SAKA 50 FEDENGAN

Samaanen Ngaˈ Ira ko Rahkeray a Paro no Lomaˈ?—Saka 2

播放

O wawa, o naitiniay ci Yihofaan a sapatelong. O harateng ni Yihofa to wama wina, songilaˈen a midimokos ko wawa, pakafanaˈho to wama wina to ngaˈayay hapakayraan. Pafelienho no Kawas ko wawa to roma a salimoˈot, wa ngaˈay cangra misaˈicel padama to hasakarahker no paro no lomaˈ.

1. Misaalian ni Yihofa ko wama wina, sasamaan ko demak hani?

Misaalian ni Yihofa ko wama wina a mikaolah ko wawa, micerid malacafay cangranan. Mahemekay Cingra to wama wina, midipot to wawa ho eca ka dokaˈ, hanaca sakadademaken ko safalod no Fangcalay Cudad, pakafanaˈ to wawa. (Taneng 1:8) O sowal no Fangcalay Cudad, o malo wamaay, dofdofen ko harateng ni Yihofa a mirikec to wawa, palahad cangranan mala tamdaw. (ˈOsien ko Ifiso 6:4.) Ano dofdofen no wama wina ko harateng no Kawas a palahad to wawa, cowa ka patoroden ko tao toniya masakalimalaan a ˈinorong, mihaen i, wa mahemek ko Kawas.

2. Misaalian ni Yihofa ko wawa, sasamaan ko demak hani?

Patalipaˈelalay ci Yihofa to wawa, ‘dofdofen ko wama wina.’ (ˈOsien ko Kolosay 3:20.) Mikangodo a mitengil ko wawa to wama wina, wa pakahemek ci Yihofaan ato wama wina. (Taneng 23:22-25) Kaemangho ci Yis patirengayto to fangcalay taˈarawan i wawa. Soˈlin o mafelotay a tamdaw cingra, kamayan mikangodo to wama wina, mitengeil to sowal nangra.—Luka 2:51, 52.

3. Paro no lomaˈ samaanen malacafay miingid to Kawas?

O wama wina, ano o wawa iso mahecad tisowanan a maolah ci Yihofaan i, wa mahemek kiso. Samaanen iso padama ko wawa hani? Sowal no Fangcalay Cudad i, sa tikotikolen a pakafanaˈ ko wawa to kimad ni Yihofa, ano maroˈ i lomaˈ, romakat i lalan, pakafanaˈento cangra. (Limoˈot 6:7) Mafanaˈay kita, sakafanaˈaw to wawa miharateng to cecay a demak, sa tikotikolen a patalipaˈelal cangra. O tatodong noniya sinael i, o wama wina ceriden a kalacafay ko wawa, milengo to demak ni Yihofa. O cecay a ngaˈayay pakayraan i, to cecay a lipay pairaen ko ceceay romiˈad, malacafay ko paro no lomaˈ a midoko to Kawas. Ano awato ko wawa namo i, wa ngaˈay kamo milimasmas to lipalipayan mikingkiw to Fangcalay Cudad.

CALEPEN MIKADKAD

Dotoc mamananam iso: O masamaanay a ngaˈayay hapakayraan, wa padama tisowanan a micowat to sakarahker no paro no lomaˈ, ho rihadayen cangra?

4. Tano olahen pakafanaˈ ko wawa

Nolatekay, pakafanaˈ to wawa cowa ko madoloay. Iraay ko manan ngaˈayay sapaini i Fangcalay Cudad han? ˈOsien ko Yakop 1:19, 20, ikor lengoen ko ilaenoay a salicay:

Samaanen no wama wina tano olah masasowal to wawa hani?
Maketer ko wama wina a mirikec to wawa, hano cowa ka ngaˈay hani? a

5. Dipoten ko wawa iso

Padamaen no wama wina ko cecacecay a wawa, kacipinang to madadiˈiay a demak, ngaˈ madipot cangra. Masasowal toniya demak, cowa ko madoloay, kawra, mihaen to demak o masakalimlaan. Nengnengen ko IKA, ikor lengoen ko ilaenoay a salicay:

IKA: Aka Papidokaˈen ko “Tatiihay Demak” to Wawa (2:58)

O roma wama wina malalengo to wawa to madadiˈiay a demak, hano cowa ko madoloay hani?
O roma wama wina samaanay malacafay to wawa, mitadtad to madadiˈiay a salicay hani?

