Saka 5 Fedengan
Taˈangayay Lenlen a Saparikec—Cima ko Mitengilay? Cima Caay Pitengil?
Itini lintad ni Nowa, ˈalomanay tamdaw midemakay to tatiihay demak. Satapangan 6:5
Ci Atam aci Ifa mihofoc to wawa, ˈaloman ˈalomanto ko tamdaw i sera. Ikor iraay ko romaroma coyoh, mihakelongay ci Satanan a micoli to Kawas.
Tayniay i sera cangra, mala tamdaway, cifafahi to fafahiyan no tamdaw. O nihofocan nora fafahiyan malo tataˈangay a tamdaw, taˈakayay ko ˈicel, mariˈangay ko pinangan.
Itiya, icowacowa matenakay ko tatiihay tamdaw, tatiihay a demak. Saan ko sowal no Fangcalay Cudad: Maˈaraw ni Yihofa ko nika adihay no tatiihay demak no tamdaw, saheto o tatiihay ko niharatengan to romiˈamiˈad.
Satapangan 6:13, 14, 18, 19, 22
Mitengilay a mihakelong to Kawas ci Nowa, misangaˈ to tamina.Ci Nowa, o ngaˈayay a tamdaw. Pasowalan ni Yihofa ci Nowa, tano taˈangayay lenlen a mipalaˈafo to tatiihay tamdaw Cingra.
Ocoren no Kawas ci Nowa, papisangaˈ to cecay taˈangayay a tamina, papipacomoden ci Nowa to paro no lomaˈ ato kahirahira a ˈaˈadopen ilalomaˈ no tamina.
Aira ko Taˈangayay Lenlen, han ni Nowa parikec ko tamdaw, kawra, cowa pitengil ko tamdaw. O roma tamdaw matawaay i cingraan, o roma mikaˈintehay i cingraan.
Maherekto masangaˈ ko tamina, pacomodanto ni Nowa ko ˈaˈadopen.