Maharatengayho Iso Han?
Misongilaˈan iso miˈosi ko ingataay liyad no Mikecolay han? Mamafanaˈ kiso to caˈof nora ilaenoay salicay:
O malinahay tayra i roma kitakit a wama wina, ano papadama to noˈadingoan no wawa i, hano mamisinanot to pakayniay sasowalan a demak?
O wawa wa itini i picudadan anca i roma kitiraan a minanam to itiraay a sasowalan. Ano mafanaˈ cangra to tosa anca adihayay a sasowalan, o ciepocay a demak. Ano mipiliˈ ko wama wina, to mamirienang to itiraay sowal anca o nowina sowal a saˈopo hokira, paisaˈayawen misinanot to icowaay a sasowalan, papadama to sapinanamaw no wawa to kimad ato lomahad ko noˈadingoan nangra. Cowa ko no niyah a kangalayan.—w17.05, pp. 9-11.
Licayen ni Yis ci Pitiro: “Ikaka ko olah iso tonini ko nika olah iso i takowanan han?” O maanan ko tatodong no sowal ni Yis hani? (Yohani 21:15)
Ano nengnengen, ora nisowalan ni Yis “tonini” hananay, o mifotingay a tayal. Ikor no patay ni Yis, patikolay ci Pitiro to mifotingay a tayal. O Krisciyang pakayni to tayal o papairaen ko matatodongay noka pinengneng.—w17.05, pp. 22-23.
Hano pasowalen ni Apraham ko fafahi to safa ako kiso han a pasowal cangra hani? (Satapangan 12:10-13)
Soˈlinay, o padek a safa ni Apraham ci Sara. O fafahi ni Apraham kako ano han ni Sara pasowal, wa patayen no tao ci Apraham alatek, ano mahaen wa cowa ito ko mamalaˈosi ko sapairasol pakayni i mikiˈokan a teloc.—wp17.3, pp. 14-15.
Tano masamaanay pakayraan ci Iliyas. Hute padama to tamdaw minanam to Hipray a sowal hani?
O sapipadamaaw cingra to tamdaw, mafanaˈ pafafidaˈ to lamit a tilid no Hipray sowal i Fangcalay Cudad ato saˈayaw tilid ato lalikor tilid. Tano kohetingay a mitolic to lamit no tilid, tano maapohay ko koheting a tilid a mitolic to saˈayaw ato lalikor a tilid. Mihaenan no Faelohay Hekal Mihongyakan Fangcalay Cudad (no Padaka) ko sapatongal sowal a mitolic.—wp17.4, pp. 11-12.
O Krisciyang toha sapidipotaw to niyah, caka dokaˈ no tao, wa ngaˈay a mitatoy to kowang han?
O fangcalay hananay no Kawas minengneng ko ˈorip. Cowa ka papitatoy ci Yis to nisawawaan to fonos a paˈading to niyah. (Luka 22:36, 38) Kita i, “o papala kangkangen no tamdamdaw ko fonos nangra.” Ikakaan no Krisciyang minengneng ko ˈorip to nika pinengneng to dafong. Haratengen ko makapahay falocoˈ no romaroma. Saˈicelen no Krisciyang malo ngaˈayay a taˈarawan. (2 Korinto 4:2)—w17.07, pp. 31-32.
Pakayni to nokaˈorip no kaemanganho ni Yis, o matiliday ni Matay aci Luka hano caka hahecad?
Mikitiniay ci Yosifan ko pinengneng ni Matay. Somowalay ta mafanaˈ cingra to mapoyapoyay ci Mariya i, samaanay ko kapitemer cingranan, pasowalan no coyoh ci Yosif milaliw tayra i Icip, ikor patikol tayra i Israil. O mitilidan ni Luka itiniay ci Mariyaan, patinakoen tayraay milisoˈ ci Mariya ci Ilisapican, samaanay ko pitemer ci Mariyaan tiya itini ci Yis i fangcalay sfi to 12 ho ko mihecaan ningra.—w17.08, p. 32.
Itiniay i masamaanay pakayraan a materek ko Fangcalay Cudad?
O tatodong no sowal mafalicay. Mihaenay a mafalic ko sowal no Fangcalay Cudad a mihongyak. O nika lingad no mirikecay mifiyoray to kalosowal no tamdaw. O roma sai, o nika pihongyak to Fangcalay Cudad palo kalosowal a demak macongeday.—w17.09, pp. 19-21.
Iraay ko misimaway tisowanan a coyoh han?
Awaay, o sowal ni Yis, o coyoh no nisawawaan marariday tayni i kaˈayaw no Kawas sanay. (Matay 18:10) Tatodong nora sowal ni Yis, tada ciharatengay ko coyoh to nisawawaan o sanay, cowa ka tano kafahekaan a pakayraan a midipot to nisawawaan.—wp17.5, p. 5.
O manan ko sakakaay a olah hananay?
Misalalangiay to safalod hananay a olah (Hipray sowal: a-kaˈ-pe), o sakakaay a olah koni. Mahawpay ko sidaˈitay anca siniˈadaay a falocoˈ. Patahekalay to saˈakawangay a safalod ko matiniay a olah, pakayniay i saka ngaˈay no tao a demak.—w17.10, p. 7.