O sowal ni Yis i, o mikotoday cingranan a tamdaw ‘cowa kono hekalan.’ (Yohani 15:19) To sapidofdofaw tonini limoˈot, o papadadotoc kita misatenok to saaroˈan itini i mirikecay ato lalood a demakan. Nikawrira, mihaen to demak cowa ko madoloay. Alatek misatenok to saaroˈan kita mamasamsam no tao. Sasamaan kita padadotoc a misatenok ko saaroˈan, madimadi ci Yihofaan a Kawas hani?

1. Samaanay ko pinengneng no soˈlinay Krisciyang to sifo no tamdaw?

Misakangodoay ko Krisciyang to sifo no tamdaw, sowal ni Yis: ‘Ono ni Kaysa i, pafelien ci Kaysa.’ Mihaenay, o mamitengil kita to sapasifanaˈ ni Yis, midofdof to holic no itiraay, tinakoen o mamitoor kita to holic a mipasata. (Marko 12:17) Somowalay ko Fangcalay Cudad, saka ira no fadangalan no sifo no tamdaw a mikowan to kitakit i, samanen o mihayian ni Yihofa a pakayraan konini. (Loma 13:1) Mihaenay haw i, o cacipinang kita to citolasay ko fadangalan no sifo no tamdaw, cowa ko papakatoor to fadangalan ni Yihofa. Ihkalay mafanaˈ kita, edengan o Kawas ato mipatirengan i kakarayan a Hongti Kitakit Ningra, ngangaˈay misaysay to polong a pasangaray no hekal.

2. Sasamaan kita patalahkal to misatenokay a saaroˈan?

Matira kita ci Yisan caay pirienang to mirikecay a demak. Itini saka 1 hahekalan, maˈaraw no tamdaw ci Yis midemak to kafahkaan i, hato sapipatirengaw cingranan malo hongti i fafekang no sera, kawra milalangay ci Yis. (Yohani 6:15) Misamaanay hani? Itira tora ikor a sowal ningra mafanaˈay kita to caˈof. Sanay ko sowal ningra: ‘O Hongti Kitakit no mako, caay ko nonini a hekal.’ (Yohani 18:36) O nisawawaan ni Yis kita, itini maamaan a demakan misatenokay to saaroˈan kita. Tinakoen, caay pirienang to lalood kita. (ˈOsien ko Mika 4:3.) Soˈliˈlin misakangodoay kita to tatafing no kitakit, kawra cowa ko papasayra kita tonini tatafing a mitaˈong, samanen o mahaenay a waywayan mahecaday o midokoay a demak. (1 Yohani 5:21) Cowa ko mamidama kita, cowa ko mamisafelit to maamaan a yofayof anca o sasingkiwen a tamdaw. O pinapina aca tinakoan konini, ano itini masakenakenaay a pakayraan misatenok to saaroˈan kita i, patalahkalay to misarocoday kita madimadi to sifo no Kawas, oyanan a Hongti Kitakit Ningra.

 CALEPEN MIKADKAD

3. O soˈlinay Krisciyang misatenokay to saaroˈan

Ci Yis ato mikotoday cingranan a tamdaw patirengay to ngaˈayay taˈarawan ita. ˈOsien ko Loma 13:1, 5-7 ato 1 Pitiro 2:13, 14. Dotoc nengnengen ko IKA, ikor lengoen ko ilaenoay a salicay:

• Hano misakangodo kita to sifo no hekal?

• Itini masamaanay a pakayraan kita paihkal to midofdofay ko niyah to sifo?

Itini kalaloodan i, o romaroma kitakit misao misatenokay ko niyah to saaroˈan sanay, kawra midamaayho cangra to malalooday a demak. Ano hatiraay i, o soˈlinay misatenokay to saaroˈan hananay i, o manan ko tatodong hani? ˈOsien ko Yohani 17:16. Dotoc nengnengen ko IKA, ikor lengoen ko ilaenoay a salicay:

• O manan ko tatodong no misatenokay ko saaroˈan hananay hani?

O saali no sifo ano misafelitay to sarikec no Kawas i, mamisamaanto kita hani? ˈOsien ko Dmak 5:28, 29. Dotoc nengnengen ko IKA, ikor lengoen ko ilaenoay a salicay:

• O holic no kitakit ato sarikec no Kawas ano masasongtolay i, o cima ko dadadofdofen ita hani?

• Itini i masamaanay a pakayraan cowa ko mamidofdof ko Krisciyang to sifo no hekal, samaanay ko piharateng iso hani?

 4. Misatenokay a saaroˈan milingatay to harateng ato waywayan

ˈOsien ko 1 Yohani 5:21. Dotoc nengnengen ko IKA, ikor lengoen ko ilaenoay a salicay:

• Itini i ika, ci Ayong cowa pirienang to yofayof cowa pirienang to misaˈakawangay to kitakit a demak, ato mitaˈong to tatafing. Hano mihaen cingra misaˈosi hani?

• O harateng iso ora saˈosi ningra matatodongay han?

O maananho a pakayraan cowa ko mamadolo kita misatenok to saaroˈan? Nengnengen ko IKA, ikor lengoen ko ilaenoay a salicay:

• Itini pinengneng to malalifetay no kitakit a ontokay i, misamaan kita misatenok to saaroˈan hani?

• O saˈosi no maanan a yofayof ano mifiyoray to sakangaˈay no mita, misamaan kita padadotoc misatenok to saaroˈan hani?

• Nolatekay o sinfong ato nisowalan no i tatihiay a tamdaw, hano cowa ko mamadolo kita misatenok to saaroˈan?

 KALIMLAAN

O Krisciyang mamisaˈicel itini i harateng, sasowalen ato waywayan misatenok to saaroˈan.

Lomalen

• Sasamaan ko pinengneng iso to sifo no hekal?

• Hano padadotoc kita misatenok to saaroˈan?

• Itini i maanan a pakayraan, alatek cowa ko mamadolo padadotoc misatenok to saaroˈan?