SAKA 12 FEDENGAN
Samaan Ngaˈ Padadotoc Minanam to Fangcalay Cudad?
Ano padadotoc kiso minanam to Fangcalay Cudad i, wa ira ko haepoc. Nikawrira mamalifa iso ko pasangaray, alatek cacisasa kiso ngangaˈay ko niyah padadotoc hokira. Ano hatiraay i, padadotoc mihaen to demak hano o ciepocay? Samaan kiso ngaˈ pakaremo to pasangar, padadotoc a minanam?
1. Minanam to Fangcalay Cudad hano o ciepocay?
‘O sowal no Kawas o maˈoripay, o ciˈicelay.’ (Hipray 4:12) O Fangcalay Cudad i, o mikiriwiˈay ko nika ciepoc a cudad, pasowalay kitaanan to harateng no Kawas, ato samaanay ko falocoˈ no Kawas kitaanan. Mikitini i Fangcalay Cudad cowa ko pilifok aca ita to adihayay sifanaˈ, mamalifokho ko soˈlinay a taneng ato hatokel. Tada masakalimlaan i, papadama ko Fangcalay Cudad kitaanan mala widang ni Yihofa. Minanam kiso to Fangcalay Cudad i, mamalifok ko ˈicel misalof to kaˈorip no niyah.
2. Ano masapinang iso o soˈlinay kimad ko Fangcalay Cudad hano tada ciepocay?
O soˈlinay kimad no Fangcalay Cudad sahtoay o kalimlaan, malecaday to odoˈ. Sowal no Fangcalay Cudad: ‘Cakayen ko soˈlinay kimad, aka a pacakayen.’ (Taneng 23:23) Ano paifalocoˈen ita ko soˈlinay kimad no Fangcalay Cudad i, masapinang ita ko epoc no soˈlinay kimad no Fangcalay Cudad i, o papadotocto a minanam, ano o maananto ko malifaay a pasangar cowa ko mamisawad.—ˈOsien ko Taneng 2:4, 5.
3. Samaanay ci Yihofa padama tisowanan padadotoc a minanam?
O malefotay ko ˈicel a Misangaˈay a Tatapangan ci Yihofa, o widangho no miso. O sacipinangay Cingra tisowanan, makalimay padama tisowanan mafanaˈ Cingraanan. Papadama Cingra ‘ira ko kalim namo ato ˈicel a dademak.’ (ˈOsien ko Filipi 2:13.) Mihaenay i, ano cangoˈot ko kalim iso a minanam, anca pasangaren misakadademak to minanaman, papadama ci Yihofa tisowanan. Ano cangoˈot ko ˈicel iso miremo to pasangar anca pisafelit no tao, papatongalen Ningra ko ˈicel iso. Ka picerid mitolon ci Yihofaan, micangacang Cingranan padama tisowanan padadotoc minanam to Fangcalay Cudad.—1 Tisalonika 5:17.
CALEPEN MIKADKAD
Dotoc mamananam iso: ˈIfowa ko kaˈorip anca tahacada to pisafelit i, sasamaan kiso padadotoc minanam to Fangcalay Cudad? Sasamaan ci Yihofa padama tisowanan eca ka pisawad a minanam?
4. Salakaten milimasmas ko toki minanam to Fangcalay Cudad
Nolatekay ˈifowaay kita, awaan nanay to toki minanam to Fangcalay Cudad. Sasamaanto aki? ˈOsien ko Filipi 1:10, ikor lengoen ko ilaenoay a salicay:
-
Itini nokaˈorip, o maanan ko misaaretengan iso a demak?
-
Sasamaan kiso isalakat a milimasmas to toki minanam to Fangcalay Cudad?
-
Ano saˈayawen ko tafok a miparo i paetang i, wa ecato ka haemin maparo ko fakeloh ilalomaˈ
-
Ano saˈayawen a miparo ko fakeloh i paetang i, o mamaparoto ko tafok a maemin. Malecaday, ano saˈayawen iso midemak ko ikakaay ko nika masakalimlaan a demak, o mamalahci konini a demak, wa iraho ko toki a midemak to romaroma a tayal
Minanam to Fangcalay Cudad mamirenec to ‘nofalocoˈan a saali’ no mita. Mahaenay a saali i, o makalimay to sakafanaˈaw ato sapidokoaw to Kawas. ˈOsien ko Matay 5:3, ikor lengoen ko ilaenoay a salicay:
-
Ano isalakat a milimasmas to toki minanam to Fangcalay Cudad, wa ira ko maanan a epoc?
