SAKA 35 FEDENGAN

Sasamaan a Citaneng ko Pisaˈosi?

播放

Kita o cecacecay a tamdaw mamidemak to masakenakenaay a saˈosi, o romaroma a pisaˈosi i, taˈangayay ko pifiyor kitanan ato nika lalaˈed ita ci Yihofaan. Tinakoen, ano mamisaˈosi kita to aicowa a maroˈ, sasamaan mietan to sakaˈorip, anoca ciraramod hokira. Ano citanengay ko pisaˈosi ita, raraheker ko kaˈorip, pakahemekho ci Yihofaan.

1. Sasamaan kiso mikitini Fangcalay Cudad citaneng ko pisaˈosi?

ˈAyaw no pisaˈosi i, tolonen iso ci Yihofa, solapen ko Fangcalay Cudad, samaanay ko pinengneng Ningra tonini a demak. (ˈOsien ko Taneng 2:3-6.) Itini i romaroma pakayraan, patodicekay ci Yihofa a misaˈosi. Ano hakelongen konini a palinian i, o sangaˈayay noka pipiliˈ.

Nikawrira, ano cowa patodicek misaˈosi ko Fangcalay Cudad i, ci Yihofa wa ‘mikayat tisowanan, romakat to rarakaten iso a lalan.’ (Isaya 48:17) Pakaynian Ningra i safalod no Fangcalay Cudad a mikayat tisowanan. O safalod no Fangcalay Cudad hananay i, o taˈenengan no soˈlinay kimad, patalahkalay to harateng ato nafalocoˈan ni Yihofa. Maˈosi no mita ko maˈoningay a maanan a demak i Fangcalay Cudad i, mamahapinang ita ko pinengneng ni Yihofa. Ano cipinang kita to nafalocoˈan ni Yihofa i, o papakahemek Cingranan ko pisaˈosi ita.

2. ˈAyaw no pisaˈosi sasinanoten ko maanan a demak?

Sowal no Fangcalay Cudad: ‘O matanengay a tamdaw i, minaˈon to rarakaten’ sanay. (Taneng 14:15) Tatodong nonini i, ˈayaw no pisaˈosi, isalakaten a miharateng iraay ko maanan a papiliˈen ako, ikor hacecayen a mifolfol. Licayen iso ko niyah: Sasinanoten no mako ko manan a safalod no Fangcalay Cudad? O icowaay a papiliˈen rarihaday ko falocoˈ ako? Ora pisaˈosi no mako mamifiyor to roma a tamdaw han? Masakalimlaan i, o pisaˈosi no mako, papalipahak ci Yihofaan han?—Limoˈot 32:29.

Iraay ko fadangalan ni Yihofa pakayni kitanan a patireng to palinian no ngaˈayay ato tatiihay. Ano cipinang kita to rikec ato safalod Ningra, o mamisetek to falocoˈ a midemak, o mamapahatatanam ko makapahay falocoˈ ita. O manan ko makapahay falocoˈ hani? Oya i kemoday no falocoˈ a mafanaˈay pafafidaˈ to ngaˈayay ato tatiihay a taneng. (Loma 2:14, 15) Oya mapahatatanamayto a makapahay falocoˈ papadama kitanan citaneng ko pisaˈosi to demak.

CALEPEN MIKADKAD

Dotoc mamatongal ko kacipinang iso: Safalod no Fangcalay Cudad ato makapahay falocoˈ no mita, sasamaan padama kitanan citaneng ko pisaˈosi?

3. Papikayaten ko Fangcalay Cudad tisowanan

Ano mamisaˈosi kita i, safalod no Fangcalay Cudad sasamaan padama kitanan hani? Nengnengen ko IKA, ikor lengoen ko ilaenoay a salicay:

IKA: Papikayaten ko Safalod no Fangcalay Cudad Tisowanan (5:54)

O manan ko pasalatay noka piharateng hananay hani?
Hano pafelien ni Yihofa kita to pasalatay noka piharateng?
Pafeliay ci Yihofa kitanan to manan, sakadademak to pasalatay noka piharateng citaneng ko pisaˈosi?

Nengnengen ko cecay a safalod no Fangcalay Cudad. ˈOsien ko Ifiso 5:15, 16, ikor lengoen sasamaan kiso misakadademak to toki, malaˈosi ko ilaenoay a patosokan:

Micerid miˈosi to Fangcalay Cudad.
Malo ngaˈayay a raramod, wama wina, wawa.
Mirienang to saˈopo no kasakopang.

