SAKA 09 FEDENGAN
Pakaynien Iso i Satolon Miingid ko Kawas
Misaaliay kiso to sakayat i nokaˈorip han? Misaaliay kiso to sapadama misaysay to pasangaray han? Misaaliay kiso to sahinom ato sapakalalok han? Sapaingidaw kiso to kalalaˈed ci Yihofaan han? O papadama ko satolon tisowanan to hatiniay a saali. Wa sasamaan kita a mitolon hani? Mitengilan no Kawas ko kihcod a satolon han? Samaan ko demak iso, ho makahi ko Kawas mitengil to satolon iso hani? Nengnengen ita!
1. Pasayra kita i cimaanan mitolon? Ngangaˈay mitolon to masamaanay a demak?
Pasifanaˈay ci Yis kitaanan edengan pasayra i kakarayan a Wama a mitolon, ano cingrato pasayraay ci Yihofaan a mitolon. Sowal ningra: ‘Haenen ko pitolon namo: “Wama niyam i kakarayan. . . ”’ (Matay 6:9) Pasayra kita ci Yihofaan a mitolon i, mamatongal ko nika tangongol no kalawidang i Cingraanan.
Ano o maananto a demakan ngaˈayay kita mitolon, kawra o misaalian ita i, palacecayen to harateng no Kawas, wa ngaˈ tengilen Ningra. Sowal no Fangcalay Cudad: ‘Ano tooren ita ko araaw [no Kawas] a mingitangit to maanan i, o tatengilen Ningra kita.’ (1 Yohani 5:14) Somowalay ci Yis to ngangaˈay kita mitolon to masamaanay a demak. (ˈOsien ko Matay 6:9-13.) Cowa kono niyah aca ko ngitangiten, aka matawal a miakoˈid to nano demak no Kawas kitaanan. Wa ngaˈayho kita patado to tao a mitolon, mingitangit to Kawas padama cangraanan.
2. Sasamaan kita mitolon?
Sowal no Fangcalay Cudad, itini i kaˈayaw no Kawas ‘fowahen ko nai falocoˈay.’ (ˈOlic 62:8) Mihaenay haw i, kifalocoˈen ko satolon. Ngaˈayay pangihaˈen mitolon, ngaˈayay haca i falocoˈ han a somowal. Mitolon kita i, pairaen ko mikangodoay, ano tomireng, maroˈ anca mipitoros ngaˈayayto. Ano hacowato ngaˈayay mitolon.
3. Samaanay ko Kawas pacaˈof to satolon ita?
Tano masakenakenaay a pakayraan pacaˈof ci Yihofa kitaanan. Pafelian Ningra kita to Fangcalay Cudad, ngaˈay makilim ita ko caˈof no adihayay salicay. Miˈosi to Fangcalay Cudad ‘o sakacitaneng no mafokilay a tamdaw.’ (ˈOlic 19:7; ˈOsien ko Yakop 1:5.) Tahalifa kita to pasangar i, papadama ci Yihofa kitaanan mitafo to rihadayay a falocoˈ. Pakaynianho no Kawas i romaroma midokoay Cingraanan a tamdaw a mipadang kitaanan.
CALEPEN MIKADKAD
Dotoc mamananam iso: Maolahay ko Kawas mitengil to masamaanay a satolon? O maanan ko sapadama no satolon tisowanan?
4. O mitengilan no Kawas a satolon
O romaroma a satolon hano cadaen no Kawas? O romaroma a satolon caay ka cadaen no Kawas hani? Nengnengen ko IKA.
Makalimay ci Yihofa pasayra kita i Cingranan a mitolon. ˈOsien ko ˈOlic 65:2, ikor lengoen ko ilaenoay a salicay:
-
‘O mitengilay to pitolon a Tatapangan’ mangalayay tisowanan pasayra Cingranan a mitolon sanay ko harateng iso han? Misamaanay?
Ano ciharatengay kita sapitengilaw ko Kawas to pitolon ita i, oha mamisaˈicel mitoor to palinian Ningra a maˈorip. ˈOsien ko Mika 3:4 ato 1 Pitiro 3:12, ikor lengoen ko ilaenoay a salicay:
-
Samaan ko demak ita, ngaˈ makahi ci Yihofa mitengil to pitolon ita?
