SAKA 28 FEDENGAN
Miakoˈid to Nano Demak ni Yihofa aci Yis i Tisowanan
Ano ira ko widang pafeliay tisowanan to cecay ngaˈayay sapatelong, wa samaan ko harateng iso? Maedeng o lalipahak kiso, makalimay sapifanaˈaw tonini a widang tada misalimlaay kiso tonini a sapatelong. Ci Yihofa aci Yis pafeliay kitaanan to sangaˈayay a sapatelong—o sapatefoc. Sasamaan ko pidemak ita a miakoˈid cangranan hani?
1. Ano miakoˈiday kita to Kawas aci Kristoan o mamisamaan ko demak?
Mikiˈokay ko Fangcalay Cudad, ‘polong pakasoˈlinay a mihakelong [ci Yisan] a tamdaw’ wa ngaˈay midaˈoc maˈorip. (Yohani 3:16) ‘Pakasoˈlinay a mihakelong’ hananay i, o manan ko tatodong hani? Tatodong i, cowa ko nika pakasoˈlin aca ita ci Yisan, oha papakaynienho i waywayan ato misaˈosian to romiˈamiˈad a misawacay to pakasoˈlinay ko falocoˈ ci Yisan. (Yakop 2:17) O sowal ita ato midemakan paihkalen ko mahaenay pakasoˈlinay a falocoˈ, ano mihaen wa matongal ko piingid ci Yisan aci Yihofaan.—ˈOsien ko Yohani 14:21.
2. Iraayho ko manan hatoki ita miakoˈid ci Yihofaan aci Yisan?
ˈAyaw no mamapatay ci Yis a dadaya pasowalay to nisawawaan, oha mamisamaanho cangra miakoˈid to pikinafalah ningra to ˈorip. Patirengay ci Yis to cecay mikiriwiˈay a piharatengan a saˈopo, ‘o Lafi no Tapang’ hananay no Fangcalay Cudad konini piharatengan a saˈopo, ‘o Piharatengan to Pikinafalah ni Yis to ˈOrip a Saˈopo’ hananay anini. (1 Korinto 11:20) Sakapatireng tonini a saˈopo i, o papiharatengay to tarokos ato iikoray a mihakelongay cingranan a tamdaw to pikinafalah ningra to ˈorip. Somowal ci Yis tonini a saˈopo i: ‘Padadotoc kamo mihaen to demak a miharateng takowanan,’ sanay. (Luka 22:19) Ano mirienang kiso tonini a piharatengan a saˈopo i, ngangaˈay kiso paihkal to nika piakoˈid to tangongolay a olah ni Yihofa aci Yis.
CALEPEN MIKADKAD
Dotoc mamananam iso: Wa ngaˈayho kita misamaan miakoˈid to tangongolay a olah ni Yihofa aci Yis? Mirienang to piharatengan to pikinafalah ni Yis to ˈorip a saˈopo hano o masakalimlaan?
3. Paihkalen ko miakoˈiday a waywayan
Ano mamaˈemek sakapatayawto kiso i, ira ko paˈoripay tamdaw tisowanan. Wa kaliki mapawan kiso tonini paˈoripay a tamdaw han? Anca mamiakoˈid kiso cingranan, miharateng to sapatikolaw cingranan han?
Milidonganto ni Yihofa ko ˈorip no mita. ˈOsien ko 1 Yohani 4:8-10, ikor lengoen ko ilaenoay a salicay:
-
O pikinafalah ni Yis to ˈorip hano taˈangayay ko epoc pakayni kitaanan?
-
Pakayni to nidemakan ni Yihofa aci Yis tisowanan samaanay ko piharateng no falocoˈ iso?
Sasamaan kita miakoˈid to nidemakan ni Yihofa aci Yis hani? ˈOsien ko 2 Korinto 5:15 ato 1 Yohani 4:11; 5:3. Miˈosi to kahacecay a sinael i, ikor lengoen ko ilaenoay a salicay:
-
Mikitini tonini a sinael, ngaˈay kita misamaan to demak, paihkal to piakoˈid no niyah ci Yihofaan aci Yisan?
