Saka 11 Fedengan
Ci Yihofa Mamitengil to Satolon Ita Han?
Mitengilan no Kawas ko satolon ita. 1 Pitiro 3:12
Ci Yihofa o mitengilay to satolon a Tatapangan. (ˈOlic 65:2) Mahemekay Cingra ano pasowalen ita to soˈlin naifalocoˈay a sowal i Cingraan.
Pasayni ci Yihofaan a mitolon, aka pasayra i romaroma kawas mitolon.
Ngaˈayay mitolon kita to pakayniay i maamaan a demak. 1 Yohani 5:14
Ngaˈayay kiso micangacang to nika laˈosi no araaw no Kawas, itini i kakarayan ato itini i sera.
Pakaynien i ngangan ni Yis mitolon, patahekal to nika piakoˈid iso i cingraan to nidemakan ningra to saki tisowanan.
Ngaˈayay kiso micangacang ci Yihofaan paˈicel kisowan midemak to matatodongay demak. Ngaˈayay micangacang Cingraan pafeli tisowan to kakaenen, katayalan, pikilomaˈan, rikoˈ, saka tanoktok no tireng.
