Saka 6 Fedengan
Mamaasip Ita ko Maan Sapasifanaˈ Nai Taˈangayay a Lenlen?
Palaˈafoan no Kawas ko tatiihay tamdaw, paˈorip to paro no lomaˈ ni Nowa. Satapangan 7:11, 12, 23
Matefaday ko taˈangayay lenlen to 40 romiˈad ato 40 dadaya, polong no sera manawnaway no nanom. Mapatayay maemin ko tatiihay tamdaw.
Oya micoliay to Kawas a tatiihay coyoh, mifalahan ko nohecian a tireng, itiya misatapang malo mariˈangay kaloykoy cangra.
Oya ilalomaˈay no tamina a tamdaw milakowitay to lenlen, maˈoripay cangra. Soˈlin ci Nowa ato paro no lomaˈ saikor mapatayayto, kawra, o papatikoren no Kawas a paˈorip cangra, iraay ko hatokel nangra tahadaˈoc a maˈorip.
Mamiliyaw ko Kawas palaˈafo to tatiihay tamdaw, milidong to ngaˈayay tamdaw. Matay 24:37-39
Ci Satan ato mariˈangay kaloykoy padotocay milipalaw to tamdaw.
Matira i lintad ni Nowa, anini o ˈalomanay tamdaw caay ka kahi mitengil to cisidaˈitay a sapalimoˈot ni Yihofa. Mangataayto papalaˈafoen ni Yihofa ko tatiihay tamdaw maemin. —2 Pitiro 2:5, 6.
O roma tamdaw matiraay ci Nowaan. Mitengilay a mihakelong to Kawas cangra, midoedo to sapalimoˈot Ningra a midemak. O Misawacayay Tamdaw ni Yihofa cangra.
