SAKA 42 FEDENGAN
Pakayni to Ciraramoday ato Caay ka Ciraramod, Samaanay ko Sowal no Fangcalay Cudad?
Itini i romaroma a serangawan, o harateng no tamdaw ano caka ciraramod caay ka lipahak sanay, kawra o mararamoday a tamdaw cowa ka sahto saan o lipahakay, o caay ka ciraramod a tamdaw cowa ka sahto saan awaay ko lipahak. Sowal no Fangcalay Cudad, ano caayto ka ciraramod ano ciraramodayto, oha papalemeden no Kawas cangra.
1. O caay ka ciraramod a tamdaw iraay ko manan a kangaˈayan?
Sowal no Fangcalay Cudad: ‘Mangaˈayay ko ciraramoday a tamdaw, caay ciraramod a tamdaw ikaka ko nika ngaˈay ningra.’ (ˈOsien ko 1 Korinto 7:32, 33, 38.) O caay ciraramod a tamdaw samaanay a ‘ikaka ko nika ngaˈay’ hani? Cowa ko mamidimokos to raramod, adihayay ko pasalat. O romaroma ngaˈayay adihay ko demak saki Kawas, malifet ko hemek i pitosilan, tinakoen tayra i roma kitakit anca roma a kilac mitenak to ngaˈayay lihaf. Ngaˈayay cangra misaka dademak to adihayay a toki mitongal to kalawidang ato Kawas.
2. Makaketing ko ngangan a mararamod o manan ko kangaˈayan?
Malecad to caay ciraramod a tamdaw, ano ciraramodto i, pairaay to kangaˈayan. Sowal no Fangcalay Cudad: “O tatosaay tamdaw ikakaay ko kangaˈay to cecayay tamdaw.” (Patnakay 4:9) Ano misaˈicel ko Krisciyang misaka dademak to safalod no Fangcalay Cudad i, o mamatinako koninian. Ano makaketing ko ngangan, miketon to sowal makakaolah, misalimla, misakangodo to tihi i, ikakaay to tateko sanay ko nika ngaˈay, samanen o tanektekay a noka lalaˈed no mararamoday pairaay to rihaday, pairaayho to sangaˈayay kalomahadan no wawa a kitiraan.
3. Samaanay ko pinengneng ni Yihofa to raramod?
Patireng ci Yihofa to limasmas no raramod i, sanay ko sowal: ‘O tamdaw mamiliyas to wama wina, makakadep ato fafahi.’ (Satapangan 2:24) Halamhamay ci Yihofa masasiolah ko mararamoday, hakelong no ˈorip caay ka malaliyas. O saˈosi ni Yihofa, o edengan a sakalalicinowas a lalangian i, maˈodang ko cecay nangra. Itini to mahaenay a pakayraan, ora makoracay a tihi iraay ko fadangalan misaˈosi to mamalalicinowas hokira. a (Matay 19:9) Cowa pihayi ci Yihofa to Krisciyang ˈaloman ko fafahi anca ˈaloman ko faˈinay.—1 Timoti 3:2.
CALEPEN MIKADKAD
Dotoc mamananam iso: Ano caayto ka ciraramod kiso anca ciraramodayto, iraay ko maanan a pakayraan padama tisowanan milifok to sakaraheker, hanaca o papakahemek to falocoˈ ni Yihofa?
4. Salimlaen ko caayho ka ciraramod a tatokian
Kalimlaan sanay ko pinengneng ni Yis to caayho ka ciraramod a tamdaw. (Matay 19:11, 12) ˈOsien ko Matay 4:23, ikor lengoen ko ilaenoay a salicay:
-
Samaanay ci Yis misaka dademak to caayho ka ciraramod a tatokian ningra midoko to kakarayan a Wama, halo padama to romaroma tamdaw?
O Krisciyang ano pasayra ci Yisan a minanam, misalimla to caayho ka ciraramod a tatokian, o lalipahak ko kaˈorip. Nengnengen ko IKA, ikor lengoen ko ilaenoay a salicay:
-
O Krisciyang sasamaan misaka dademak to caayho ka ciraramod a tatokian?
Mafanaˈay kiso han?
Cowa pisaˈosi ko Fangcalay Cudad to hakowa ko mihecaan ciraramod. Kawra, o ngaˈayay ano ‘mataˈlifto ko kaemangho karafrafan no falocoˈ a mihecaan,’ ngaˈ ciraramod. Samanen itini tonini a mihecaan, ˈakawangay ko saali to madadiˈiyay a demak, itiya cowa ka dolo matatodong ko pisaˈosi.—1 Korinto 7:36.
5. Citaneng a mipiliˈ to hararamod
Mipiliˈ to hararamod tada masakalimlaan a noka pisaˈosi i hakelong no ˈorip. ˈOsien ko Matay 19:4-6, 9, ikor lengoen ko ilaenoay a salicay:
-
O Krisciyang hano caay ka ngaˈay macaloh a ciraramod?
