SAKA 21 FEDENGAN
O Cima ko Patenakay to Ngaˈayay Lihaf no Fangcalay Cudad Hani?
Patirengan ni Yihofa ko cecay Hongti Kitakit, onini a Hongti Kitakit kakaliki palahdaw to polong a pasangaray no hekal. Tada o ngaˈayay a lihaf konini, o papatengilen ko tamdamdaw maemin! Mihalamhamay ci Yis to nisawawaan ningra pasowal to kahacecay a tamdaw tonini a ngaˈayay lihaf. (Matay 28:19, 20) Mihaenay i, Misawacayay Tamdaw ni Yihofa samaanay a mitoor to limoˈot ni Yis a midemak hani?
1. Samaanay a malaˈosi ko Matay 24:14 anini?
Paliˈayaway ci Yis pasowal: ‘O ngaˈayay lihaf nonini Hongti Kitakit papatenaken i polong no hekal.’ (Matay 24:14) Mahemekay ko Misawacayay Tamdaw ni Yihofa mirienang tonini kalimlaan a tayal. Itini i paro no kakarayan, mataˈlifay ko cecay patek kasasiroma no sowal patenak tonini ngaˈayay a lihaf. Tada taˈangayay konini a tayal, misaaliay to ˈalomanay tamdaw ato adihayay a dafong, airaho ko ngaˈayay pilikakawa. Iraay ko sapadama ni Yihofa, hato malaˈosiay konini a tayal no mita.
2. Sasamaan kita misaˈicel a mitosil to tamdamdaw?
Ano icowaay ko tamdaw i, tayraay kita a mitosil. Mahecaday kita to saka 1 hahekalan a Krisciyang, ‘pakalomalomaˈan’ a milasil to ngaˈayay lihaf. (Dmak 5:42) Mihaenan a tano masieroday a pakayraan ko pitosil ita, to mihecahecaan masapatekay masaˈofaday ko malitemohay ita a tamdaw. Roma i, latekay awaay ko tamdaw i lomaˈ, mansa itiniay kita i kaˈalomanan kitiraan a mitosil. Ano hacowato icowato, mimetmetay kita to toki padama to tamdaw mafanaˈ ci Yihofaan, pasowal cangranan to hadademaken ni Yihofa.
3. O cima ko ci ˈinorongay mitenak to ngaˈayay lihaf?
Polong soˈlinay a Krisciyang iraay ko ˈinorong mitenak to ngaˈayay lihaf no Fangcalay Cudad i tamdaw. Misakaretengay kita tonini a ˈinorong. Mitosilay a tayal milidongay to ˈorip no tamdaw, mansa kita o kahacecay a tamdaw mamitoor to ˈicel no niyah misarocod a mitosil. (ˈOsien ko 1 Timoti 4:16.) O milonokan no falocoˈ ita ko pidemak tonini a tayal, caay pilayap to sapalifon, samanen sowal no Fangcalay Cudad: ‘Caay ko nicakayan namo i, caay ko papacakayen a mipafeli.’ (Matay 10:7, 8) Cowa ka sahto saan makahi ko tamdaw mitengil to mitenakan ita a lihaf, kawra kamayan kita padadotoc a mitosil, samanen o mitosilay hananay i, o midokoay to Kawas a demak konini, mihaen kita to demak papakahemek ci Yihofaan.
CALEPEN MIKADKAD
Dotoc mamananam iso: O Misawacayay Tamdaw ni Yihofa sasamaan misaˈicel a mitosil i paro no kakarayan hani? Sasamaan padama ci Yihofa kitaanan hani?
Itini icowcowa pala mitosil: (A) Kosta Rika, (B) Padaka, (C) Pining, (D) Tailan, (E) Yapo, (F) Reitin
4. Misaˈicelay mitosil kita to polong a tamdaw
Toha sapatenakaw to ngaˈayay lihaf i polong a tamdaw no hekal, o Misawacayay Tamdaw ni Yihofa misaˈicelay ko pidemak. Nengnengen ko IKA, ikor lengoen ko ilaenoay a salicay:
-
Onini ika somowalay to pisaˈicel no Misawacayay Tamdaw ni Yihofa a mitosil, o maanan ko kasemeran no falocoˈ iso hani?
