SAKA 16 FEDENGAN
O Maanan ko Nidemakan ni Yis i Fafekang no Sera?
Ano masowal ci Yis i, o harateng no ˈalomanay tamdaw, o misaaliayho to dadimokosen a ˈengaenga wawa, anca o citanengay a pairasolay, anca mipacekan a mipatay a tamdaw sanay. Nikawrira pakayni ci Yisan hatiniay aca han? Mikitini i midemakan ningra i fafekang no sera mamananamho ita ko maanan hani? Itini tonini a fedengan, mamanengneng ita ko midemakan ni Yis a masakalimlaan demak, onini a demak samaanay a milingat tisowanan.
1. O maanan ko masakalimlaan a tayal ni Yis?
Sakakaay masakalimlaan a tayal ni Yis i, o ‘mitenakay to ngaˈayay lihaf no Hongti Kitakit no Kawas.’ (ˈOsien ko Luka 4:43.) Onini a ngaˈayay lihaf i, papatireng ko Kawas to cecay Hongti Kitakit, o cecay a sifo konini, mamisaysay to polong a pasangaray no hekal. a Toloay ira ko kalitosa a miheca ci Yis, malalok a mitenak tonini a lihaf, paira to sahinom i tamdamdaw.—Matay 9:35.
2. Hano midemak ci Yis to kafahkaˈan a demak?
O maˈoningay i Fangcalay Cudad, pakaynian no Kawas ci Yisan ‘midemak to masakenakenaay a kafahkaˈan a demak,’ sanay. (Dmak 2:22) Pakaynian ni Yis i pitiˈer to ˈicel no Kawas, madangalay ningra miˈimer ko serayan, pafecol to ˈalomanay tamdaw, miadah to adadaay tamdaw, patikol paˈorip to mapatayay tamdaw. (Matay 8:23-27; 14:15-21; Marko 6:56; Luka 7:11-17) Midemakan ni Yis a kafahkaˈan a demak, pahapinangay to tamdaw o niocoran no Kawas cingra tayni i fafekang no sera. Onini kafahkaˈan a demak paihkalay, o iraay ko ˈicel ni Yihofa misaysay to polong a pasangaray no hekal.
3. Mikitini i hakelong no kaˈorip ni Yis mananamay ita ko maanan?
Itini i masamaamaanay a pakayraan midofdofay ci Yis ci Yihofaan. (ˈOsien ko Yohani 8:29.) Tahiraay i patay ko kamadimadi ni Yis, soˈlinto tahasiˈayaw to pisafelit i, padotocay midemak to patorodan no Wama a demak. Hakelong no kaˈorip ningra misawacayay, soˈlinto itini i pasangaray a demak ngaˈayay midofdof to Kawas ko tamdaw, miterekay to taˈarawan ita ci Yis, ho mikedec kita mikotod to pasaripaˈan ningra.—1 Pitiro 2:21.
CALEPEN MIKADKAD
Dotoc mamananam iso: Samaanay ci Yis milasil to ngaˈayay a lihaf? Hano ngaˈay cingra midemak to kafahkaˈan a demak?
4. Milasilay ci Yis to ngaˈayay a lihaf
ˈIfowaay ci Yis romakat i tahefoday a lalan, maraayay ko mirakatan, misarocod patenak to ngaˈayay lihaf i ˈalomanay tamdaw. ˈOsien ko Luka 8:1, ikor lengoen ko ilaenoay a salicay:
-
Oya tayraay aca ci Yisan mitengil to sapasifanaˈ ningra a tamdaw ko mitosilan ningra han?
-
Sapikilimaw to ˈalomanay a tamdaw, hakowaay ko pisaˈicel ni Yis?
Paliˈayaway ko Kawas pasowal mamilasil to ngaˈayay lihaf ci Misiya. ˈOsien ko Isaya 61:1, 2, ikor lengoen ko ilaenoay a salicay:
-
Onini a sapairasol samaanay matatodong i tireng ni Yis?
-
Aniniay tamdaw misaaliay to sapitengilaw to ngaˈayay lihaf sanay kiso miharateng han?
