SAKA 15 FEDENGAN
O Cima ci Yis?
O tada masowalay ko ngangan a tamdaw ci Yis itini likisi. Nikawrira, o ngangan aca ningra ko kafanaˈan no ˈalomanay tamdaw, cowa ka hakowa ko kacipinang cingranan. Pakayni ci Yisan, cowa ka lecalecad ko sowal no tamdaw. Ano hatiraay i, samaanay ko sowal no Fangcalay Cudad hani?
1. O cima ci Yis?
Itiniay i kakarayan ko aroˈ ni Yis, tada o ciˈicelay a ˈadingo a tireng. Saˈayaway misangaˈan ni Yihofa ci Yis, ikor ngaˈ misangaˈay to romaroma a maamaan. Mansa mihaen ko sowal no Fangcalay Cudad pakayni ci Yisan: ‘Itini i masangaˈay a maamaan, o sakakaˈay a Wawa cingra.’ (Kolosay 1:15) Sanayho ko sowal no Fangcalay Cudad, ‘edengan a Wawa’ no Kawas ci Yis, samanen edengan ci Yis o nakamayan no Kawas a misangaˈan. (Yohani 3:16) Itiniay i tatihi ni Yihofa ci Yis, mipadang Cingranan misangaˈ to romaroma a maamaan. (ˈOsien ko Taneng 8:30.) Tangongolay ko kalalaˈed nangra. O roma i, ‘o Sowal’ hananay ci Yis, madimadiay cingra mitenak to lihaf ato sakayat no Kawas.—Yohani 1:14.
2. Hano tayni i fafekang no sera ci Yis?
ˈAyaw no 2,000 miheca, misakadademakan ni Yihofa ko fangcalay saocor midemak to kafahkaˈan, milinah to ˈorip ni Yis mikitini kakarayan tayra i tiyad no limocedan ci Mariyaan. Mihaenay ko saka tayni ni Yis i hekal mala tamdaw. (ˈOsien ko Luka 1:34, 35.) Tayni ci Yis i fafekang no sera malo paliˈayawan no Fangcalay Cudad a ‘Misiya’ (‘ci Kristo’), milidong to tamdamdaw. a Pakayni ci Misiyaan o kihcod a sapairasol no Fangcalay Cudad, malaˈosiay maemin i tireng ni Yis, mahapinangayto no tamdaw ci Yis i, ‘ci Kristo, o Wawa no soˈlinay a Kawas.’—Matay 16:16.
3. Nohatini icowaay ci Yis hani?
Ikor no mapatay ci Yis i fafekang no sera patikolay maˈorip malo ˈadingo a tireng, minokay tayra i kakarayan. Itira, ‘pacakatan no Kawas cingra mikikaka to saˈayaway a saaroˈan.’ (Filipi 2:9) Nohatini, iraay ko taˈangayay a fadangalan ni Yis, midotocay ko saaroˈan ningra ci Yihofaan.
CALEPEN MIKADKAD
Dotoc mamatongal ko kacipinang iso: O cima ci Yis? Mafanaˈ ci Yisan hano o masakalimlaan?
4. Ci Yis cowa ko malefotay ko ˈicel a Kawas
Paihkalay ko Fangcalay Cudad soˈliˈlin o taˈangayay ko ˈicel ˈadingo a tireng i kakarayan ci Yis, kawra kamayan cingra midofdof to Wama ningra Kawas ci Yihofaan. Hano mafanaˈ kita hani? Nengnengen ko IKA, samaanay ko Fangcalay Cudad somowal to nika lalaˈed ni Yis ato malefotay ko ˈicel a Kawas.
Ilaenoay a sinael papadama kitaanan mihapinang to kalalaˈed ni Yihofa aci Yis. ˈOsien ko kahacecay sinael, ikor lengoen ko ilaenoay a salicay:
ˈOsien ko Luka 1:30-32.
-
Mikitini i sowal no coyoh, samaanay ko kalalaˈed ni Yis ato ‘Saˈakawangay a Tatapangan’ Kawas ci Yihofaan?
ˈOsien ko Matay 3:16, 17.
-
Maharek ci Yis mipaputisem i, o mikitiniay i kakarayan a ngihaˈ mansanay ko sowal?
-
O nima a ngihaˈ sanay kiso hani?
ˈOsien ko Yohani 14:28.