Pairasolay ko Fangcalay Cudad, wa mangalef manglef ko nika riˈang noniya hekal ni Satan. ˈOsien ko 2 Timoti 3:1, 13, ikor lengoen ko ilaenoay a salicay:

Itini 13 sinael, ‘mariˈangay a tamdaw’ mahawpay kora miˈodangay to wawa a tamdaw. O wama wina misamaan pakafanaˈ to wawa to madadiˈiay a demak, pakafanaˈenho cangra to mamidipot to niyah?

Mafanaˈay kiso han?

Misangaˈan no Misawacayay Tamdaw ni Yihofa ko adihayay a lalakaw, papadama to wama wina pakafanaˈ to madadiˈiay a demak, ho madipot ko wawa eca ka maˈodang no tao. Mahawpay ko ilaenoay a lalakaw:

Sangaˈayen Midipot ko Wawa (ika)
Pasayra i Tadamaanay a Singsi Minanam, saka 10 ato 32 fedengan
“Pakafanaˈen ko Wawa to Madadiˈiay a Sifanaˈ” (Katalipaˈelal! Saka 5 Liyad 2016)

6. Kangodoen ko wama wina iso

Ano o wawa kiso, masasowal to wama wina i, sasamaan paihkal to mikangodoay ko niyah hani? Nengnengen ko IKA, ikor lengoen ko ilaenoay a salicay:

IKA: Samaanen Ako Ngaˈ, Ngaˈay ko Kasasowal to Wama Wina Hani? (2:19)

Misamaanay hano tano kangodoen a waywayan, masasowal to wama wina hani?
Ano masasowal to wama wina i, samaanay paihkal to mikangodoay hani?

ˈOsien ko Taneng 1:8, ikor lengoen ko ilaenoay a salicay:

Pakapatalipaˈelal ko wama wina to wawa i, samanen no wawa ko harateng hani?

7. Malacafay ko paro no lomaˈ a midoko ci Yihofaan

Paro no lomaˈ no Misawacayay Tamdaw ni Yihofa, to lipalipayan kinacecay malacafay a pidoko ci Yihofaan. Samaanay ko pakalomaˈay a pidoko hani? Nengnengen ko IKA, ikor lengoen ko ilaenoay a salicay:

IKA: Pakalomaˈay Pidoko—Pasangaray ato Milifokan (8:04)

Samaanen milimasmas ko masaˈosiay a toki malacafay ko paro no lomaˈ a midoko?
Sakahemekaw, sakaciepocaw ko pakalomaˈay a pidoko i, samaanen no wama wina ko demak hani?—Nengnengen ko i salakatay a sasing.
O manan a lalangian alatek mamiˈafad to pakalomaˈay a pidoko?

O lalitengan a Israil, misaalian ni Yihofa ko cecacecay paro no lomaˈ, micerid milengo to kimad no Kawas. ˈOsien ko Limoˈot 6:6, 7, ikor lengoen ko ilaenoay a salicay:

Samaanen iso misakadademak koniya safalod i kaˈorip hani?

Sapaini to pakalomaˈay a pidoko:

Misaday to lalakaw no saˈopo.
Miˈosi to kahemekan no paro no lomaˈ a maˈoningay no Fangcalay Cudad, dotoc lengoen.
Ano ira ko kaemangay a wawa, siyacayen, insacen ko salama no kaemangay wawa i jw.org wangcan.
Ano ira ko pakalongay, lengoen hena ko milingatay to kapah a lalakaw i jw.org wangcan.
Sa cohien ko tawcikel no Fangcalay Cudad, malacafay to wawa a mihalama.
Nengnengen ko ika itini i jw.org wangcan, ikor malacafay milengo to ilalomaˈay a lalakaw.

ANO IRA KO SOMOWALAY: “Sakacipinangaw to Fangcalay Cudad, pasangaran nanay ko wawa,” sanay.

Wa samaan ko caˈof iso?

KALIMLAAN

Misaalian ni Yihofa ko wama wina, ka olahen ko wawa, pakafanaˈen ko wawa, dipoten ko wawa. O wawa i, kangodoen ko wama wina, mitengil to sowal nangra. Ano malacecay ko paro no lomaˈ no Krisciyang a midoko Cingranan i, wa mahemek Cingra.

Lomalen

O wama wina sasamaan a pakafanaˈ ato midipot to wawa?
O wawa samaanen a mikangodo ko wama wina?
Lipalipayan ko paro no lomaˈ pairaen ko toki a midoko ci Yihofaan, o maanan ko epoc hani?

Pilahecian a romiˈad:

Patosokan

Licayen ko i kasakopangay a tamdaw, iraay ko manan ngaˈayay sapaini noka pidoko i paro no lomaˈ.

Romaroma a patosokan:

Your other goal