SAKA 33 FEDENGAN
Hongti Kitakit no Kawas Papalaˈosi to Maanan a Demakan?
Hongti Kitakit no Kawas mikowanayto nohatini, wa kaliki palafaeloh to cikiw. Itini i pikowan no Hongti Kitakit i, ano ikor wa ira ko maanan a makapahay a demak hani? Nengnengen ita ko pina a demak.
1. Hongti Kitakit no Kawas sasamaan paira to dipayal ato masadafdafay i polong no hekal?
Hongti no Hongti Kitakit no Kawas ci Yis aitini i Armakiton a lalood palaˈafo to mariˈangay tamdaw ato pikowan no tamdaw. (Paˈarawan 16:14, 16) Itiyato i, wa malaˈosito ko mikiˈokan no Fangcalay Cudad: ‘Caayto ko hahalafin, mamalahdaw ko tatiihay a tamdaw.’ (ˈOlic 37:10) Itini pikowan ni Yis i Hongti Kitakit, papadipayal ato pasadafdaf to polong no hekal.—ˈOsien ko Isaya 11:4.
2. Ano malaˈosi ko araaw no Kawas i fafekang no sera i, sasamaan ko kaˈorip no tamdaw?
Itini pikowan no Hongti Kitakit no Kawas, ‘o moecelay a tamdaw mamilayap tonini a sera, midaˈoc rihaday ko kamaroˈ itini i fafekang no sera.’ (ˈOlic 37:29) Haratengen hena, i tatihi iso sahtoay o moecelay a tamdaw, maolahay ci Yihofaan, masasiolahayho cangra. Awaayto ko adadaay a tamdaw, rihadayay raheker a midaˈoc maˈorip ko tamdaw maemin. Mahaenay a kaˈorip tada makapahayto!
3. Mapalaˈafo ko mariˈangay tamdaw ikor, Hongti Kitakit no Kawas papalaˈosi to maanan a demakan?
Mapalaˈafo ko mariˈangay tamdaw ikor, mamala hongti ci Yis to 1,000 miheca, kalacafay to 144,000 a tamdaw itini i kakarayan mikowan. Oha papadama cangra to i fafekangay no sera a tamdaw patikol a malefot ko ˈorip. Mahererek ko 1,000 miheca i, polong no cikiw wa o makapahayto a lakoing, polong a tamdaw pakayniay i pidofdof to rikec ni Yihofa a rahekeren. Dotoc i, wa patikolen ni Yis koya Hongti Kitakit i Wama ningra ci Yihofaan. O ngangan ni Yihofa wa ‘mala fangcalayto.’ (Matay 6:9, 10) Itiyato i, polong a wacay misawacayay to o sangaˈayay a mikowanay ci Yihofa, ciharatengay Cingra to finawlan Ningra. Wa palaˈafo ci Yihofa ci Satanan ato romaroma a tatiihay coyoh, ato padetengay misafelit to pikowan ni Yihofa a tamdaw. (Paˈarawan 20:7-10) O mipairaan no Hongti Kitakit no Kawas a malefotay a hekal mamidaˈoc a materek.
CALEPEN MIKADKAD
Dotoc mamananam iso: Misamaanay hano pakasoˈlin kita, o kakala sakadademaken no Kawas ko Hongti Kitakit Ningra palaˈosi to sakiˈok no Fangcalay Cudad?
4. Hongti Kitakit no Kawas mamitolas to pikowan no tamdaw
Sowal no Fangcalay Cudad: ‘Mikowan ko tamdaw to tamdaw, pasemsemay to tamdaw.’ (Patnakay 8:9) Nikawrira, wa sakadademaken ni Yihofa ko Hongti Kitakit Ningra palahdaw to cowa ka sadafdaf a demak.
ˈOsien ko Taniil 2:44 ato 2 Tisalonika 1:6-8, ikor lengoen ko ilaenoay a salicay:
-
Pakayni i sifo no tamdaw atoya midopoay to pikowan no tamdaw a tamdaw, sasamaanen ni Yihofa aci Yis ko demak i cangranan?
