Kaemangay Tamdaw—ka ‘Padotoc Misaˈicel, Milahecito Sakalidong Namo a Tayal’
Samatiyaen o ha:tiniay ko nipihakelong namo i takowanan. Kao nano ngodo no falocoˈ namo ko sakapisaˈicel namo a milaheci to tayal no Kawas a paˈorip tamowanan.—FILIPI 2:12.
RADIW: 41, 89
1. Misamaanay micada to inoˈ hano masakalimelaan a palinian? (Nengnengen ko satapangan coka.)
TOMIHECAHECAAN pinaay poloˈ ˈofad ko micadaay to inoˈ a tamdaw, ˈalomanay ko kapah ato kaemangay, adihayay ko nai soˈlinay kimad a lomahad. Mahecaday kiso cangranan han? Ano hatiraay i, tada ngaˈayay kora saˈosi iso. Micada to inoˈ o kalimelaan no malo Krisciyangay a palinian, mihaen ngaˈ o mamalidong.—Matay 28:19, 20; 1 Pitiro 3:21.
2. Misamaanay hano cowa ko hakatalawan iso mipatafang to tireng ci Yihofaan?
2 Micada to inoˈ wa milayap to lemed ni Yihofa, kawra wa mitamorong kiso to ˈinorong, o manan aki? Ya picadaan iso to inoˈ a romiˈad, mikimaday a salikaka sanay milicay tisowanan: “Maherekayto kiso, pakayni i kinafalah ni Yis Kristo, pasasiyor to raraw no niyah, halo patafang to tireng iso ci Yihofaan, midofdof to araaw Ningra hokira?” Micada kiso to inoˈ patafangayto ci Yihofaan, miketon to falocoˈ ci Yihofaan mamaolah kiso Cingranan,
misakareteng minengneng to pidofdof to araaw Ningra. Misaˈosi kiso toniya kalimelaan a demak, cowa ko mamasomad, samanen paikenen iso ko ˈorip ci Yihofaan cowa ko mararaway. Ano caka pitoor ko tamdaw to palinian no Kawas maˈorip, o micadaay to sakowan ni Satan, cowa ka ciharateng ci Satan to sakalidong no tamdaw. Ano eca picada kiso to sakowan ni Yihofa malahedaw ko tahadaˈocay a ˈorip, wa mahemek ci Satan.3. Ano micada kiso to inoˈ malo Krisciyang, wa ira ko manan a lemed hani?
3 Kawra, cowa pidama kiso ci Satanan, micada to inoˈ malo Krisciyang, wa adihay ko malifokay iso a saka lipahak. Maharekayto kiso patafang to ˈorip ci Yihofaan, mihaenay wa ngaˈay kiso pasoˈlin a somowal: “Mikapot [ci Yihofa] i takowanan saka, caay ka talaw kako, caay pakapimaan ko tamdaw i takowanan” saw? (ˈOlic 118:6) Midama kiso to sakowan ni Yihofa a milifok to hemek Ningra, tada o saka lipahak no miso.
MITAMORONG TO INORONG NO NIYAH
4, 5. (1) Misamaanay o micadaayto inoˈ a Krisciyang, wa mitamorong to ˈinorong no niyah hani? (2) O cecacecay a Krisciyang, misiˈayaway to manan a sapalifet hani?
4 Malo micadaay to inoˈ a Krisciyang, ngaˈay ko kalawidang no paro no lomaˈ ci Yihofaan, cowa ko fahal sa kiso, malo widang ni Yihofa. Soˈlin midipotanho no wama wina kiso nohatini, kawra, o sakalidong iso a ˈinorong wa o niyah ko mitamorong. Hano hahakaretengen konini hani? Samanen awaay ko pinang iso to mamisiˈayaw ko niyah to manan a sapalifet. Ano mamangayho ko mihecaan iso micada to inoˈ, malakapah to i, wa ira ko cowa ka hecad a harateng ato saroero. O cecay limocedan sanay: “Wawa no Misawacayay Tamdaw ni Yihofa, pakayni caka ngaˈay komaen to kahofocan a tankaw ko sakaketer, cowa ka saan. Kawra lomahadto ko wawa pakayni i kalim to madadiˈiay, wa pakasoˈlin cingra to sangaˈayay ko sarikec ni Yihofa, mihaen ngaˈ makahi midofdof to Kawas.”
