningra ko tamdaw i Fangcalay Cudad to ngangan Ningra, mataˈlifay ko 7,000! a Oniya “Yihofa” a ngangan, edengan o soˈlinay Kawas i paro no kakarayan ko cinganganay.—Limoˈot 4:39.
2. Sowal no Fangcalay Cudad o masamaanay a Kawas ci Yihofa hani?
Sowal no Fangcalay Cudad, adihayay ko mitaˈongan no tamdaw a kawas, kawra edengan ci Yihofa ko soˈlinay a Kawas. Misamaanay hani? Iraay ko pina a lalangian. Iraay ko saˈakawangay a fadangalan ni Yihofa. ‘Edeng Kiso ko Saˈakawangay, o mikowanay to polong no hekal.’ (ˈOsien ko ˈOlic 83:18.) Sowal no Fangcalay Cudad o ‘malefotay ko ˈicel a Tapang’ Cingra, samanen awaay ko kafokilan Ningra iraay ko ˈicel milahci to nisahalakaan a maemin. O Cingra ko ‘misangaˈay to maamaan,’ mahawpay ko polong a dohaw ato i fafekangay no sera a pinaˈorip a maemin. (Paˈarawan 4:8, 11) Edengan ci Yihofa ko padotocay a materek, tatahadaˈoc a materek Cingra.—ˈOlic 90:2.
CALEPEN MIKADKAD
Dotoc mamananam iso: Ngangan no saaroˈan no Kawas ato tadangangan Ningra iraay ko manan kasasiromaan? Samaanay ko Kawas pasifanaˈ tisowanan to ngangan Ningra? Hano makalim ko Kawas mafanaˈ kiso to ngangan Ningra hani?
3. Adihayay ko ngangan no saaroˈan no Kawas, kawra cecayay aca ko tadangangan
O ngangan no saaroˈan no tamdaw ato tadangangan cowa ka hecad, nengnengen ko IKA, ikor lengoen ko ilaenoay a salicay:
-
O ngangan no saaroˈan ato tadangangan o manan ko kasasiromaan hani?
Somowalay ko Fangcalay Cudad, mitaˈongay ko tamdaw to adihayay kawakawas tapatapang. ˈOsien ko ˈOlic 136:1-3, ikor lengoen ko ilaenoay a salicay:
-
Cima ko ‘Kawas no kawakawas’ ato ‘Tapang no tapatapang’?
4. Makalimay ci Yihofa mafanaˈ kiso ato misakadademak to ngangan Ningra
Samaan mahapinang iso to makalimay ci Yihofa mafanaˈ kiso to ngangan Ningra? Nengnengen ko IKA, ikor lengoen ko ilaenoay a salicay:
-
Makalimay ci Yihofa mafanaˈ ko tamdaw to ngangan Ningra sanay kiso miharateng han? Misamaanay?
Makalimay ci Yihofa misaka dademak to ngangan Ningra a pangangan Cingranan. ˈOsien ko Loma 10:13, ikor lengoen ko ilaenoay a salicay:
-
Sakadademaken ko ngangan ni Yihofa hano masakalimlaan?
-
Ano maharateng no tao ko ngangan iso a pangangan tisowanan i, samaanay ko harateng iso?
-
Sakadademaken iso ko ngangan ni Yihofa a pangangan Cingranan i, wa samaan ko harateng Ningra hani?
5. Makalimay ci Yihofa miingid kiso Cingranan
Naitiniay Kampotiya ci Insocen mafanaˈto to ngangan no Kawas i, palipahakay cingranan. Nengnengen ko IKA, ikor lengoen ko ilaenoay a salicay.
-
Ci Insocen mafanaˈ to ngangan no Kawas, samaanay ko kafalic ningra?
Ano misawidang kiso to tao i, salakat mafanaˈ to ngangan ningra ˈOsien ko Yakop 4:8a, ikor lengoen ko ilaenoay a salicay:
-
Mitahidangay ci Yihofa tisowanan samaan ko hademak?
-
Mafanaˈ ato misakadademak to ngangan no Kawas, hano papadama tisowanan miingid Cingranan?
ANO IRA KO SOMOWALAY: “Ano samaanto pangangan to Kawas ngaˈayayto.”
-
Pakasoˈlinay kiso ci Yihofa ko ngangan no Kawas han?
-
Wa samaan kiso mitadtad i tamdaw, makalimay ci Yihofa misakadademak kita to ngangan Ningra pangangan Cingranan?
KALIMLAAN
Ci Yihofa ko ngangan no tadacecayay soˈlinay a Kawas, makalimay Cingra misaka dademak kita to ngangan Ningra pangangan Cingranan, mihaen wa mangaˈayto kita miingid Cingranan.
Lomalen
-
Misamaanay hano caka lecad ci Yihofa to roma a kawakawas?
-
Hano sakadademaken ita ko ngangan no Kawas pangangan Cingranan?
-
O manan ko patalahkalay to makalimay ci Yihofa miingid kiso Cingranan?
MALALITINGAY A LALAKAW
Nengnengen ko lima ciˈicelay a wacay to iraay ko Kawas a materek.
Awaay ko satapangan no Kawas, midaˈocay a materek. Soˈlinay han?
Soˈliˈlin cowa kafanaˈ kita to salakatay a piˈosi to ngangan no Kawas, hano sakadademaken ko Yihofa sanay a pangangan to Kawas?
Samaanen ita pangangan ko Kawas? Misamaanay hano cecayay aca ko tadangangan no Kawas?
a Sakacipinangaw to tatodong no ngangan no Kawas ato lalangian no pipalasawad to ngangan no Kawas ko romaroma mihongyakan a Fangcalay Cudad, nengnengen ko Fangcalay Cudad Faelohay Hekal Mihongyakan sapatongal lalakaw A4.