ˈOsien ko Matay 22:39 ato Loma 10:13-15, ikor lengoen ko ilaenoay a salicay:
-
O pitosil ita hano o maolahay to tamdaw han ko sowal?
-
Samaanay ko pinengneng ni Yihofa to misaˈicelay mitenak to ngaˈayay lihaf a tamdaw?—Nengnengen ko 15 sinael.
5. Mikalacafayay kita to Kawas a dademak
O nalifetan no ˈalomanay tamdaw paihkalay, mikayatay ci Yihofa to mitosilay a demak ita. Patinakoen, itini i Niu Silan, o cecay ci Pawlo hananay a salikaka pakalomalomaˈ mitosil to herek no lahok i, malitemohay ko cecay fafahiyan. ˈArawhan toya a papacem, mitolonay to Kawas konini fafahiyan, kalasaka dademakan ningra ko ngangan no Kawas ci Yihofa, mingitangit nanay ira ko tamdaw tayra i lomaˈ ningra. Sanay ko sowal ni Pawlo: “Maharek cingra mitolon to tolo tatokian i, itiniayto kako i fawahan ningra.”
ˈOsien ko 1 Korinto 3:9, ikor lengoen ko ilaenoay a salicay:
-
O mahaenay a nalifetan samaanay mitadtad to mikayatay ci Yihofa to mitosilay a demak?
ˈOsien ko Dmak 1:8, ikor lengoen ko ilaenoay a salicay:
-
Hano misaali kita to sapadama ni Yihofa, ngaˈ malaˈosi ko mitosilay a demak?
Mafanaˈay kiso han?
O tenok no lipay a saˈopo pahatatanamay kitaanan sasamaan mitosil to tamdaw. Mirienangayto kiso to tenok no lipay a saˈopo han? O mahaenay a pahatatanam samaanay ko piharateng iso?
6. Midofdof kita to Kawas, padadotoc a mitosil
Itini saka 1 hahekalan, micongeday ko romaroma tamdaw to nisawawaan ni Yis a mitosil. Midemakay ko Krisciyang itiya, ‘pakayni ino holican a pakayraan patireng to fadangalan a mitenak to ngaˈayay lihaf.’ (Filipi 1:7) O aniniay Misawacayay Tamdaw ni Yihofa mahaenay ko pidemak. a
ˈOsien ko Dmak 5:27-42, ikor lengoen ko ilaenoay a salicay:
-
Hano cowa ko tatomerep kita a mitosil?—Nengnengen ko 29, 38, 39 sinael.
ANO IRA KO MILICAYAY: “O Misawacayay Tamdaw ni Yihofa hano mihacecay to lomaˈ a mitosil?”
-
Sasamaan ko caˈof iso?
KALIMLAAN
Palimoˈotan ni Yis ko nisawawaan ningra papitenak to ngaˈayay lihaf i kasakitakit. Padamaay ci Yihofa to finawlan Ningra milahci tonini a demak.
Lomalen
-
O cima ko mitenakay to ngaˈayay lihaf i paro no kakarayan?
-
O pitosil ita hano o maolahay to tamdaw han ko sowal?
-
Mitosil to tamdaw o kalipahakan a demak sanay kiso miharateng han? Misamaanay?
MALALITINGAY A LALAKAW
Misawacayay Tamdaw ni Yihofa itini ˈifowaay a maci samaanay mitosil to tamdaw?
O Mikiriwiˈay a Misawacayay Itini Kaˈalomanan Kitiraan i Paris (5:11)
Misawacayay Tamdaw ni Yihofa samaanay padama to milaliway to pades a tamdaw?
Mirenec to Nofalocoˈan a Saali no Milaliway to Pades a Tamdaw (5:59)
Cecay fafahiyan salikaka halafinay mihecaan misaˈicelay mitosil, mansa marenecay ko kaˈorip. Tengilen ita samaanay ko sowal ningra.
Misawacayay Tamdaw ni Yihofa adihayay ko malowiday i hoing, sakangaˈay mitenak to ngaˈayay lihaf. Nengnengen ko pina tinakoan.
a O naitiniay i Kawas ko fadangalan ita a mitosil. Mankora, o Misawacayay Tamdaw ni Yihofa cowa ka pisaali to pihayda no sifo, ikor ngaˈ mitenak to ngaˈayay lihaf no Fangcalay Cudad.
