Saka 3 Fedengan
Samaanay ko ˈOrip Itini i Lakoing?
Pafelian ni Yihofa ci Atam aci Ifa to adihayay fangcalay a dafong. Satapangan 1:28
Nisangaˈan ni Yihofa ko sakacecay a fafahiyan ci Ifa, malo fafahi ni Atam. —Satapangan 2:21, 22.
Pafelian ni Yihofa cangra to malefotay a ponoˈ ato tireng, awaay ko dangoc.
Ci Atam aci Ifa itiniay i Itin a palosayan ko aroˈ —Tada makapahay a lakoing, itira iraay ko ˈalo, ciheciay a kilang ato ˈaˈadopen.
Saka sasowalan ni Yihofa cangra, pakafanaˈ cangraan. Ano mitengil a mihakelong to Kawas cangra, o ngangaˈay a tahadaˈoc a maˈorip, itini tora iseraay a lakoing.
Pasowalay ko Kawas o heci no cecay a kilang, cowa ka ngaˈay a kaenen. Satapangan 2:16, 17
Papisinanotan ni Yihofa ci Atam aci Ifa to cecay ciheciay a kilang, pasowal i cangraan, ano komaen cangra to heci noni kilang, o mamapatay cangra.
O cecay a coyoh micoliay to Kawas. Oniya mala tatiihayto a coyoh oyaan ci Akoma Satan.
Ci Satan cowa ka hemek, mitengil a mihakelong ci Atam aci Ifa ci Yihofaan. Oraanto kalasaka dademakan ko cecay a ˈoner pasowal ci Ifaan, ano komaen cingra tora heci no kilang, cowa ko mamapatay, hanaca o mamahecad to Kawas cangra sanay. O kadaw koni. —Satapangan 3:1-5.