5 Manaokaniw, cowa ko kapah aca a tamdaw ko misiˈayaw to pasangaray, o micada to inoˈ a matoˈasay tamdaw, wa tahalifat to fahal sanay a sapalifet. Oniya sapalifet milingatay to raramod, tanoktok no tireng, anca o tayal. Hatiraay cecacecay a tamdaw kalimelaan ko saka madimadiaw ci Yihofaan.—Yakop 1:12-14.
6. (1) Miketon kiso to falocoˈ wa midofdof to saali ni Yihofa, o manan ko tatodong hani? (2) Mikitini i Filipi 4:11-13, mananam iso ko manan hani?
6 Maharateng iso ko piketon no niyah, wa midofdof to saali ni Yihofa, wa padama tisowanan itini i masakenaay a pakayraan, madimadi to Kawas. Mihaenay haw i, soˈlin miliyas ko widang iso ato wama wina ci Yihofaan, wa padotoc kiso mihodop ci Yihofaan. (ˈOlic 27:10) Ano o mananto ko masiˈayaway iso, ano pasayra ci Yihofa a micangacang, wa timolo a mitoor to miketonan no falocoˈ a patafang to tireng.—ˈOsien ko Filipi 4:11-13.
7. “Nano ngodo no falocoˈ namo . . . milaheci to tayal no Kawas a paˈorip tamowanan,” o manan ko tatodong hani?
7 Makalimay ci Yihofa malo widang Ningra kiso. Kawra, misadak kita to ˈicel, ngaˈ matongal ko kalawidang to Kawas ato malaheci ko sakalidong no niyah a tayal. Itini i Filipi 2:12, sanay ko sowal: “Kao nano ngodo no falocoˈ namo ko sakapisaˈicel namo a milaheci to tayal no Kawas a paˈorip tamowanan.” Paihekalay ko sinael, sasongilaˈen ita miharateng to sasamanen mitafo ko ngaˈayay a kalawidang ci Yihofaan, itini kihecod a pakayraan kamayan a madimadi Cingranan. Hamaan pakidem ko pasoˈlin to niyah, samanen, o halafinayto mihodop to Kawas a tamdaw, cowa ko mamadimadi to Kawas halatek. Hatiraay, misamaan ko demak ita ngaˈ malaheci ko sakalidong no niyah a tayal hani?
KALIMELAAN KO PICEKIW TO FANGCALAY CUDAD
8. Micekiw to Fangcalay Cudad mahawpay ko manan? Mihaen to demak hano masakalimelaan hani?
8 Sakalawidangaw ci Yihofaan, kalimelaan ko kasasowal Cingranan. O pakayraan ita mitengil to sowal ni Yihofa, sakakaay o picekiw to Fangcalay Cudad, mahawpay ko piˈosi ato pidotim to Fangcalay Cudad ato mitepangan a cudad. Haratengen micekiw to Fangcalay Cudad, cowa ko miˈosiay to sapasifanaˈ a cudad, cowa ko misadayay to sasikingen. Micekiw to Fangcalay Cudad mahecaday o misolapay to faelohay a demak, tangongol ko picekiw ita to Fangcalay Cudad ato pidotim to maˈosiay a lalakaw, matongal ko kacipinang to capeling ni Yihofa. Mihaen wa ngaˈay miingid to Kawas, wa ingiden no Kawas kiso.—Yakop 4:8.
