Itini kasakopang a Krisciyang, ci Yis, o Fongoh nangra. (Ifiso 5:23) Nohatini itiniay i kakarayan cingra mikayat to ‘madimadiay citanengay a koli’, mikerid to i fafekangay no sera a Krisciyang. (ˈOsien ko Matay 24:45.) Oniya koli o minilnilan ni Yis, cifadangalay cangra. Soˈliˈlin mahaen, oniya koli kamayan midofdof ci Kristoan, matayal saki salikaka ni Kristo. O cima koniya koli hani? Oniya koli samanay midimokos kitaanan hani?

1. O cima ko ‘madimadiay citanengay a koli’?

Mikitiyaho tahanini, sakadademakan ni Yihofa ko cecay faˈinayan ato mimingay ˈopo a faˈinayan mikayat to finawlan Ningra. (Malaki 2:7; Hipray 1:1) Mapatay ci Yis ikor, tarokos ato malohemay malitengay i Yirusalim, ciˈinorongay mikerid to kasakopang. (Dmak 15:2) Mahecaday, iraay anini ko mimingay ˈopo a malohemay malitengay, pakayni cihaleday a kakaenen no pakasoˈlinay falocoˈ, pafeli to finawlan no Kawas, mikayat to mitosilay a demak. Cangra i, o Malohemay Malitengay i Congpo no Misawacayay Tamdaw ni Yihofa. Oniya mimingay ˈopo a malohemay malitengay, o manilnilay ni Yis a ‘madimadiay citanengay a koli.’ (Matay 24:45a) O Malohemay Malitengay i Congpo a salikaka, sahtoay manilnilay no fangcalay saocor no Kawas a Krisciyang. Ano mapatay cangra ikor wa tayra i kakarayan, halamhamay malacafay ci Kristoan, mala hongti i Hongti Kitakit no Kawas.

2. O masamaanay a kakaenen ko mihadakan no madimadiay citanengay a koli hani?

O sowal ni Yis, madimadiay citanengay a koli wa ‘itini i matatodongay a toki pafeli to kakaenen to Krisciyang.’ (Matay 24:45b) O manan koniya “kakaenen” hani? Tatodong i, misalalangiay to kimad no Kawas mihadakan a sapasifanaˈ. Mahecaday to cihaleday a kakaenen patanoktokay to tireng ita, o sapafeli no madimadiay citanengay a koli a kakaenen, papaˈicel kitaanan, ho padama kitaanan madimadi to Kawas, hanaca midemak to sapatorod ni Yis kitaanan a tayal. (1 Timoti 4:6) Icowa kita milifok to hatiniay a kakaenen? Itini i kasaˈopoan, pitaykayan ato pakayni i Fangcalay Cudad a mitepangan a tilid ato ika. Oniya lalakaw papadama kitaanan cipinang to araaw no Kawas, matongal ko kalalaˈed no niyah ato Kawas.

 CALEPEN MIKADKAD

3. Malosimetay malacecay ko finawlan ni Yihofa

Itini sakayat ni Yis, Malohemay Malitengay i Congpo milimasmasay to masakenakenaay a tayal no Misawacayay Tamdaw ni Yihofa. Mahecad to saka 1 hahekalan a limasmas no Krisciyang. Nengnengen ko IKA.

ˈOsien ko 1 Korinto 14:33, 40, ikor lengoen ko ilaenoay a salicay:

• Misamaan kiso mikitini toniya tosa sinael, mihapinang to harateng ni Yihofa malosimet a malacecay ko Misawacayay Tamdaw Ningra hani?

4. Madimadiay citanengay a koli milimasmasay to mitosilay a tayal

O masakalimlaan a tayal no Krisciyang itini saka 1 hahekalan, o mitosilay. ˈOsien ko Dmak 8:14, 25, ikor lengoen ko ilaenoay a salicay:

• Isalakatay a mitosilay tayal no Krisciyang, o cima ko mikeriday?

• Paykayni sakayat no tarokos samaanay ko harateng ni Pitiro aci Yohani?

Itini i pilimasmas to tayal no Malohemay Malitengay i Congpo, sakakaay i, o mitosilay a tayal. Nengnengen ko IKA.

 Tada kalimlaan ko mitosilay sanay ci Yis. ˈOsien ko Marko 13:10, ikor lengoen ko ilaenoay a salicay:

• Misamanay hano misaˈareteng a minengneng ko Malohemay Malitengay i Congpo to mitosilay a tayal?

• Misamaanay hano misaali kita to ‘madimadiay citanengay a koli’ milosimet malacecay ko mitosilay a tayal i paro no kakarayan hani?

5. Mihadakay ko madimadiay a koli to sakayat

O Malohemay Malitengay i Congpo mihadakay to ihkalay a sakayat i paro no kakarayan a Krisciyang. Samaanay ko pisaˈosi nangra hani? Nengnengen misamaanay ko demak no saka 1 hahekalan a malohemay malitengay i Yirusalim. ˈOsien ko Dmak 15:1, 2, ikor lengoen ko ilaenoay a salicay:

• Isalakatay a Krisciyang pakayni manan a demakan a malacongis?

• Sapisaysayaw to lacongis, ci Pawlo Parnapas ato roma tamdaw misaaliay to nima a sapadama?

ˈOsien ko Dmak 15:12-18, 23-29, ikor lengoen ko ilaenoay a salicay:

• Sapilifokaw to sakayat no Kawas i, itiyaay a malohemay malitengay i Yirusalim ˈayaw no misaˈosi i, samaanay ko demak?​—Nengnengen ko 12, 15, ato 28 sinael.

ˈOsien ko Dmak 15:30, 31 ato 16:4, 5, ikor lengoen ko ilaenoay a salicay:

• Salakatay a Krisciyang samaanay ko harateng to sakayat no malohemay malitengay i Yirusalim?

• Maˈaraw ko Krisciyang midofdofay to sakayat, samanay ko sapalemed ni Yihofa cangranan?

ˈOsien ko 2 Timoti 3:16 ato Yakop 1:5, ikor lengoen ko ilaenoay a salicay:

• Anini, ˈayaw no mamisaˈosi ko Malohemay Malitengay i Congpo i, samanay cangra micangacang to sakayat no Kawas hani?

 KALIMLAAN

Ci Yis minilnilay to Malohemay Malitengay i Congpo a ‘madimadiay citanengay a koli’, ciˈinorongay mihadak to sakayat cihaleday kakaenen no pakasoˈlinay falocoˈ i paro no kakarayan a Krisciyang.

Lomalen

• ‘Madimadiay citanengay a koli’, o cima ko minilnilay?

• Samaanay midimokos kitaanan ko Malohemay Malitengay i Congpo?

• Pakasoˈlinay kiso to Malohemay Malitengay i Congpo o ‘madimadiay citanengay a koli’ han?