Tano papasoˈlinen a lalakaw. Ano somowal to masakalimlaan i, salalangien ko Fangcalay ­Cudad, ano ngangaˈay i, ˈosien ko sinael. Ano somowal tono hakasi a mikingkiwan, safanaˈ no sinpong, milifetan no tamdaw i, hapinangen o matatodongay konini a lalakaw, hanaca o safaelohay a lalakaw.

Patatodongen sakadademak ko sapatiriˈ a ­lalakaw. Sinanoten ko fafekangay laenoay ­sowal a mitadtad to sinael, matama ko kimad no Fangcalay Cudad, mahecad to nitepangan cudad no ‘madimadiay citanengay koli.’ (Matay 24:45) Ano misakadademak tono papotalay a lalakaw i, aka mifalic to tatodong no ­sowal nora tamdaw.

Ano sakadademak to lalakaw i, tadtaden a mifolfol. Ikor no piˈosi to sinael ato sapatiriˈ lalakaw i, tongalen mitadtad anoca licayen, hongaˈ matama ko sapateloc a sowal.