SAKA 10
Misamaan Kiso Mihapinang to Soˈlinay a Pihakelongan?
1. O soˈlinay a pihakelongan cecayay aca han?
‘Pinaˈon kamo to makaniway a pairasolay.’ —MATAY 7:15.
Pasifanaˈay ci Yis to nisawawaan, cecayay aca ko soˈlinay a pihakelongan, sanay. O soˈlinay pihakelongan matiraay o lalan sakatayra i midaˈocay a ˈorip. Sowal ni Yis i, cowa ka ˈaloman ko pakatamaay tonini a lalan sanay. (Matay 7: 14) Edengan oya midoedoay to Fangcalay Cudad a mihakelongay ko micadaan no Kawas. O misasoˈlinay midoko to Kawas a tamdaw malacecayay cangra i cecay a pihakelongan.—ˈOsien ko Yohani 4:23, 24; 14:6; Ifiso 4:4, 5.
Nengnengen ko ika O Kawas Micadaay to Kalo a Pidoyongan Han?
2. Samaanay somowal ci Yis to makaniway Krisciyang?
‘Misao mafanaˈay to Kawas cangra, ˈarawhan misafelitay Cingranan ko waywayan nangra.’—TITUS 1:16.
Somowalay ci Yis, o aira ko tamdaw pasifanaˈ to mararaway a kimad, minahol to soˈlinay Krisciyang, sanay. Nengnengen ko papotal nangra, mahecaday o soˈlinay Krisciyang, o mitooray kami ci Kristoan sanay ko kiyokay nangra. Nikawrira, ngaˈayay kiso misaˈosi to soˈlinay Krisciyang cangra hokira. Misamaan kiso misaˈosi hani? O mitooray to soˈlinay pihakelongan i, mahapinangay ko ngaˈayay capeling ato ngaˈayay waywayan, paihkal to soˈlinay a Krisciyang cangra.—ˈOsien ko Matay 7:13-23.
3. Misamaan kiso mihapinang to soˈlinay Krisciyang hani?
Limaay ko tahapinangan:
-
Misakaretengay to Fangcalay Cudad. Kiemelay cangra midoedo to safalod no Fangcalay Cudad a maˈorip. O soˈlinay pihakelongan cowa ka pisalalangian to sapasifanaˈ no tamdaw. (Matay 15:7-9) O soˈlinay Krisciyang mitooran nangra ko sowal nangra a dademak.—ˈOsien ko Yohani 17:17; 2 Timoti 3:16, 17.
-
Paˈodingaray to ngangan no Kawas, ci Yihofa. Paˈodingaray ci Yis to ngangan no Kawas, pasifanaˈay to tamdaw mafanaˈ to o masamaanay a Kawas ci Yihofa, ato pasifanaˈay a papitolon to sakafangcalaw no ngangan no Kawas. (Matay 6:9) Itini kitiraan iso, o manan a pihakelongan ko mihaenay to demak hani?—ˈOsien ko Yohani 17:26; Loma 10:13, 14.
-
Mitenakay to Hongti Kitakit no Kawas. Ocoran no Kawas ci Yis tayni i sera a mitenak to ngaˈayay lihaf no Hongti Kitakit no Kawas, pasowal to edengan o Hongti Kitakit ko hatokel no tamdamdaw. Misaˈicelay ci Yis mitenak tonini ngaˈayay lihaf, tangasa i kapatayan ningra. (Luka 4:43; 8:1; 23:42, 43) O sowal ni Yis i, o nisawawaan ningra, o mamitenak to Hongti Kitakit no Kawas. Ano ira ko pasowalay tisowanan to Hongti Kitakit no Kawas i, o manan a pihakelongan cangra wa saan kiso a miharateng han?—ˈOsien ko Matay 24:14.
-
Cowa ka picapid toniya mariˈangay a hekal. O soˈlinay Krisciyang cowa picapid to mirikecay demak noniya hekal ato lacongis nangra. (Yohani 17:16; 18:36) Cowa pikihatiya to hekal a tamdaw tatiih ko waywayan ato pakayraan nangra.—ˈOsien ko Yakop 4:4.
-
Mikiriwiˈay cangra a masasiolah. Naitini i Fangcalay Cudad, minanamay ko soˈlinay Krisciyang a misakareteng to polong a finacadan. ˈArawhan i, o mararaway pihakelongan marariday a midama to kalalood no kasakitakit, kawrira, o soˈlinay Krisciyang cowa ka pihaen to demak. (Mika 4:1-3) Nawhani, cowa ka ˈidi cangra mihadak to toki, to payci, to ˈicel nangra mipadang ato mikowad to tamdaw.—ˈOsien ko Yohani 13:34, 35; 1 Yohani 4:20.
4. Mahapinangay iso ko soˈlinay pihakelongan han?
O icowaay a pihakelongan misaheciay a midoedo to Kimad no Kawas, paˈodingar to ngangan no Kawas, pasowal to tamdaw o Hongti Kitakit no Kawas edengan a hatokel no tamdamdaw hani? O icowaay a pihakelongan masasiolahay a macacada cangra, cowa picapid to lalood hani? Samaanay ko harateng no miso?—ˈOsien ko 1 Yohani 3:10-12.