5. Ano masafelit no tamdaw i, aka a pisawad
O romaroma tamdaw alatek cowa ka hemek tisowanan minanam to Fangcalay Cudad. Nengnengen ko nalifetan ni Folaw. Nengnengen ko IKA, ikor lengoen ko ilaenoay a salicay.
-
Itini i ika, pasowalan ni Folaw ko paro no lomaˈ ato widang, minanamay ko niyah to Fangcalay Cudad, samaanay ko harateng nangra?
-
Padadotoc cingra eca ka pisawad, salikor iraay ko maanan a minaroˈan?
ˈOsien ko 2 Timoti 2:24, 25, ikor lengoen ko ilaenoay a salicay:
-
O paro no lomaˈ iso ato widang pakayni pinanam iso to Fangcalay Cudad, samaanay ko pinengneng nangra?
-
Mikitini i sinael, ano eca ka olah ko tao minanam kiso to Fangcalay Cudad sasamaan ko harateng iso? Misamaanay?
6. Tadiˈecen ko sapadama ni Yihofa
Ano matongal ko piingid ita ci Yihofaan, wa matongal ko kalim pakahemek Cingranan. Nikawrira saan ko harateng ita alatek, sapifalicaw, mitoor to palinian Ningra cowa ko madoloay. Ano iraay ko mahaenay a harateng iso i, aka a pisawad, o papadamaen ni Yihofa kiso. Nengnengen ko IKA, ikor pacaˈof to ilaenoay a salicay.
-
Itini i ika, ci Cilo pakayni sapakahemekaw ci Yihofaan, samaanay ko kafalic ningra?
-
Itini i nalifetan ningra, o maanan ko mitemeray to falocoˈ iso?
ˈOsien ko Hipray 11:6, ikor lengoen ko ilaenoay a salicay:
-
O ‘milongocay a micangacang’ ci Yihofaan a tamdaw mamisaˈicel mafanaˈ ci Yihofaan, ato pakahemek Cingranan. Sasamaan ko picada ni Yihofa cangranan saw?
-
Maˈaraw ni Yihofa ko pisaˈicel iso minanam to Fangcalay Cudad, wa lipahak ko falocoˈ Ningra han? Sasamaan kiso mikitini i sinael mihapinang tonini?
ANO IRA KO MILICAYAY: “Hano minanam kiso to Fangcalay Cudad hani?”
-
Sasamaan ko caˈof iso?
KALIMLAAN
Soˈlin minanam to Fangcalay Cudad nolatekay cowa ko madoloay, nikawrira mihaen ko demak iso mamalayap ko midaˈocay a ˈorip. Tadiˈecen ci Yihofa, palifonen Ningra kiso.
Lomalen
-
Pakayni tisowanan hano kalimlaan ko soˈlinay kimad no Fangcalay Cudad?
-
Samaan ko demak iso, o ‘mihapinang to o maanan ko kalimlaan a demak’?
-
Hano mamicangacang kiso ci Yihofaan padama tisowanan padotoc minanam to Fangcalay Cudad?
MALALITINGAY A LALAKAW
Nengnengen ko sepat, o ngaˈayay misaka dademak to toki a hapakayraan, harateng no ˈalomanay tamdaw tada ciepocay konini a hapakayraan.
“Samaan Ngaˈ Ngaˈay ko Pisaka Dademak to Toki” (Katalipaˈelal! Saka 2 Liyad 2014)
O cecay fafahiyan misaˈicelay midemak to kaolahan no Kawas a demak, kawra awaay ko pinang no faˈinay cingranan. Samaanan ni Yihofa padama cingra?
O cecay faˈinay maˈaraw ko pipadadotoc no fafahi minanam to Fangcalay Cudad, samaanay konini mifalic cingranan?
O romaroma tamdaw mipakokotay to Misawacayay Tamdaw ni Yihofa mifodifoday to paro no lomaˈ sanay, o soˈlinay konini han?