Iraay ko ngaˈayay a kasasowal iso ci Yihofaan han? (Nengnengen ko saka 8-11 fatac)
9. O manan a lalakaw padama kisowanan ciepoc ko picekiw hani?
9 O likakawa ni Yhofa adihayay ko misadayan a lalakaw, padama kitanan ciepoc ko picekiw. Tinakoen, itini i jw.org wangcan no “Kapah” lalangian a “Miˈosi to Fangcalay Cudad a Miharateng”, adihayay ko maoningay no Fngcalay Cudad, wa ngaˈay kiso minanam to adihayay safalod. O roma i, itini i wangcan “Mikitini i Fangcalay Cudad Mananamay Ako ko Manan?” Sakayat no picekiw wa padama kisowanan pasoˈlin to soˈlinay kimad ko mananamay no niyah, padama tisowanan mafanaˈ pasayra i tamdaw mitadtad to pidoyongan iso. O roma papadama micekiw a lalakaw o Katalipaˈelal! Saka 4 Folad, 2009, o “Salicay no Kapah” a lalakaw, “Samaan Ngaˈ Matongal ko Olah no Niyah Miˈosi to Fangcalay Cudad?” Ano sapilaheciaw kita to sakalidong no niyah a tayal, tada kalimelaan ko picekiw ato pidotim.—ˈOsien ko ˈOlic 119:105.
HANO MASAKA LIMELAAN KO MITOLONAY
10. Misamanay pakaynien i Krisciyang ko sowal masakalimelaan ko mitolonay?
10 Micekiw kita to Fangcalay Cudad, o mitengilay to sowal ni Yihofa, mitolon kita o pasowalay ci Yihofaan. O Krisciyang minengneng to mitolonay, awaay ko epoc aka ka saan, hamaan o sapilifokaw aca to saka ngaˈay ko pitolon. O mitolonay o saka sasowalan ita to misangaˈay a Tatapangan, hanaca makalimay ci Yihofa to sapasowalaw no mita Cingranan. (ˈOsien ko Filipi 4:6.) Ano macariraw kiso i, o limoˈot no Fangcalay Cudad, “o papatoroden iso [ci Yihofaan] ko karetengay a ˈinorong iso.” (ˈOlic 55:22) Mihaen to demak pasoˈlin kiso to iraay ko sadama tisowanan han? Oniya limoˈot padamaay to adihayay salikaka, wa ngaˈay padama tisowanan!
11. Misamaanay hano mamicerid kiso miakoˈid ci Yihofaan hani?
11 Mitolon kita cowa ko picangacang aca to sadama ni Yihofa, ngaˈayayho palaˈosi to roma a araaw. Sanay ko sowal no Fangcalay Cudad: ‘Paihekalen namo ko miakoˈiday falocoˈ.’ (Kolosay 3:15) Latekay pakidemay ko macadaay pasangaray, teloc sakahemaway to sapafeli ni Yihofa a sakalemed. Saˈosien ko falocoˈ iso, to romiˈamiˈad wa ngaˈay kilimen ko tolo aakoˈiden ci Yihofaan a demak han? O cecay ci Apikail a limocedan, 12 ko mihecaan micadaay to inoˈ, sanay cingra: “Polong no hekal sakakaay ka koˈiden ako ci Yihofa. Ka koˈiden ita ci Yihofa pafeli kitaanan to kihecod.” *
O NIYAH KO MILIFET TO KANGAˈAY NO KAWAS
12, 13. Na malifetayto iso ko kangaˈay ni Yihofa han? Misamaanay haratengen ko sadama ni Yihofa a malifetay, o kalimelaan hani?
12 O hongti ci Tafiti soˈlin adihayay ko malifetay a roray, kawra kina pinaay a lidongen no Kawas cingra, mihaenay ko sowal ni Tafiti: “Lifeten a mihapinang ko nika ngaˈay [ni Yihofa], o mitiˈeray i Cingraan i, tada o malemeday.” (ˈOlic 34:8) Paihekalay ko sinael, wa o niyah ko milefet to kangaˈay ni Yihofa kitaanan. Ano miˈosi kiso to Fangcalay Cudad anca mirienang to saˈopo i, maˈaraway ko pipadama no Kawas to tamdaw a madimadi Cingranan. Kawra, ano matongal ko kalawidang iso ci Yihofaan, hapinangenho iso to samanay ci Yihofa padama tisowanan. Na malifetayto iso ko kangaˈay ni Yihofa han?
