SAKA 55 FEDENGAN
Midama to Kasakopang no Miso
Misawacayay Tamdaw ni Yihofa adihayay ko kasakopang i paro no kakarayan, lipahakay cangra malacafay midoko to Kawas. Mahemekayho cangra micada to sapasifanaˈ i kasakopang, tawlikho a midama to kasakopang. Mahecaday ko harateng iso cangranan han?
1. Sasamaan kiso misakadademak to toki ato ˈicel, midama to kasakopang?
Kita maemin wa ngaˈay pasadak to ˈicel no niyah midama to kasakopang. I kasakopang iso iraay ko matoˈasay masamoˈay a tamdaw han? Alatek ngaˈayay padamaen iso cangra mirienang to saˈopo, anca i romaroma pakayraan padama cangranan, tinakoen padama miˈaca to dafong anca micingkiyat to lomaˈ nangra. (ˈOsien ko Yakop 1:27.) O roma i, ngaˈayay kiso miasik micingkiyat to kasakopang. Soˈlin cowa ka pacieci ko tao kitaanan a midemak, kawra ano maolahay kita to Kawas ato salikaka i, “wa mihayi patafang to niyah,” midama to kasakopang.—ˈOlic 110:3.
O micadaayto to paputisem a salikaka adihayay ko hapakayraan nangra midama to kasakopang. O faˈinayan salikaka i, ano matatodongto to palinian no Fangcalay Cudad, wa ngaˈay malo padamaay sikawdan ato malohemay malitengay. Ano faˈinayan fafahiyanto a salikaka, ngaˈayay malo misakafahay misarocod to ˈicel, midama to mitosilay. O roma salikaka midamaay to patirengay to pidokoan a kitiraan. O roma salikaka i, ano ira ko saali no romaroma kasakopang, malinahay cangra tayra a padama.
2. Sasamaan kita misaka dademak to payci midama to kasakopang?
Wa ngaˈay kita ‘tano kalimlaan no niyah a hafay midoko ci Yihofaan.’ (Taneng 3:9) Wa ngaˈay tano paycien ato hafay midama to kasakopang ato mitosilay a tayal i paro no kakarayan, o kalikoan no mita konini. (ˈOsien ko 2 Korinto 9:7.) O sapakiyaho ita wa ngaˈay sapipadama to tahapadesay. ˈAlomanay salikaka misaˈosiayto to folafoladan ‘mihadak to payci’ a pakiyaho. (ˈOsien ko 1 Korinto 16:2.) Wa ngaˈay kita itini i kasakopang, pitaykayan pakiyaho to payci, anca itini donate.pr418.com a wangcan a pakiyaho. Pafeliay ci Yihofa kitaanan to hapakayraan paihkal to olah Cingranan. Mansa ano sangaˈayen misaka dademak ko payci no niyah i, paihkalay to maolahay kita ci Yihofaan.
CALEPEN MIKADKAD
Dotoc mamananam iso: Wa ngaˈay kiso tano manan a pakayraan midama to kasakopang hani?
3. Sangaˈayen misakadademak ko payci
Maolahay ci Yihofa aci Yis kitaanan mahemek a pakiyaho. O cecay romiˈad, pakahemekay ko sowal ni Yis to cecay a maponengay. Soˈlin manikaway cingra tawlikay a pakiyaho. ˈOsien ko Luka 21:1-4, ikor lengoen ko ilaenoay a salicay:
-
Adihay ko sapakiyaho ngaˈ pakahemek ci Yihofaan han?
-
Nai falocoˈ a makalim pakiyaho, sasamaan ko harateng ni Yihofa aci Yis hani?
Nengnengen samaanan misaka dademak ko sapakiyaho ita. Nengnengen ko IKA, ikor lengoen ko ilaenoay a salicay:
-
O sapakiyaho ita misamaanay midama to kasakopang i paro no kakarayan?
4. Mihadak to sapadama
Itini nolitengan midokoay ci Yihofaan a tamdaw, malacafayay cangra midimokos to pidokoan a kitiraan nangra. Cowa ko pakiyahoay aca, samaanayho ko demak hani? ˈOsien ko 2 Rayray 34:9-11, ikor lengoen ko ilaenoay a salicay:
-
Samaanay ko Israil tamdaw pakayni fangcalay sefi ni Yihofa, mihadak to ˈicel no niyah hani?
Nengnengen hena, o Misawacayay Tamdaw ni Yihofa samaanay pahecad to nolitengan Israil a tamdaw, maolah midimokos to pidokoan a kitiraan nangra. Nengnengen ko IKA, ikor lengoen ko ilaenoay a salicay:
-
Wa misamaan kita misongilaˈ misafaeloh midimokos to Hongti Kitakit a kasaˈopoan, hanaca mikorac a misakapah?
-
Wa misamaan ko demak no miso hani?
5. Saˈicelen no faˈinayan salikaka patatodong to palinian a ciˈinorong
Palimoˈotay ko Fangcalay Cudad to faˈinayan a salikaka, sarocoden a misaˈicel, midama to kasakopang. Nengnengen ko cecay nalifetan no faˈinayan salikaka. Nengnengen ko IKA, ikor lengoen ko ilaenoay a salicay:
-
Salikaka ci Ruyan samaanay mitongal to tayal i kasakopang?
Somowalay ko Fangcalay Cudad, saka citatodongaw ko faˈinayan salikaka malo padamaay a sikawdan anca malohemay malitengay, iraay ko manan a palinian hani? ˈOsien ko 1 Timoti 3:1-13, ikor lengoen ko ilaenoay a salicay:
-
Saka citatodongaw ko faˈinayan salikaka malo padamaay a sikawdan anca malohemay malitengay, iraay ko manan a palinian hani?
-
Masamaanay ko paro no lomaˈ nangra hani?—Nengnengen ko saka 4 ato 11 sinael.
-
O faˈinayan salikaka misaˈicel patatodong toniya palinian, o manan ko macadaay a epoc no kasakopang a salikaka?
ANO IRA KO SOMOWALAY: “O payci no Misawacayay Tamdaw ni Yihofa naicowaay ira hani?”
-
Wa samaan ko caˈof iso?
KALIMLAAN
Misaˈicel kita misaka dademak to toki ˈicel ato hafay no niyah, midama to kasakopang, wa mahemek ci Yihofa.
Lomalen
-
Sasamaan kita misaka dademak to toki ato ˈicel midama to kasakopang?
-
Sasamaan kita misaka dademak to hafay midama to kasakopang?
-
Wa misamaan kiso midama to kasakopang hani?
MALALITINGAY A LALAKAW
Misamaanay hano cowato pisaali ko Kawas to midokoay Cingranan a tamdaw to cecay no moetep a sapakiyaho?
“Pakayni i Cecay no Moetep a Sapakiyaho, Mansanay ko Fangcalay Cudad Hani?” (Lalakaw no Wangcan)
Nolatekay, o fafahiyan salikaka mamitamorong to ˈinorong no faˈinayan salikaka i kasakopang. Sasinanoten cangra ko maanan hani?
“Micalep a Cipinang to Kakeridan a Limasmas no Kasakopang” (Mikecolay, Saka 2 Folad 2021)
Cowa ka talaw to roray ko romaroma Misawacayay Tamdaw ni Yihofa, miwonpang to tilid no Fangcalay Cudad patayra i lomaˈ no salikaka. Nengnengen ko nalifetan nangra.
Misamaanay ira ko payci no mita? Icowaay ko kasasiroma to kalo a pidoyongan?
“O Payci no Misawacayay Tamdaw ni Yihofa Naicowaay Hani?” (Lalakaw no wangcan)