5. Pasifanaˈay to tamdaw ci Yis to kalimlaan a kimad
Cowa ko pilasil aca to ngaˈayay lihaf no Hongti Kitakit no Kawas, pasifanaˈayho ci Yis to ˈalomanay tamdaw to safalod no waywayan a maˈorip. Nengnengen ita ko pina tinakoan. Onini a tinakoan mikitiniay i masowalay a kimad ni Yis i ‘o sapasifanaˈ i lotok.’ ˈOsien ko Matay 6:14, 34 ato 7:12, ikor lengoen ko ilaenoay a salicay:
-
Itira tora sinael, misadakay ci Yis to maanan ciepocay a safalod?
-
Onini a safalod kamayan ciepoc nohatini sanay kiso miharateng han?
6. Midemakay ci Yis to kafahkaˈan a demak
Pafelian ni Yihofa ci Yis to ˈicel, midemak to adihayay kafahkaˈan a demak. Nengnengen ita ko cecay tinakoan. ˈOsien ko Marko 5:25-34 anca nengnengen ko IKA. Ikor lengoen ko ilaenoay a salicay:
-
Oya ciadadaay a fafahiyan pakasoˈlinay to maanan?
-
Pakayni tonini kafahkaˈan a demak, o maanan ko mitemeray to falocoˈ iso?
ˈOsien ko Yohani 5:36, ikor lengoen ko ilaenoay a salicay:
-
O midemakan ni Yis a kafahkaˈan a demak misawacayay to maanan?
Mafanaˈay kiso han?
O demak ni Yis i hakelong no kaˈorip maˈoningay i sepat ratoh no Fangcalay Cudad—O Matay, Marko, Luka, Yohani. Iraay ko masasiromaay a pitilid, matongal ko kacipinang ita to kihcod a demak ni Yis.
-
MATAY
o saˈayaway malahci tiliden ni Matay. Misaˈicelay somowal to pakayniay sapasifanaˈ ni Yis, mikiriwiˈay o pakayniay i Hongti Kitakit no Kawas a demak.
-
MARKO
o saˈapotoay a ratoh, mitiliday to adihayay a demak ni Yis.
-
LUKA
mitiliday to misaaretengay ci Yis to satolon, hanaca damsayay micada to fafahiyan.
-
YOHANI
mitiliday to nano sowal ni Yis to ngaˈayay widang ato romaroma tamdaw, matongalay ko kacipinang ita to waywayan ni Yis.
ANO IRA KO SOMOWALAY: “Soˈliˈlin o ngaˈayay ci Yis, kawra o kalo aca a tamdaw cingra sanay.”
-
Samaanay ko piharateng iso?
KALIMLAAN
Milasilay ci Yis to Hongti Kitakit no Kawas, midemakay to kafahkaˈan a demak, itini i masamaamaanay a pakayraan midofdofay cingra ci Yihofaan.
Lomalen
-
Sakakaay a demak ni Yis i fafekang no sera o maanan?
-
O midemakan ni Yis a kafahkaan a demak misawacayay to maanan?
-
Pasifanaˈay ci Yis to tamdaw to safalod no waywayan a maˈorip?
MALALITINGAY A LALAKAW
O maanan ko maceriday a masowal ni Yis i fafekang no sera?
“Hano Misaareteng ci Yis to Hongti Kitakit no Kawas” (Mikecolay, 2014/10/1)
O midemakan ni Yis a kafahkaˈan a demak hano o soˈlinay o ngaˈayay pakasoˈlinen?
“Nengnengen ko Kafahkaan a Demak ni Yis?” (Mikecolay, 2004/7/15)
O cecay faˈinayan maˈaraw ko taˈarawan ni Yis kinafalah to niyah i, samaanay ko kafalic no kaˈorip ningra?
“O Nano Kaˈorip Ako Sahtoay o Niyah aca ko Maharatengay” (Mikecolay, 2014/10/1)
Tooren ko kadadoedo no toki, minengneng ci Yisan itini fafekang no sera midemakay to maanan sakakaay a demak.
a Saka 31-33 fedengan mamisongilaˈ milengo to Hongti Kitakit no Kawas.