Itini kalaloodan, maka misaaliay to Kawas padama cangranan pakalowid. O harateng iso i, wa hayien no Kawas cangra han?
5. Kitinien i falocoˈ ko pitolon
Harateng no romaroma tamdaw, saliyaliyaw han ko malecaday a sowal a mitolon sanay. Kawra maolahay ko Kawas to mahaenay a pitolon ita han? ˈOsien ko Matay 6:7, ikor lengoen ko ilaenoay a salicay:
-
Misamaan kiso ngaˈ eca ka ‘pisaliyaliyaw somowal to malecaday a sowal’?
To romiˈamiˈad alatek maharatengay iso ko cecay karahekeran a demak. Ngangaˈay kiso pakayni tonini a demak miakoˈid ci Yihofaan. Tanamen hena, to cecay lipay romiˈamiˈad mihaen to demak. Mahaen i, ngaˈayto kiso i satolon pasowal ci Yihofaan to pito masasiromaay a demak, ho eca ka saliyaliyaw sa somowal to malecaday a sowal.
O ngaˈayay wama mangalayay to wawa pasowal to nafalocoˈan a sowal cingraanan, ano ci Yihofato mangalayay mikifalocoˈ kita mitolon Cingranan
6. O satolon i, o kalimlaan a sapatelong no Kawas kitaanan
Ano samaanto ko kaˈorip ita, wa ngaˈay padama kitaanan ko satolon. Nengnengen ko IKA.
Mikiˈokay ko Fangcalay Cudad, o satolon ngaˈayay parihaday to falocoˈ ita. ˈOsien ko Filipi 4:6, 7, ikor lengoen ko ilaenoay a salicay:
-
Maharek mitolon tangsol sa malahdaw ko pasangaray cowa ka saan, kawra o satolon iraayho ko maanan a sapadama kitaanan hani?
-
Sapitolonaw kiso to maanan a demak hani?
Mafanaˈay kiso han?
Tatodong no “amin” hananay i, “nanay hatira” anca “soˈlinay hatira” sanay. Malahci ko pitolon i, “amin” sanay ko tamdaw, mahaenay ko demak nolitengan a Israil tamdaw.—1 Rayray 16:36.
7. Sadaken ko toki a mitolon
Nolatekay ˈifowaay kita, mapawanayto a mitolon. Nengnengen ko demak ni Yis, paihkalay to masakalimlaan ko mitolonay. ˈOsien ko Matay 14:23 ato Marko 1:35, ikor lengoen ko ilaenoay a salicay:
-
Samaanay ci Yis misadak to toki a mitolon?
-
Ngangaˈay kiso ihacowa a tatokian a mitolon?
ANO IRA KO SOMOWALAY: “Awaay ko sapadama no mitolonay.”
-
Sasamaan ko caˈof iso?
KALIMLAAN
Mikifalocoˈay a pitolon paingiday to kalalaˈed ita to Kawas, parihadayay to falocoˈ ita, paˈicelay kitaanan midemak to kahemekan ni Yihofa a demak.
Lomalen
-
Pasayra kita i cimaanan mitolon?
-
Ngaˈay mitolon to masamaanay a demak?
-
Samaanay padama ko satolon kitaanan?
MALALITINGAY A LALAKAW
Pacaˈof to milingatay to satolon a salicay.
“Pakayni Satolon o Kakafanaˈen Iso a Pito a Demak” (Mikecolay, 2010/10/1)
Misamaanay hano masaka limlaan ko mitolonay, ato sasamaan mitolon ko sangaˈayay.
“Iraay ko Sadama no Satolon Takowanan Han?” (Lalakaw no wangcan)
Sowal no Fangcalay Cudad papasayra kita i cimaanan mitolon.
“Wa Ngaˈay Kako Pasayra i Tamdaw a Mitolon Han?” (Lalakaw no wangcan)
Onini a radiw a ika pasowalay kitaanan, ano hacowato icowato ngaˈayay mitolon.