Padamaen ko mitengilay papikinsa to niyahan. Tano salicayen padama ko mitengilay mikinsa to niyahan ato cipinang to falocoˈ no niyah.

Kowaden ko ciolahay a falocoˈ. Papifolfolen ko mitengilay to misahalakaan no falocoˈ no niyah. Padamaen cangra palahad to ngaˈayay halaka no falocoˈ a maolah ci Yihofaan, maolah to tao, maolah to minanaman a kimad no Kawas. Aka o mirikecay ko sowal, tano Fangcalay Cudad a mitadtad. Aka pakangodoen cangra, pakowaden cangra i pihererekan no kimad to mamangaˈayto ko pidemak nangra.

Kayaten ko tamdaw papisinanot to capeling ni Yihofa. Patalahkalen ko makapahay capeling ni Yihofa itini sifanaˈ no Fangcalay Cudad, safalod, sarikec ato olah Ningra. Pakalaloken cangra misinanot to harateng, falocoˈ ni ­Yihofa, papisaˈicelen a pakahemek to Kawas.