SAKA 2 FEDENGAN
Sapafeli no Fangcalay Cudad a Hatokel
Ano icowaayto ko kaˈorip no tamdaw, tahasiˈayaway to kasomadan, kacarirawan ato karorayan a demak. Iraay ko mahaenay a nalifetan iso han? Alatek adadaay kiso anca mapatayay ko salawina a mararom ko falocoˈ. Wa saan kiso miharateng alatek, ‘O kaˈorip ako ngangaˈay han?’ O caˈof no Fangcalay Cudad mamihinom tisowanan.
1. Hano pafeli ko Fangcalay Cudad kitaanan to hatokel?
Cowa ka pitadtad aca ko Fangcalay Cudad hano matomes ko pasangaray noniya hekal, pasowalay haca oniya pasangaray demak, o cecayay aca a liyad, wa halikito a masaysay. Somowalay ko Fangcalay Cudad to ‘noikoran a hatokel’ ita. (ˈOsien ko Yirimiya 29:11, 12.) Mafanaˈ toninian wa padama kitaanan misiˈayaw to pasangar nohatini, tawlik ko falocoˈ, papasoˈlin to noikoran wa ira ko lipahakay a nokaˈorip tahadaˈoc.
2. Aira ko masamaanay a noikoran sanay ko Fangcalay Cudad?
Sowal no Fangcalay Cudad, ano ikor ‘caayto ka patay, caayto ka somad, tomangic, adada.’ (ˈOsien ko Paˈarawan 21:4.) Anini, o nikaw, adada, patay ato masakenakenaay cowa ka sadafdaf a demak, hato awaayto ko hatokel. Kawra, ano ikor caayto ko aira ko hatiniay a demak. Mikiˈokay ko Fangcalay Cudad, o cikiw mamalakoingto, aitinito kita i sera lipahak ko ˈorip tahadaˈoc.
3. Mamisamaan kiso ngaˈ pakasoˈlin to sapafeli no Fangcalay Cudad a hatokel?
I falocoˈ no ˈalomanay iraay ko makapahay hananay nangra a hatokel, kawra awaay ko pinang nangra to mamalaˈosi hokira. Nikawrira cowa ka hecad ko sapafeli no Fangcalay Cudad a hatokel. Ano ‘misarocod a mitiriˈ to Fangcalay Cudad’ i, wa matongal matongal ko nika pakasoˈlin tonini a cudad. (Dmak 17:11) Ano padadotoc kiso a minanam mamahapinang to soˈlinay konini sapafeli no Fangcalay Cudad a hatokel.
CALEPEN MIKADKAD
Dotoc mamananam iso: Pafeliay ko Fangcalay Cudad to maanan a hatokel? Oniya hatokel pakayni to aniniay a tamdaw iraay ko maanan sapadama hani?
4. Mikiˈokay ko Fangcalay Cudad ano ikor awaayto ko karorayan a demak, wa tahadaˈocto kita a maˈorip
Nengnengen ko ilaenoay mihadakan no Fangcalay Cudad a hatokel. O maanan ko misolotay to falocoˈ iso? Misamaanay?
ˈOsien ko sinael, ikor pacaˈof to ilaenoay a salicay:
-
Harateng iso oniya sinael pairaay to hatokel iso han? Pafeliay to paro no lomaˈ iso ato widang iso to hatokel nangra han?
Haratengen hena ko hanoikor a hekal
|
WA AWATO KO . . . |
WA IRATO KO . . . |
|---|---|
|
|
|
|
|
|
|
|
|
|
5. O sapafeli no Fangcalay Cudad a hatokel patediay to ˈorip no tamdaw
ˈAlomanay tamdaw pakayni to mifekaday a demak, tada matoleday ko falocoˈ a maketer. O romaroma tamdaw sapifalicaw toniya pakayraan misaˈicelay a mitowakang. O sakiˈok no Fangcalay Cudad samaanay padama to tamdaw nohatini, nengnengen ita. Nengnengen ko IKA, ikor lengoen ko ilaenoay a salicay.
-
Ci Lafika pakayniay i maanan a masakakinihay a demak a macariraw ko falocoˈ?
-
Soˈliˈlin iraayho ko masakakinihay a demak, kawra ci Lafika samaanay mikitini i Fangcalay Cudad milifok to sapadama hani?
O sapafeli no Fangcalay Cudad a hatokel padamaay kitaanan miremo to matoleday a falocoˈ, malaˈosi ko pisiˈayaw to pasangar no kaˈorip. ˈOsien ko Taneng 17:22 ato Loma 12:12, ikor lengoen ko ilaenoay a salicay:
-
O sapafeli no Fangcalay Cudad a hatokel mamala makapahay ko kaˈorip iso han? Misamaanay?
ANO SAAN KO TAO I, “O sapafeli no Fangcalay Cudad a hatokel tada makapahay, kawra mamalaˈosi saw?”
-
Hano mamikilim kita to wacay, hamaan kaliki mipateloc to sowal?
KALIMLAAN
Mikiˈokay ko Fangcalay Cudad, aira ko makapahay ˈorip noikor, pairaay to hatokel ita, papadama kitaanan misiˈayaw to ikaˈayaway a pasangar.
Lomalen
-
Hano misaali ko tamdaw to hatokel?
-
Pakayni noikoran, man sanay ko sowal no Fangcalay Cudad?
-
Ano ira ko hatokel iso, nohatiniho iraay ko maanan a epoc?
MALALITINGAY A LALAKAW
Nengnengen hena tada ciˈicelay ko hatokel.
O noikoran a hatokel samaanay padama to cecay halafinayto ko adada a tamdaw hani?
“Halafinayto ko Adada i, Padamaay ko Fangcalay Cudad Han?” (Lalakaw no wangcan)
Minengneng toniya ika a radiw i, haratengen hena malacafay to paro no lomaˈ i lakoing, raheker lipahak ko kaˈorip.
Cecay faˈinayan ˈifowaay tono hekal a demak. Mafanaˈ cingra to hatokel no Fangcalay Cudad i, iraay ko maanan no kafalic.
“Caayto ka Sapitiˈeraw to Niyah a Mifalic Toniya Hekal” (Mikecolay, 2013/7/1)
