SAKA 10 FEDENGAN

O Saˈopo no Misawacayay Tamdaw ni Yihofa Iraay ko Maanan a Epoc Tisowanan?

播放

Na mirienangayto kiso to saˈopo no Misawacayay Tamdaw ni Yihofa han? Ano caayho i, sakinacecay iso mirienang marawraway alatek. Saan kiso a miharateng alatek: Samaanay kora saˈopo hani? Tayra mirienang wa ngaˈ ngaˈay han? Hano tayra aki? Wa milengo konini a fedengan mirienang to saˈopo, sasamaan paingid to kalalaˈed iso to Kawas, ato iraay ko maanan a epoc tisowanan.

1. Mirienang to saˈopo o maanan ko sakakaay a kalimlaan a lalangian?

O cecay mitiliday to Fangcalay Cudad a tamdaw somowalay to sakakaay a kalimlaan a lalangian: ‘Itini kako i kaˈalomanan a kasakopang pakahemek ci Yihofaan.’ (ˈOlic 26:12) Nohatini, malisopsopay ko Misawacayay Tamdaw ni Yihofa, lipahakay cangra a midoko ci Yihofaan. Itini icowacowa a pala, to lipalipayan mirienangay cangra to saˈopo a midoko to Kawas, malacafay cangra romadiw, malacafay cangra mitolon. To mihecahecaan kinapinaay cangra mirienang to taykay midoko to Kawas.

2. Mikitini i saˈopo mamananam iso ko maanan?

O kamok no saˈopo ‘misongilaˈay a mitadtad, somowal to tatodong’ no kimad no Kawas. (ˈOsien ko Nihimiya 8:8.) Mirienang kiso to saˈopo mamatongal ko kafanaˈ ci Yihofaan ato makapahay a capeling Ningra. Ano matongal ko kacipinang iso to olah Ningra tisowanan i, mamatongal ko piingid Cingranan. Mamananamho iso to sasamaan Cingra padama tisowanan a marenecen ko kaˈorip.—Isaya 48:17, 18.

3. Malacafay to roma tamdaw mirienang to saˈopo iraay ko maanan a epoc tisowanan?

Sowal ni Yihofa kitaanan i, ‘masasi paˈicel kamo, mikowad to olah, midemak to ngaˈayay demak. Aka pisawad to saˈopo,’ sanay. (Hipray 10:24, 25) Itini kasaˈopoan malitemoh iso ko masasi paˈicelay a tamdaw, malecaday cangra tisowanan makalimay sapitongalaw a mafanaˈ to Kawas, mamatengilho iso ko mikowaday to falocoˈ, paihkalay to harateng no Fangcalay Cudad a sowal. (ˈOsien ko Loma 1:11, 12.) Wa ira ko toki iso masasowal to masasiromaay a tamdaw, mitengil to samaanay cangra malaˈosi a miremo to pasangaray no kaˈorip. O epoc no saˈopo cowa ka hatini aca, mansa i, mangalayay ci Yihofa tisowanan micerid a masaˈopo!

CALEPEN MIKADKAD

Dotoc mamananam iso: Samaanay ko saˈopo no Misawacayay Tamdaw ni Yihofa hani? Mikiemel kiso mirienang to saˈopo hano o ciepocay?

4. O saˈopo no Misawacayay Tamdaw ni Yihofa

Saka 1 hahekalan a Krisciyang marariday malisopsop a midoko ci Yihofaan. (Loma 16:3-5) ˈOsien ko Kolosay 3:16, ikor lengoen ko ilaenoay a salicay:

Salakatay a Krisciyang samaanay midoko ci Yihofaan?

Anini, Misawacayay Tamdaw ni Yihofa marariday itini pidokoan to Kawas a kitiraan malisopsop. Nengnengen samaanay ko saˈopo nangra. Nengnengen ko IKA, dotoc nengnengen ko i sasingay a saˈopo, lengoen ko ilaenoay a salicay:

IKA: Samaanay ko Saˈopo Itini i Hongti Kitaki Kasaˈopoan? (2:12)

O saˈopo itini Hongti Kitakit kasaˈopoan ato misowalan no Kolosay 3:16 iraay ko maanan kalecadan?
Itini ika anca sasing, iraayho ko maanan a kaolahan iso hani?

ˈOsien ko 2 Korinto 9:7, ikor lengoen ko ilaenoay a salicay:

Saˈopo no Misawacayay Tamdaw ni Yihofa hano cowa pacieci to tamdaw a pakiyaho?

Malacafay to singsi minengneng to aniniay lipay a saˈopo iraay ko maanan a lalakaw.

O maanan a kamok no saˈopo ko kaolahan iso, anca iraay ko sapadama tisowanan?

Mafanaˈay kiso han?

Itini i jw.org a wangcan, wa ngaˈay mahela iso ko itiniay i paro no kakarayan kasaˈopoan a toki ato kitiraan.

O lalakaw no saˈopo mahawpay ko mikimaday, taˈarawan no pitosil, pasadak to ika. Satapang no saˈopo ato hererek i, romadiway ato mitolon
O romaroma kamok no saˈopo pacaˈofay ko ˈalomanay a malalengo
Halamhamay kita a militemoh to mirienangay
Saˈopo no Misawacayay Tamdaw ni Yihofa cowa ka papaycien, cowa pacieci pakiyaho

5. Misaˈicel a mirienang to saˈopo

Haratengen ko taˈarawan no paro no lomaˈ ni Yis. To mihecahecaan, toloay romiˈad cangra, naitini i Nacali paka lotolotokan romakat tayra i Yirusalim mirienang to taˈangayay a saˈopo, 100 kongli ko mirakatan. ˈOsien ko Luka 2:39-42, ikor lengoen ko ilaenoay a salicay:

Wa misaˈicel cangra tayra i Yirusalim sanay kiso miharateng han?
Kiso i, hano mamisaˈicel a mirienang to saˈopo hani?
Mihaen kiso to demak ciepocay han? Misamaanay?

Sowal no Fangcalay Cudad malisopsop midoko to Kawas tada masakalimlaan. ˈOsien ko Hipray 10:24, 25, ikor lengoen ko ilaenoay a salicay:

Misamaanay hano mamicerid kita mirienang to saˈopo?

ANO IRA KO SOMOWALAY: “Hamaan mirienang to saˈopo, o niyah sa i lomaˈ miˈosi to Fangcalay Cudad maedengayto.”

Makalimay ci Yihofa samaan ko pidemak iso hani? Icowaay a sinael ato maˈoningay no Fangcalay Cudad mahapinang iso koninian?

KALIMLAAN

Mirienang to saˈopo papadama tisowanan micalep ko kafanaˈ ci Yihofaan, matongal ko kalawidang iso Cingraanan, wa ngaˈayho kiso malacafay to ˈalomanay midoko i Cingraanan.