SAKA 19 FEDENGAN
Misawacayay Tamdaw ni Yihofa o Soˈlinay a Krisciyang han?
O Misawacayay Tamdaw ni Yihofa pakasoˈlinay to o soˈlinay a Krisciyang ko niyah, misamaanay hani? Sakafanaˈaw to caˈof i, nengnengen ko pihakelongan niyam misalalangiay to maanan, hano o Misawacayay Tamdaw ni Yihofa han kami, ato samaanay masasiolah kami.
1. O pihakelongan no Misawacayay Tamdaw ni Yihofa misalalangiay to maanan?
Pasowalan ni Yis ko Kawas: ‘O soˈlinay kimad ko sowal Iso.’ (Yohani 17:17) Malecad ci Yisan, o pihakelongan no Misawacayay Tamdaw ni Yihofa misalalangiay to Fangcalay Cudad. Nengnengen ko aniniay a likisi no Misawacayay Tamdaw ni Yihofa. Itini saka 19 hahekalan, o cecay ˈopo a tamdaw malisopsopay mikilim a mikadkad to soˈlinay kimad, misongilaˈ a micekiw to Fangcalay Cudad. O pihakelongan nangra misalalangiay to Fangcalay Cudad, soˈliˈlin caka lecad to kimad no kiyokay, kamayan tanektek ko pakasoˈlin nangra to kimad no Fangcalay Cudad. Ikor, oya makilimay nangra a soˈlinay kimad no Fangcalay Cudad paladaˈan nangra ko tamdaw. a
2. Hano o Misawacayay Tamdaw ni Yihofa han kami?
Misawacayay Tamdaw hananay ni Yihofa pangangan ko midokoay Cingranan a tamdaw, samanen milasilay cangra to pakayniay ci Yihofaan a soˈlinay kimad. (Hipray 11:4–12:1) Tinakoen, itini nolitengan pasowalan no Kawas ko finawlan Ningra: ‘O misawacayay tamdaw Ako kamo.’ (ˈOsien ko Isaya 43:10.) Ano ci Yisto ‘o madimadiay a misawacayay tamdaw’ hananay. (Paˈarawan 1:5) Mihaenay itini 1931 miheca, misakadademakan niyam ko Misawacayay Tamdaw ni Yihofa sanay a ngangan. Misakadademak tonini a ngangan, tada o kalikoan no niyam.
3. O Misawacayay Tamdaw ni Yihofa samaanay pasayra ci Yisan a minanam, paihkal to olah?
Tada maolahay ci Yis to nisawawaan ningra, o paro no lomaˈ sanay ko pinengneng cangranan. (ˈOsien ko Marko 3:35.) Malecaday, itini paro no kakarayan a Misawacayay Tamdaw ni Yihofa o makelecay a malacecay taˈangayay a paro no lomaˈ, mansa o malikakaay han kami a mapolong. (Filimon 1, 2) Midofdofday kami to limoˈot no Kawas: ‘Maolah to polong kasacefang no salikaka.’ (1 Pitiro 2:17) O Misawacayay Tamdaw ni Yihofa itini i adihayay pakayraan paihkalay to mahaenay a olah, tinakoen mipadangay to icowacowaay misaaliay to papadamaen a salikaka.
CALEPEN MIKADKAD
Dotoc wa cipinang kiso to likisi no Misawacayay Tamdaw ni Yihofa, nengnengen iraay ko maanan a wacay paihkal to soˈlinay a Krisciyang kami.
O pihakelongan no soˈlinay Krisciyang misalalangiay to Fangcalay Cudad, halo paladaˈ to soˈlinay kimad i tamdamdaw
4. O pihakelongan niyam misalalangiay to Fangcalay Cudad
Paliˈayaway ci Yihofa, o finawlan Ningra papalidlid saan ko kacipinang to Fangcalay Cudad. ˈOsien ko Taniil 12:4 ato roma pihongyak, ikor lengoen ko ilaenoay a salicay:
-
O finawlan no Kawas padadotocay mikingkiw to Fangcalay Cudad, ‘kadofahay’ cangra to maanan?
Nengnengen ko maolahay to Fangcalay Cudad a tamdaw misamaanay micalep a mikingkiw to sowal no Kawas, masalalomaˈay ci Cares Loso. Nengnengen ko IKA, ikor lengoen ko ilaenoay a salicay:
-
Itini i ika, ci Cares Loso ato romaroma tamdaw samaanay mikingkiw to Fangcalay Cudad?
Mafanaˈay kiso han?
Latekay misalofan niyam ko kacipinang to Fangcalay Cudad. Misamaanay hani? Matiya o cidal palidlid sa masadak, mahapinangto ko maˈaraway, mihaenay ko Kawas palidlid sa pacipinang to soˈlinay kimad. (ˈOsien ko Taneng 4:18.) Cowa ka falic ko Fangcalay Cudad, kawra ano ira ko kacipinang niyam i, misalofanto niyam ko sapasifanaˈ.