-
Pakayni i kacipinang iso ci Yihofaan aci Yisan, wa tano masadafdafay, ato moecelay ko pidemak nangra sanay kiso miharateng han? Misamaanay?
5. O malefotay a Hongti ci Yis
O Hongti ci Yis itini i Hongti Kitakit no Kawas o papalemed to fafekangay no sera a finawlan. Nengnengen ko IKA, nengnengen ko nano demak ni Yis i fafekang no sera. Onini a demak paihkalay, makalimay ci Yis padama to tamdaw, hanaca pafelian no Kawas cingra to ˈicel mihaen to demak.
O nano demak ni Yis i fafekang no sera, pahapinangay kitanan to mamalaˈosi no Hongti Kitakit no Kawas ko maanan a demak. Dotoc nengnengen ko mamacada ita a sapalemed, hinatalaay kiso to maanan a demak hani? ˈOsien ko ilaenoay a sinael.
|
ITINIHO CI YIS I FAFEKANG NO SERA NA MIDEMAKAY . . . |
ITINIAYTO I KAKARAYAN CI YIS, O HAMAMIDEMAK CINGRA . . . |
|---|---|
|
|
|
|
|
|
|
|
6. Hongti Kitakit no Kawas papaira to maˈdilay a noikoran
Hongti Kitakit no Kawas mamisongilaˈ a palaˈosi to araaw ni Yihofa to tamdaw i salakat, itiyato i, tatahadaˈoc ko tamdamdaw i fafekangay no sera a lakoing maˈorip. Nengnengen ko IKA, nengnengen sasamaan ci Yihofa misaka dademak to Wawa Ningra ci Yisan palaˈosi to araaw no Niyah.
ˈOsien ko ˈOlic 145:16, ikor lengoen ko ilaenoay a salicay:
-
Mafanaˈ to paparenecen ni Yihofa ko saali no tamdamdaw, samaanay ko harateng iso hani?
ANO IRA KO SOMOWALAY: “Ano makamisaˈicel ko tamdamdaw i hekal i, mamasaysay ko polong a pasangar.”
-
O maanan a pasangaray cowa ko mamasaysay no sifo no tamdaw, kawra o ngangaˈay masaysay no Hongti Kitakit no Kawas?
KALIMLAAN
Hongti Kitakit no Kawas papalaˈosi to araaw no Kawas, papalakoing to polong no cikiw. O maˈoripay i cikiw a tamdaw sahtoay o moecelay ko falocoˈ, tatahadaˈoc cangra a midoko ci Yihofaan.
Lomalen
-
Sasamaan mipafangcal to ngangan ni Yihofa ko Hongti Kitakit?
-
O manan ko papadama kitaanan pakasoˈlin, Hongti Kitakit papalaˈosi to mikiˈokan no Kawas?
-
Hinatalaay kiso to mamalaˈosi ko maanan a demak?
MALALITINGAY A LALAKAW
‘Armakiton’ o manan ko mitoroˈan?
Nengnengen ko misowalan ni Yis a “ta’angayay padiing“, wa mifekad ko manan a demak?—Matay 24:21.
“Itini i Fangcalay Cudad, O Manan ko Tatodong no Ta’angayay Padiing?” (Lalakaw no wangcan)
O paro no lomaˈ ngaˈayay samaan maka miharateng to sapalemed no Hongti Kitakit no Kawas?
Na ˈifowaay cingra to misafelitay to sifo a demak, ikorto i, mahelaayto ko sapisaysay to pasangaray no hekal a pakayraan. Nengnengen ‘Adihayay ko Salicay no Falocoˈ Ako’ ilaenoay nonini lalangian a nalifetan.
“Minanam to Fangcalay Cudad a Mafalic ko Nokaˈorip” (Mikecolay, 2012/1/1)