4. Ci Yis ko hataˈarawan
O roma hapakayraan a miakoˈid ci Yihofaan aci Yisan i, minanam ci Yisan. ˈOsien ko 1 Pitiro 2:21, ikor lengoen ko ilaenoay a salicay:
-
Ngaˈay kiso i masamaanay a pakayraan mikedec a mikotod to pasaripaˈan ni Yis?
5. Mirienang to piharatengan a saˈopo to pikinafalah ni Yis to ˈorip
Nengnengen ko sakinacecay a Lafi no Tapang samaanay ko pisiki. ˈOsien ko Luka 22:14, 19, 20, ikor lengoen ko ilaenoay a salicay:
-
Itini to Lafi no Tapang i, ci Yis ato nisawawaan midemakay to maanan?
-
O epang ato epah mitaypiyaway to maanan?—Nengnengen ko 19 ato 20 sinael.
To mihecahecaan itini pikinafalahan ni Yis to ˈorip a romiˈad papidemakan ni Yis ko nisawawaan tonini a demak. Mihaenay haw i, to mihecahecaan malisopsopay masaˈopo ko Misawacayay Tamdaw ni Yihofa, midoedo to sapalimoˈot ni Yis a pakayraan miharateng to patay ningra. Nengnengen ko IKA, cipinang tonini masakalimlaan a saˈopo, ikor lengoen ko ilaenoay a salicay:
-
Samaanay ko piharatengan to pikinafalah ni Yis to ˈorip a saˈopo hani?
O epang ato epah iraay ko tatodong nira: O epang mitaypiyaway to mipatafangan ni Yis saki kitaanan a malefotay a tireng ningra, o epah mitaypiyaway to remes ningra
ANO IRA KO SOMOWALAY: “O pakasoˈlin aca ci Yisan mamalidongto!”
-
Samaanen iso tano Yohani 3:16 ato Yakop 2:17 a mitadtad, o pakasoˈlin aca ci Yisaan cowaho ka edeng?
KALIMLAAN
Pakasoˈlin kita a mihakelong ci Yisan, mirienang to Piharatengan to Pikinafalah ni Yis to ˈOrip a Saˈopo, ngaˈay paihkal to miakoˈiday ko niyah to nidemakan ningra saki kitaanan.
Lomalen
-
Pakasoˈlin a mihakelong ci Yisan o maanan ko tatodong?
-
Sasamaan kiso miakoˈid ci Yihofaan aci Yisan to nidemakan nangra saki tisowanan?
-
Mirienang to Piharatengan to Pikinafalah ni Yis to ˈOrip a Saˈopo hano masakalimlaan?
MALALITINGAY A LALAKAW
O pikinafalah ni Yis Kristo to ˈorip pakalalokay kitaanan samaan ko hademak?
Tongalen ko kacipinang to o manan ko pasoˈlinay no falocoˈ hananay, ato sasamaan kita tano waywayan misawacay to nika pakasoˈlin no niyah.
“Pakayni i Sakiˈok ni Yihofa Paihkal to Pakasoˈlinay a Falocoˈ” (Mikecolay, Saka 10 Folad 2016)
O cecay fafahiyan misimsim to pikinafalah ni Yis to ˈorip ikor, taˈangayay ko kafalic ningra. Nengnengen ko tawcikel ningra: “Nohatini, Makoracayto ko Niyah Sanay Kako Miharateng.”
“Minanam to Fangcalay Cudad a Mafalic ko Nokaˈorip” (Mikecolay, 2011/8/1)
O Piharatengan to Pikinafalah ni Yis to ˈOrip a Saˈopo, misamaanay hano cowa ka hakowa ko komaenay to epang ato epah a tamdaw?