5. Mitooran niyam ko tatodong no ngangan niyam, misawacay ci Yihofaan
Hano sakadademaken niyam ko Misawacayay Tamdaw ni Yihofa sanay a ngangan hani? Nengnengen ko IKA, ikor lengoen ko ilaenoay a salicay:
-
Misawacayay Tamdaw ni Yihofa hananay a ngangan hano o matatodongay?
Hano piliˈen ni Yihofa ko tamdaw malo misawacayay Ningra hani? Samanen misawacayay cangra o soˈlinay a Kawas ci Yihofa, adihayay ko mangah a sowal no tamdaw pakayni i Kawas. Nengnengen ko tosa a mangah.
O roma kalodoyongan pasifanaˈay, mihayiay ko Kawas tano samiyay midoko Cingranan sanay. Matatodongay konini a sowal han? ˈOsien ko Lifi 26:1, ikor lengoen ko ilaenoay a salicay:
-
Mikitini i sinael, samaanay ko pinengneng ni Yihofa to samiyay?
O roma misasingsiay no kalodoyongan pasifanaˈay to tamdaw, o Kawas ci Yis sanay. Matatodongay konini a sowal han? ˈOsien ko Yohani 20:17, ikor lengoen ko ilaenoay a salicay:
-
Mikitini i sinael, o Kawas aci Yis o cecayay ko tireng han?
-
Ocoran ni Yihofa ko Misawacayay patenak to soˈlinay kimad, padama tisowanan matatodong ko kafanaˈ Cingranan ato Wawa Ningra. Samaanay ko piharateng iso tonini hani?
6. Masasiolaolahay kami
Sowal no Fangcalay Cudad, masasiolaolah ko Krisciyang sanay, matiya o caˈang no tireng a malalitiliting cangra. ˈOsien ko 1 Korinto 12:25, 26, ikor lengoen ko ilaenoay a salicay:
-
O soˈlinay a Krisciyang ano mafanaˈ to tahalifaay to pasangar ko salikaka i, mamisamaan ko pidemak?
-
Maˈaraway iso ko Misawacayay Tamdaw ni Yihofa samaanay a masasiolah cangra hani?
Ano tahapades ko icowaay a salikaka i, tangsolay mipadang ko i paroay no kakarayan a Misawacayay Tamdaw ni Yihofa. Nengnengen ko cecay tinakoan. Nengnengen ko IKA, ikor lengoen ko ilaenoay a salicay:
-
Ikor no faliyos, Misawacayay Tamdaw ni Yihofa samaanay a madadama cangra aki?
O soˈlinay Krisciyang paihkalay to olah i misaaliay to sapadama a tamdaw
ANO IRA KO SOMOWALAY: “O aniniay aca mapatireng ko pihakelongan no Misawacayay Tamdaw ni Yihofa sanay.”
-
Ihacowaay ci Yihofa a mipangangan to o misawacayay tamdaw ko midokoay Cingranan?
KALIMLAAN
O Misawacayay Tamdaw ni Yihofa o soˈlinay a Krisciyang, o taˈangayay a paro no lomaˈ i paro no kakarayan. O pihakelongan niyam misalalangiay to Fangcalay Cudad, padamaay kami to tamdaw mafanaˈ to soˈlinay kimad pakayni ci Yihofaan.
Lomalen
-
Hano misakadademak kami to Misawacayay Tamdaw ni Yihofa sanay a ngangan?
-
Samaanay kami macacada hani?
-
O Misawacayay Tamdaw ni Yihofa o soˈlinay a Krisciyang sanay kiso miharateng han?
MALALITINGAY A LALAKAW
Tongalen ko kafanaˈ to likisi niyam.
Nengnengen to samaanay ko Misawacayay Tamdaw ni Yihofa mitihedak to mararaway sapasifanaˈ a kimad.
O Finawlan no Kawas Palosiyangay to Fangcalay Ngangan Ningra (7:08)
Iraay ko sasa no falocoˈ iso to Misawacayay Tamdaw ni Yihofa alatek. Ngangaˈay kiso itini mikilim to sapacaˈof.
“O Marariday Salicay Pakayni i Misawacayay Tamdaw ni Yihofa” (Lalakaw no wangcan)
Tada ˈintehay ci Stifen to roma finacadan, mariˈangay ko demak. Samaanay mitemer ko Misawacayay Tamdaw cingranan a mafalic cingra.
a Mikecolay casi o kalimlaan a mitepangan niyam, mikitini 1879 miheca misatapang padotocay a padama to tamdaw cipinang to soˈlinay kimad no Fangcalay Cudad.
