SAKA 11
Safalod no Fangcalay Cudad Samaanay Padama Kitanan?
1. Misamaanay hano misaali to sakayat kita?
O safalod no Fangcalay Cudad samaanay papinaˈon to katalawan? —ˈOLIC 36:9.
Misangaˈay a Tatapangan ikakaay ko nika citaneng i kitaanan. O manonoˈay a Wama Cingra, tada ciharatengay kitaanan. Misaaliay to mamitengil kita to sowal Ningra, ao cowa ko sao haratengay saan kita to demak. (Yirimiya 10:23) Matira o wawa misaaliay to sakayat no wama wina, ano itato misaaliay to sakayat no Kawas. (Isaya 48:17, 18) Safalod no Fangcalay Cudad mikayatay to kaˈorip no mita, o sapatelong no Kawas koni.—ˈOsien ko 2 Timoti 3:16.
O sarikec ato safalod ni Yihofa, o sangaˈayay a sakayat kitaanan, pakafanaˈ kitaanan misamaan ngaˈ tahadaˈoc ko ˈorip noikor. Kita o nisangaˈan no Kawas, mankora o aakoˈiden Cingra, mitengil to sakayat Ningra.—ˈOsien ko ˈOlic 19:7, 11; Paˈarawan 4:11.
2. O manan ko safalod no Fangcalay Cudad hananay hani?
O safalod no Fangcalay Cudad hananay i, o taˈeneran a kimad no Fangcalay Cudad. O safalod ato sarikec cowa ka hecad, o sarikec hananay i, latekay itiniay aca maanan a pakayraan a kalasaka dademaken. (Limoˈot 22:8) Ira ko taneng ita miharateng ngaˈ, mafanaˈay ano hacowa a kalasaka dademak to safalod no Fangcalay Cudad. (Taneng 2:10-12) Patinakoen ko sowal, o sapatelong no Kawas ko ˈorip sanay ko Fangcalay Cudad. Ano cipinangay tonini safalod i, ano itinito i lomaˈ, i katayalan, anca parakat to paliding, mamisinanot kita ko katalawan.—ˈOsien ko Dmak 17:28.
3. O manan a tosa safalod no Fangcalay Cudad, tada masaka limlaan?
Somowalay ci Yis to tosa tada masaka limlaan a safalod. Sakacecay i, kafanaˈ to Kawas, Taneng 3:6) Ano paifalocoˈen koni safalod, wa ngaˈay malawidang no Kawas, milifok to soˈlinay lipahak, tahadaˈoc a maˈorip.—ˈOsien ko Matay 22:36-38.
maolah Cingranan, madimadi a midoko Cingranan, onini ko patosokan no kaˈorip ita. Ano misaˈosi to demak, sinanoten koniya safalod. (Sakatosa i, maolah to tao. Ano mihaen, wa ngaˈay ko kalalaˈed ato tao. (1 Korinto 13:4-7) Ano sapitooraw toni sakatosa a safalod i, todongen ko Kawas a micada to tamdaw.—ˈOsien ko Matay 7:12; 22:39, 40.
4. Safalod no Fangcalay Cudad iraay ko manan epoc kitanan?
O paro no lomaˈ, ano kalasaka dademaken ko safalod no Fangcalay Cudad i, o mamasasiolah makakedec cangra. (Kolosay 3:12-14) O Kimad no Kawas pasifanaˈay, o raramod o midaˈocay a noka lalaˈed, oniya safalod midipotay to paro no lomaˈ.—ˈOsien ko Satapangan 2:24.
Ano tooren ita ko sapasifanaˈ no Fangcalay Cudad i, itini nopaycian ato nofalocoˈan, iraay ko pidipot nira. Patinakoen, ano caka pisamangah, malalok a matayal kita i, o mamahemek ko tawki no tayal. (Taneng 10:4, 26; Hipray 13:18) O roma i, pasifanaˈay ko Fangcalay Cudad, ano iraho ko sakaˈorip marenecento sanay, malawidang no Kawas ikakaayho to dafong ko nika masaka limlaan.—ˈOsien ko Matay 6:24, 25, 33; 1 Timoti 6:8-10.
Ano kalasaka dademaken ko safalod no Fangcalay Cudad, mamadipot to saka tanoktok no tireng. (Taneng 14:30; 22:24, 25) Patinakoen, ngaˈayay komaen to epah sanay ci Yihofa, kawra cowa ka ngaˈay pakinali. (ˈOlic 104:15; 1 Korinto 6:10) Ano doedoen ita konini safalod, caayto ko caciadada to karetengay adada anca talifahal sa mapatay to nika pakidem komaen to epah. (Taneng 23:20) O safalod no Kawas patalipaˈelalay kitanan, papisinanot to waywayan, midipot to harateng, mankora tada ciepocay kitanan. (ˈOlic 119:97-100) Nikawrira, misakareteng ko Krisciyang to palinian no Kawas, cowa ko sakangaˈay aca no niyah, kalimlaan i, o sapaˈodingaraw ci Yihofaan.—ˈOsien ko Matay 5:14-16.