Pakayni to sasamaan mipiliˈ to hararamod, pafeliay ko Fangcalay Cudad kitanan to pinapina ngaˈayay a sapaini, ora masaka limlaan i, kilimen ko maolahay ci Yihofaan a tamdaw to hararamod. b ˈOsien ko 1 Korinto 7:39 ato 2 Korinto 6:14, ikor lengoen ko ilaenoay a salicay:
-
Hano edengan o malecaday ko pihakelongan a tamdaw ko hararamod ita?
-
O tamdaw ano ciraramod to cowa ka olah ci Yihofaan a tamdaw, samaanay ko piharateng ni Yihofa sanay kiso hani?
Ano palacafayen ko masasiromaay a pinaˈorip mikangkang to sera i, o mamaroray tatosa; malecaday, o Krisciyang ano ciraramod to caay ka hecad ko pihakelongan a tamdaw i, wa adihay ko pasangar nangra
6. Haenen o ni Yihofa ko pinengneng to raramod
Itini nolitengan a Israil, romaroma tamdaw o tatiihay a lalangian a milicinowas to fafahi. ˈOsien ko Malaki 2:13, 14, 16, ikor lengoen ko ilaenoay a salicay:
-
Hano ˈinteh ci Yihofa tano cowa ka tatodong a lalangian milicinowas to raramod?
O maˈaˈodangay ato milicinowasay to raramod midokaˈay to falocoˈ no tihi ato wawa
Nengnengen ko IKA, ikor lengoen ko ilaenoay a salicay:
-
O raramod iso ano cowa ko Krisciyang, sasamaan ko demak ngaˈ raheker ko raramod?
7. Doedoen ko saˈosi ni Yihofa pakayni i raramod
Pakayni sapidoedoaw to saˈosi ni Yihofa to raramod, o tamdaw oha mamisaˈicel alatek. c Kawra mihaen to demak iraay ko haepoc, samanen mamilifok cingra to sapalemed ni Yihofa. Nengnengen ko IKA.
ˈOsien ko Hipray 13:4, ikor lengoen ko ilaenoay a salicay:
-
O saˈosi ni Yihofa pakayni mararamoday matatodongay sanay kiso miharateng han? Misamaanay?
Itini adihayay a kitakit ato pala iraay ko sarikec to mitingkiay to raramod ato milicinowasay. Halamhamay ci Yihofa to Krisciyang mitoor tonini a saˈosi a midemak. ˈOsien ko Titus 3:1, ikor lengoen ko ilaenoay a salicay:
-
O kararamod iso mitooray to sarikec no kitiraan a sifo han?
ANO IRA KO MILICAYAY: “Hano mararamod saw? Tateko sa mamaan saw?”
-
Sasamaan ko caˈof iso?
KALIMLAAN
Caayho ka ciraramod ato ciraramodayto a tamdaw, ano doedoen ko saali ni Yihofa i, ngangaˈay milifok to sapalemed no Kawas, raheker ko kaˈorip nangra.
Lomalen
-
Sasamaan misaka dademak to caayho ka ciraramod a tatokian?
-
O Krisciyang hano o mihakelongay aca ko hararamod saan ko sowal no Fangcalay Cudad?
-
O maanan a cecay a lalangian ko mihaydaan no Fangcalay Cudad a milicinowas to raramod?
MALALITINGAY A LALAKAW
‘O Krisciyang aca ko hararamod’ sa i, o manan ko tatodong?
Nengnengen ko tolo a nalifetan, padama kitanan itini kalaˈolid ato kararamod citaneng ko pisaˈosi.
Malifetay no cecay faˈinayan salikaka, o nipafelian ni Yihofa cingranan ikakaay ko nika masaka limlaan to namisawadan ningra.
Ano masasieked to raramod anoca malicinowas i, haratengen ko manan a demak?
“Sasakaretengen ko Mipatirengan no Kawas a Limasmas no Mararamoday” (Mikecolay, Saka 12 Folad 2018)
a Nengnengen ko Saka 4 Sapatongal Lalakaw, cipinang ano cowa ko maˈaˈodangay i, o ngangaˈay ko mararamoday a masasieked.
b Itini i romaroma a serangawan, o wama wina ko patadoay to wawa mipiliˈ to hararamod. O maolahay to wawa a wama wina aisalakaten misinanot to maolahay kora tamdaw ci Yihofaan hokira, ao cowa ko cihafayay anoca iraay ko saaroˈan.
c Ano caayho ka raramod tateko saan kiso to roma tamdaw nohatini i, ano sakararamodaw kiso cingranan anca malaliyas hokira, ono tekedan a saˈosi konini.