4. Pahatatanamen ko makapahay falocoˈ citaneng ko pisaˈosi

Ano patodicekay ko Fangcalay Cudad misaˈosi to maanan a demak i, mipiliˈ to matatodongay a pisaˈosi madoloayto. Nikawrira, ano caka patodicek ko Fangcalay Cudad somowal to maanan a saˈosi i, wa samaanto hani? Nengnengen ko IKA, ikor lengoen ko ilaenoay a salicay:

IKA: Tafoen ko Tingalaway a Makapahay Falocoˈ (5:13)

Sapipahatatanamaw to makapahay falocoˈ, mipiliˈ to kahemekan ni Yihofa a saˈosi, itiniay i ika a fafahiyan salikaka samaanay ko pidemak ningra?

Misamaanay hano caka ngaˈay ko tao patado kitanan a misaˈosi? ˈOsien ko Hipray 5:14, ikor lengoen ko ilaenoay a salicay:

Soˈliˈlin ano o tao ko patadoay kitanan misaˈosi, hato o madoloay, kawra o papahatatanamen ita ko masamaanay a taneng no niyah hani?
O manan a sapikingkiw a lalosidan papadama kitaanan pahatatanam to makapahay falocoˈ, citaneng ko pisaˈosi?

Malecaday to tito mikayat to lalan, makapahay falocoˈ mikayatay to lalan nokaˈorip

5. Sakaretengen ko makapahay falocoˈ no tao

Cowa ka lecad ko pipiliˈ no kahacecay tamdaw. Sasamaan kita misakareteng to makapahay falocoˈ no tao hani? Haratengen ko ilaenoay tosa a pakayraan:

Saka 1: O cecay maolahay micipoh a fafahiyan salikaka malinahay i roma a kasakopang. Itiraay a kasakopang, ˈalomanay fafahiyan salikaka maˈaraw ko micipohay tamdaw, cowa ka hemek ko falocoˈ.

ˈOsien ko Loma 15:1 ato 1 Korinto 10:23, 24, ikor lengoen ko ilaenoay a salicay:

Mikitini tonini sinael, ora fafahiyan salikaka alatek sasamaan ko pisaˈosi ningra? Ano caka pihayi ko makapahay falocoˈ no nima tamdaw midemak to maanan a demakan, kawra awaay ko maanan sanay kiso miharateng, ano kalacafayen iso cingra i, wa samaanto ko pidemak iso?

Saka 2: O cecay faˈinayan salikaka mafanaˈay to cowa pirikec ko Fangcalay Cudad patatodong ko nika komaen to epah, kawra cowa ko mamitinac to epah ko niyah sanay ko pisaˈosi ningra. Kinacecayay maˈaraway ningra ko romaroma salikaka komaenay to epah.

ˈOsien ko Patnakay 7:16 ato Loma 14:1, 10, ikor lengoen ko ilaenoay a salicay:

Mikitini tonini sinael, alatek onini a salikaka sasamaan ko pisaˈosi ningra? Ano caka pihayi ko makapahay falocoˈ iso midemak to maanan a demakan, kawra maˈaraw iso ko roma tamdaw midemak to mahaenay a demak. Itini i hatiniay a pakayraan sasamaan ko pidemak iso hani?

Citaneng ko pisaˈosi a toloay kadadoedo no pidemak

1. Tolonen ci Yihofa. Longocen Cingra padama tisowanan pakahapinang to sasamaan ko demak.—Yakop 1:5.

2. Mikilim to lalakaw. Itini i Fangcalay Cudad ato mitepangan a cudad, mikilim to pina matatodongay a safalod; ngaˈayay malalengo to cinalifetay a Krisciyang.

3. Haratengen ko teloc. Sinanoten ko pisaˈosi iso aira ko masamaanay a noka pifiyor to makapahay falocoˈ iso ato no tao.

ANO IRA KO SOMOWALAY: “Iraay ko fadangalan no miso midemak to mihalakaan no niyah, hamaan mikihar to piharateng no tao.”

Hano misinanot kita to piharateng no Kawas ato tao?

KALIMLAAN

Ano misinanot kita to piharateng ni Yihofa i, saharateratengenho ko waywayan no niyah, ngaˈayay anoca tatiihay ko pifiyor to tao hokira, mihaen ngaˈ citaneng ko pisaˈosi.