Ci Yosif no Arimatiya Timoloay Patahekal to Saaroˈan
CI YOSIF NO ARIMATIYA cowa ka harateng to sakiemel sa to falocoˈ cingra, tayra i mikomoday tapang ci Pontius Pilatoan. Songilaˈen mitadem ko tireng ni Yis saan ko falocoˈ. Saˈayaw mihaydaho ci Pilato wangaˈ, kawra o koˈesitay a tamdaw ci Pilato. Soˈlin hatira, cowa ka tada pasangar a saalien cingra. Na misowalanto no tapang no sofitay to mapatayayto ci Yis, saka hayda sato to saali ni Yosif. Mararomay ko falocoˈ ni Yosif, comikay tayra kapatayan ni Yis.—Marko 15:42-45.
-
Cima kora ci Yosif no Arimatiya hani?
-
Samaanay ko kalalaˈed ningra aci Yis hani?
-
O manan ko mamananam iso nai nalifetan ningra hani?
O LOMAOCAY A TAMDAW
O Lomaocay hananay o sakakaay a hoing ato mirikecay lekakawa no Yutaya, “o tadamaanay a lomaocay” tamdaw ci Yosif sanay ko sowal no Marko. (Marko 15:1, 43) Mahapinangay itini, o masowalay ko ngangan a kakeridan no Yutaya ci Yosif, mankora ngaˈay a masasoˈaraw to mikowanay no Loma. O cihafahay a tamdaw ci Yosif.—Matay 27:57.
Iraay ko timolo iso mihayi to o hongti iso ci Yis han?
O ˈalomanay a Lomaocay tamdaw, tada ˈintehay ci Yisan, mihalakaay to sapipatayaw ci Yisan. Ci Yosif, cowa ka hatira, “o ngaˈayay o moecelay ko falocoˈ a tamdaw cingra.” (Luka 23:50) Moecelay ko falocoˈ ni Yosif, makoracay ko waywayan, kiemelay a mitoor to limoˈot no Kawas, o sowal no sinael, “o hinatalaay cingra to pikowan no Kawas,” sanay. (Marko 15:43; Matay 27:57) Mangalayay ko falocoˈ ni Yosif to soˈlinay kimad ato moecelay demak, masolot no mitosilan ni Yis a lihaf, mankora malo nisawawaan ni Yis cingra.
PAKALIMELIMEK SA MITOOR CI YISAN
O sowal i Yohani 19:38 sanay: “O mitooray cingra ci Yisan. Nikawrira, matalaw cingra to kakerikeridan no Yutaya a tamdaw saka, pakalimelimek sa ko nipitoor ningra.” Matalaway ci Yosif to Yutaya tamdaw, samanen malikafay ci Yisan cangra, hanaca, misaˈicelay a milaplap to polong mitooray ci Yisan a tamdaw, pasadak nai kasaˈopoan a lomaˈ no Yutaya. (Yohani 7:45-49; 9:22) Ano, malaplap ko tamdaw mapasadak nai kasaˈopoan no Yutaya i, paihekalay to miepecan mifalah no finawlan no Yutaya cangra. Matalaway ci Yosif malahedaw ko saaroˈan saka, cowa ka i kaˈayaw no ˈalomanay a mihayi to nisawawaan ni Yis ko niyah.
ˈAlomanay ko mahaenay ci Yosifan, sanay ko sowal i Yohani 12:42: “ˈAloman ko pasoˈlinay ci Yisan a kakeridan nangra. Nikawrira, matalaw cangra to Farisay a tamdaw saka, caay patalahekal cangra tonini a demak. Onini i, o talaw nangra to sakalaplapaw nai kasaˈopoan a lomaˈ.” O roma a tamdaw no Lomaocay ci Nikotimus, matalaway ko falocoˈ ningra, caka timolo a mihayi to o mitooray ci Yisan.—Yohani 3:1-10; 7:50-52.
Ci Yosif, nao nisawawaan ni Yis, kawra, cowa ka timolo mihayi to o mitooray ci Yisan cingra. O karetengay a demak kora, samanen, o sowal ni Yis: “O patalahekalay i kaˈayaw no tamdamdaw to nika fanaˈ ningra i takowanan i, o papatalahekalen ako i kaˈayaw no ikakarayanay a Wama ako ko nika fanaˈ ako i cingraan.” (Marko 10:32, 33) Cowa ka pisafokilan ci Yosif ci Yisan, deng awaay ko timolo a patahekal i kaˈayaw no tamdaw to pasoˈlinay ko niyah ci Yisan. Ano kiso i, o tatimolo han?
Luka 23:51) Alatek tiya maliclic ci Yis i, awaay itira ci Yosif sanay ko sowal no roma tamdaw. Ano masamaanayto ko harateng ni Yosif, maedeng ˈintehay cingra to mahaenay misakakinihay a piliclic no Lomaocay, masomaday to caka pakaconged ko niyah tora tatiihay a demak.