-
Wama ato wawa, cima ko matoˈasay, ikakaay ko fadangalan?
-
O wama hananay ni Yis ci Yihofa, mikitini kita cacipinang to maanan?
ˈOsien ko Yohani 12:49.
-
O piharateng ni Yis cingranan ato Wama o cecayay ko tatirengan han? O cecayay ko tatirengan nangra sanay kiso miharateng han?
5. Paihkalay ko wacay o ci Misiya ci Yis
Adihayay ko sapairasol no Fangcalay Cudad papadama kitaanan mihapinang to cima ko mipiliˈan no Kawas a Misiya. Nengnengen ko IKA, nengnengen itiniho i sera ci Yis i, o maanan a sapairasol ko malaˈosiay i tireng ningra.
ˈArawen ko pinapina sapairasol no Fangcalay Cudad, ikor lengoen ko ilaenoay a salicay:
ˈOsien ko Mika 5:2, nengnengen wa icowa a sofocen ci Misiya. b
-
O kasofoc ni Yis malaˈosiayto konini a sapairasol han?—Matay 2:1.
ˈOsien ko ˈOlic 34:20 ato Cikariya 12:10, Paliˈayaway ko Fangcalay Cudad a somowal to sasamaan ko nika patay ni Misiya.
-
Onini a sapairasol malaˈosiayto han?—Yohani 19:33-37.
-
O kalaˈosi nonini a sapairasol hano cowa ko mamaˈimer ni Yis?
-
Ano tolasen ko salicay i fafekang, o ci Misiya ci Yis sanay kiso miharateng han?
6. Mafanaˈ ci Yisan tada taˈangayay ko kaciepoc kitaanan
Sowal no Fangcalay Cudad, o mamafanaˈ kita ci Yisan, cipinang to masakalimlaan a saaroˈan ningra. ˈOsien ko Yohani 14:6 ato 17:3, ikor lengoen ko ilaenoay a salicay:
-
Mafanaˈ ci Yisan hano o masakalimlaan?
O lalan ci Yis, to sakangaˈay mala widang no Kawas ko tamdaw; pasifanaˈan ni Yis ko tamdaw to pakayniay ci Yihofaan a soˈlinay kimad; o ngangaˈay ko tamdaw pakayni ci Yisan milifok to midaˈocay a ˈorip
ANO IRA KO SOMOWALAY: “Misawacayay Tamdaw ni Yihofa cowa pakasoˈlin ci Yisan.”
-
Sasamaan ko caˈof iso?
KALIMLAAN
Tada o ciˈicelay a ˈadingo a tireng ci Yis, o Wawa no Kawas, ci Misiya.
Lomalen
-
Hano somowal ko Fangcalay Cudad ci Yisan itini masangaˈay a maamaan o ‘sakakaay a wawa’ saan hani?
-
ˈAyaw no tayni i fafekang no sera ci Yis midemakay to maanan?
-
Hano mafanaˈ kita o ci Misiya ci Yis?
MALALITINGAY A LALAKAW
Iraayho ko maanan a wacay paihkalay, to o paliˈayawan no Fangcalay Cudad a Misiya ci Yis?
“Sapairasol no Fangcalay Cudad Misawacayay ci Yisan to o ci Misiya Cingra han?” (Lalakaw no wangcan)
Sowal no Fangcalay Cudad o Wawa no Kawas ci Yis, sakoniya sowal i, o Kawas mahecaday to tamdaw misofoc ci Yisan han?
“Hano ‘o Wawa no Kawas’ ci Yis Saan ko Sowal no Fangcalay Cudad?” (Lalakaw no wangcan)
Tatoloay cecayay ko tireng hano cowa ko sapasifanaˈ no Fangcalay Cudad?
O cecay fafahiyan mikingkiw to Fangcalay Cudad pakayniay ci Yisan a maˈoningay ikor, samaanay ko kafalic no kaˈorip?
a ‘Misiya’ ato ‘Kristo’ hananay, o sapangangan to saaroˈan, mipiliˈan no Kawas mamilidong to tamdamdaw. Saka 26, 27 fedengan o mamilengo to hano misaali ko tamdaw to lalidongen, ato sasamaan ci Yis milidong kitaanan.
b Nengnengen ko saka 2 Sapatongal Lalakaw o cecay sapairasol paliˈayaway to kasadakan ni Misiya i fafekang no sera a tatokian.
