Makalimay ci Yihofa tangongol ko kafanaˈ iso Cingraanan. Misamaanay hani? Samanen makalimay Cingra ano malingad ko kafanaˈ iso Cingraanan i, mamatongal ko harateng to sapisawidangaw Cingranan. Mafanaˈ ci Yihofaan mahawpay ko kacipinang to capeling Ningra, pakayraan Ningra a dademak ato saali Ningra to sasamaan ko kaˈorip iso. Wa saan kiso miharateng alatek: Mala widang to Kawas, wa ngaˈay saw? (ˈOsien ko ˈOlic 25:14.) Samaan ko demak ngaˈ mala widang to Kawas hani? Ano ˈosien iso ko Fangcalay Cudad mamafanaˈ to sapacaˈof, mamafanaˈho mala widang to Kawas hano tada o kalimlaan a sapalemed i tisowanan.

1. Misaaliay ci Yihofa tisowanan misamaan ko demak?

‘Ka piingid kamo to Kawas, ta ingiden no Kawas kamo.’ (Yakop 4:8) O manan ko tatodong nonini hani? Misaaliay ci Yihofa tisowanan mala widang Ningra. Awaay maˈaraw ko Kawas samaanen misawidang Cingra sanay ko romaroma tamdaw miharateng? Soˈlin cowa ka ˈaraw ita ci Yihofa, kawra pakaynian Ningra i Fangcalay Cudad ihkal mifanaˈ kitaanan to capeling Ningra, padama kitaanan miingid Cingranan. Miˈosi kita to sapafeli no Kawas kitaanan a Fangcalay Cudad i, mamatongal ko kalawidang Cingranan.

2. Hano mamalo sangaˈayay a Widang iso ci Yihofa?

Ikakaay to cimacima a tamdaw ko nika olah ni Yihofa tisowanan. Makalimay Cingra lipahak ko kaˈorip iso, mihamhamay tisowanan ano hacowato mifowah to harateng i Cingranan. Sowal no Fangcalay Cudad: ‘Patorod han i Kawas ko polong a cariraw namo, samanen ciharatengay Cingra i tamowanan.’ (1 Pitiro 5:7) Ano hacowato makahiay ci Yihofa mipadang ato mihinom to widang Ningra, midohingaay a mitengil to nafalocoˈan nangra.​—ˈOsien ko ˈOlic 94:​18, 19.

3. Makalimay ci Yihofa to widang Ningra samaan ko hademak?

Maolahay ci Yihofa to tamdamdaw, kawra edengan ‘o moecelay ko falocoˈ a tamdaw ko misawidangan Ningra.’ (Taneng 3:​32) Patirengan ni Yihofa ko ngaˈayay ato tatiihay a palinian, makalimay Cingra to widang Ningra mitoor tonini a palinian misaˈicel to matatodongay a demak, hanaca miliyas to tatiihay a demak. Caayto ka toor no niyah ko palinian ni Yihofa sanay ko harateng no romaroma a tamdaw alatek. Nikawrira, tada sidaˈitay a siniˈada ci Yihofa, ano soˈlinay kita maolah Cingranan, kiemel a midemak to kahemekan Ningra a demak i, mamala widangto Ningra kita.​—ˈOlic 147:11; Dmak 10:​34, 35.

 CALEPEN MIKADKAD

4. O widang ni Yihofa ci Apraham

Ci Apraham hananay ci Apram. Pakayni cingranan o maˈoningay i Fangcalay Cudad papadama kitaanan cipinang to sasamaan mala widang ato Kawas. ˈOsien ko Satapangan 12:​1-4. Ikor lengoen ko ilaenoay a salicay:

• Misaaliay ci Yihofa ci Aprahaman midemak to maanan?

• Mikiˈokan ni Yihofa ci Apraham to manan?

• Matengil ni Apraham ko sowal ni Yihofa i, samanayto ko demak ningra?

5. O saali ni Yihofa to widang Ningra

Iraay ko saali ita to widang.

• Makalimay kiso to sasamaan ko widang micada tisowanan?

ˈOsien ko 1 Yohani 5:​3, ikor lengoen ko ilaenoay a salicay:

• Makalimay ci Yihofa samaan ko demak no widang Ningra?

Ano sapidofdofaw kita to sowal ni Yihofa a dademak i, mamifalic kita to waywayan sasowalen ato capeling. ˈOsien ko Isaya 48:​17, 18, ikor lengoen ko ilaenoay a salicay:

• Hano misaali ci Yihofa kitaanan mitoor to sowal Ningra a midemak?

 6. O midemakan ni Yihofa to saki widang Ningra

 KALIMLAAN

Mangalayay ci Yihofa misawidang tisowanan, papadama Cingra tisowanan matongal ko piingid Cingranan.

Lomalen

• Samaanan ni Yihofa padama ko widang Ningra?

• Hano makalim ci Yihofa kitaanan mitoor to sowal Ningra a midemak?

• Tada ˈakawangay ko saali ni Yihofa to widang Ningra sanay kiso miharateng han?