O sowal no Fangcalay Cudad, tohatiniay cowa ka pihayi ci Yosif to nika picoli no Lomaocay ci Yisan. (SALIKOR TIMOLOAYTO CINGRA
Mapatayto ci Yis i, maremoayto ni Yosif ko talaw. Kiemelay cingra patahekal to saaroˈan, misetek to falocoˈ mitoor ci Yisan. Marko 15:43 sanay ko sowal: “Sakiemel sa to falocoˈ. . . tayra i ci Pilatoan a mingitangit to sapialaaw to tireng ni Yis.”
Ya mapatay ci Yis i, iraay itira ci Yosif alatek. Tayra cingra misaali to tireng ni Yis i, “cekok sa ci Pilato a mitengil to nika patayto ni Yis.” (Marko 15:44) Ano maˈaraway ni Yosif ko nika pisemsem ni Yis a mapatay, maedeng mitemeray i falocoˈ ningra kora demak. Saka, timoloto cingra patahekal to nipitoor ningra. Cowato ka hinapec ko falocoˈ, milimek a malo nisawawaan ni Yis.
MITADEM TO TIRENG NI YIS
O rikec no Yutaya, o mipatayan a mararaway tamdaw, ˈayaw no micelem ko cidal i, tatademento ko tireng. (Limoˈot 21:22, 23) Kawra, o pakayraan no Loma to mapatayay tireng, kasimaan sanay ko demak, pakihater hananay mitating i tektek, anca saolatekay hananay a mitadem. Nikawrira, cowa ka ciharateng ci Yosif, mihaen to tireng ni Yis. Iraay kono tekedan a pitademan ni Yosif, cowa ka tada maraay nai kapatayan ni Yis. Oniya tadem, o nitoˈtoˈan a ˈongcoy a tadem, awaayho ko mitademan itira. Caho ka halafin ci Yosif, malinah nai Arimatiya * tayra i Yirusalim, oniniya tadem misadayan to halo paro no lomaˈ ningra. (Luka 23:53; Yohani 19:41) Tademen ni Yosif ci Yis itira, o fangcalay a waywayan, tatodong sanay malaˈosi ko pakayniay ci Misiyaan a sapairasol, mikala cafayay to “cidafongay a tamdaw a matadem.”—Isaya 53:5, 8, 9.
Iraay ko manan demakan to ikakaay ko nika masaka limelaan to kalalaˈed iso aci Yihofa han?
O matiliday i sepat Ratoh a cudad, o tireng ni Yis ta tefaden nai tektek i, mifedfedan ni Yosif to faelohay a nisangaˈan to keliw a kiradom, miteli i tadem no niyah sanay. (Matay 27:59-61; Marko 15:46, 47; Luka 23:53, 55; Yohani 19:38-40) O sowal no sinael, mialaay ci Nikotimus to fangsisay a simal, tayra mipadang ci Yosifan. O tadamaanay tamdaw no Lomaocay cangra, maedeng miocoran ko matayalay a milinah ato mitadem tora tireng, cowo ko niyah ko micoloˈay. Soˈliˈlin hatira, maedeng taˈangayay ko piroero i cangranan, samanen, ano doedoen ko rikec no Yutaya, o mitefingayho to mapatayay tireng a tamdaw, wa pito a romiˈad a malo cowa ka korac a tamdaw, o matefingay nangra a maamaan, caayto ka korac. (Saˈosi 19:11; Hakay 2:13) Ano hatiraay i, wa cowa ka korac ci Yosif aci Nikotimus, mamisiiked to ˈalomanay, cato ko ngangaˈay mirienang to Pitaˈlifan a Lisin. (Saˈosi 9:6) O roma i, toha sapitademaw ci Yisan, o mamiemem ci Yosif to pilokes no Lomaocay. Nikawrira, ano ngaˈayho matadem ci Yis, halo mapatahekal to o nisawawaan ni Yis ko niyah, tatiitiih ko teloc mahemekan nanay cingra.
O MANAN KO MAMANANAM ITA?
Maharek a somowal to nika pitadem ci Yisan ko Ratoh a cudad, awaayto masowal no Fangcalay Cudad ci Yosif ya Arimatiya. Cowato ka fanaˈ kita to samaanayto ci Yosif, kawra, mikitini toni demak, maˈaraway ita, pakidekidem ko sapalifet, cowa ka pilonay to pasoˈlinay falocoˈ ni Yosif, ˈarawhan misafelitay a patanoktok cingranan. Maedeng padadotocay ci Yosif, patahekal to o nisawawaan ni Kristo ko niyah.
O nalifetan ni Yosif, o sasasimsimen ita, o kahacecay a tamdaw. Iraay ko manan a demakan to mikikakaay to nika lalaˈed ita aci Yihofa han? O saka cinganganaw, o tayal, o hafay ato paro no lomaˈ, anca o pasalat, mitaˈlifay ci Yihofaan han?
^ 18段 Arimatiya o Ramah, anini o Rantis hananay, kakaˈamisan no kaetip no Yirusalim maedeng 35 a kongli. O niyaroˈ ni Samuil koni Ramah.—1 Samuil 1:19, 20.