SAKA 36 FEDENGAN
Itini i Maamaan a Demakan Aka Pisamangah
Kita kahacecay tamdaw maolahay ciwidang to cowa pisamangah a tamdaw, ano ci Yihofa mahecadayto. Nikawrira itini tonini matomesay ko misamangahay ato misaˈfitay a hekal, caka pisamangah cowa ko madoloay. Itini maamaan a demakan caka pisamangah o manan ko epoc hani?
1. Cowa pisamangah kita, o manan ko sakakaay a lalangian hani?
Caay ka pisamangah kita to tao, paihkalay to ciolahay a falocoˈ, mikangodoayho ci Yihofaan. O miharatengan ato midemakan ita, mafanaˈay ci Yihofa. (Hipray 4:13) Ano caka pisamangah kita, maˈaraway Ningra, mahemekay ko falocoˈ Ningra. Sowal no Fangcalay Cudad: ‘ˈIntehay ci Yihofa to misafakofakoay a tamdaw, ˈarawhan misawidangay to moecelay a tamdaw.’ —Taneng 3:32.
2. Misamaan itini kaˈorip eca ka pisamangah?
Halamhamay ci Yihofa kitanan ‘masasi pasowal to soˈlinay a sowal.’ (Cikariya 8:16, 17) O manan ko tatodong nonini hani? Itini paro no lomaˈ, cafay a matayal, lalomaˈ no salikaka ato i kaˈayaw no matayalay no sifo, cowa ko mamisamangah kita, padeteng sa miorat to tamdaw. O cowa pisamangah a tamdaw caay ko mamisaˈfit mitakaw to dafong no tao. (ˈOsien ko Taneng 24:28 ato Ifiso 4:28.) Cowa pisamangah a tamdaw misasoˈlinay a pasata. (Loma 13:5-7) Mansa, makalimay kita ‘itini maamaan a demakan ira ko misasoˈlinay waywayan.’—Hipray 13:18.
3. Iraay ko manan a epocan no cowa pisamangah a tamdaw?
Ano cowa pisamangah kita i, iraay ko makapahay a ngangan, mamilifok to nika pakasoˈlin no tao. Itiniay kasakopang a kahacecay tamdaw ano cowa pisamangah, mamahaen o paro no lomaˈ masasi pakasoˈlin, rarihadayto cangra. Ano cowa pisamangah kita i, wa ira ko tingalaway makapahay a falocoˈ, ngangaˈay ‘paˈodingar to sapasifanaˈ no Milidongay a Tatapangan a Kawas ita,’ mamisolot to tao mikihatiya kitaanan midoko to Kawas.—Titus 2:10.
CALEPEN MIKADKAD
Dotoc mamananam iso: Ano cowa pisamangah kita sasamaan ko harateng ni Yihofa? Wa ira ko maanan a epoc iso hani? Ngangaˈay kiso misamaan i kihcod nokaˈorip malo misasoˈlinay a tamdaw?
4. Mahemekay ci Yihofa to misasoˈlinay a tamdaw
ˈOsien ko ˈOlic 44:21 ato Malaki 3:16, ikor lengoen ko ilaenoay a salicay:
-
O harateng no tamdaw, mamahimed ako kora demak sanay, hano o mararaway konini piharateng hani?
-
Somowal to soˈlinay a sowal cowa ko madoloay, kawra ano mihaen kita to demak i, sasamaan ko piharateng ni Yihofa hani?
Misasoˈlin ko wawa mahemekay ko wama wina, misasoˈlin kita mahemekay ci Yihofa
5. Ano hacowato malo misasoˈlinay a tamdaw
O harateng no ˈalomanay tamdaw, ano hacowato malo misasoˈlinay a tamdaw, cowa ko matatodongay sanay. Kawra nengnengen misamaanay hano mamihaen kita to demak. Nengnengen ko IKA.
ˈOsien ko Hipray 13:18, ikor malalengo, to sasamaan kita malo misasoˈlinay a tamdaw:
-
Ano kalacafay to paro no lomaˈ.
-
Itini katayalan ato picudadan.
-
Itini icowacowa a kitiraan.
6. Malo misasoˈlinay a tamdaw adihayay ko epoc
Ano misasoˈlin matayal kita, hato mamasipon, kawra wa malifok ko taˈangayay a epoc no ikor. ˈOsien ko ˈOlic 34:12-16, ikor lengoen ko ilaenoay a salicay:
-
Ano mala misasoˈlinay a tamdaw kiso, samaanay makapah ko kaˈorip iso hani?
-
Tatanektek ko kalalaˈed no mararamoday
-
Papakasoˈlin ko tawki to matayalay
-
Mamahemek ko matayalay no sifo
ANO IRA KO SOMOWALAY: “Ano miming ko mangah ngaˈayayto!”
-
Misamaanay mahapinang iso to ˈintehay ci Yihofa to kihcod a misamangahay?
KALIMLAAN
Halamhamay ci Yihofa to widang Ningra misasoˈlin ko sowal ato demak.
Lomalen
-
Wa ngaˈay kita icowa paihkal to misasoˈlinay?
-
O romaroma tamdaw miharateng, mamahimed ako kora demak sanay, hano o mararaway konini a piharateng?
-
Sapisasoˈlinaw kiso i kihcod a demak han? Misamaanay?
MALALITINGAY A LALAKAW
Samaan ko wama wina pasifanaˈ to wawa malo misasoˈlinay a tamdaw?
Mitoor to mihayian a sowal pairaay to maanan a epoc?
Nolatekay misaloyaan ko sapasata no tamdaw, wa pasataho kita han?
O cecay faˈinayan tano masakenakenaay a pakayraan misaˈfit to tamdaw, ikor malo misasoˈlinayto a tamdaw cingra. Nengnengen o manan ko padamaay cingranan.
“Ci Yihofa o Sidaˈitay Makahiyay Misodod to Tamdaw” (Mikecolay, 2015/5/1)