13 O sapilifetaw no Krisciyang to kangaˈay ni Yihofa, o cecay pakayraan micada to satahidang ni Yihofa, miingid Cingranan ato wawa Ningra. Sowal ni Yis: “Ano caay ko nipafalocoˈan no miocoray i takowanan a Wama ko tamdaw a papiraod i takowanan i, awaay ko mamaedeng a tayni i takowanan.” (Yohani 6:44) Haratengen iso, papiraoday ci Yihofa tisowanan a miingid Cingranan han? Harateng no roma kaemangay tamdaw: “Papiraoday ci Yihofa to wama wina ako Cingranan, o pikotod aca ako cangranan.” Kawra, maharek kiso micada to inoˈ patafang ci Yihofaan, misatapangay kiso patirengto ngaˈayay kalawidang ci Yihofaan. Soˈlinayto mafanaˈ ci Yihofa tisowanan nohatini, mikiˈokay ko Fangcalay Cudad: ‘Ano maolah ko tamdaw to Kawas, wa mafanaˈ ko Kawas toniya tamdaw.’ (1 Korinto 8:3) Masalalomaˈ no likakawa ni Yihofa kita, salimelaan koniya sano odoˈay a saaroˈan.
14, 15. Milengo i tamdaw to pidoyongan iso, wa samaan paˈicel to pasoˈlinay falocoˈ no miso?
14 Sapilifetaw to kangaˈay ni Yihofa a roma pakayraan i, pafelito timolo tisowanan mifanaˈ to tamdaw to pidoyongan iso. Tinakoen, wa ngaˈay kiso itini i kilac anca picudadan milasil to soˈlinay kimad i tamdaw. Kawra, o roma kaemangay pasangaray mitosil i cafacafay. Ano micudaday a kaemangay kiso, cipinangay kiso to mahaenay harateng, samanen cowa ka fanaˈ kiso to samaan ko harateng no tamdaw. Ano cowa ko cecayay aca, pasayraay i cecay ˈopo a tamdaw, mitadtad to pidoyongan iso matongal ko pasangar. Hatiraay, ngaˈay kiso misamaan to demak hani?
15 Salakat haratengen hano o matatodongay ko kimad no Fangcalay Cudad. Ngaˈayay palaken iso ko toki, minengneng to sakayat micekiw i jw.org wangcan. O pisafaco Yirimiya 20:8, 9.
to sakayat micekiw, papadama tisowanan miharateng to o manan ko pasoˈlinan no niyah, ato lalangian a pasoˈlin, minanam samaan mitadtad to pidoyongan iso i tamdaw. Ano pakasoˈlin kiso to pidoyongan maharek a misaday, wa makalimto kiso sapisawacayaw to ngangan ni Yihofa.—16. Samaan ko demak iso ngaˈ misakahemaw a milengo to pidoyongan i tao?
16 Soˈlin maharekayto kiso misaday, ano pasayra i tamdaw mitadtad to pidoyongan kamayan a marawraw halatek. O cecay 18 ko mihecaan a fafahiyan salikaka, 13 ko mihecaan micadaay to inoˈ, sanay mihai cingra: “Cipinangay kako to pidoyongan no niyah, kawra nolatekay pasangaray paihekal to harateng no niyah.” Samanay cingra a miremo toniya demak hani? Sanay cingra: “Tanamay kako misakahemaw. O cafacafay ako ano somowal to nano demak nangra misakahemaway, ano kako to wa ngaˈay mihaen. Tanamay kako misakahemaw a milengo to demak, mahaen ‘ˈayaw no pina romiˈad, pasifanaˈ to tao to Fangcalay Cudad, pakayni . . . ’ Ikorto padotoc to milengoan a demak. Soˈlin cowa pilengo kako cangranan to Fangcalay Cudad, kawra fahekaˈan cangra, milicayay to samanay kako pasifanaˈ to tamdaw to Fangcalay Cudad. Mararid kako mihaen to demak, madoloayto a pasayra i cafacafay mitosil, tada lipahakay kako!”
17. O pinengneng iso to pidoyongan, wa samaan milingat to pitosil iso i tamdaw?
17 Mikangodo kiso a ciharateng to tao, oha mamikangodo ko tao tisowanan ato pidoyongan iso. 17 ko mihecaan a Olifiya, kaemangho micada to inoˈ, sowal sa cingra: “ˈAyaw i calemcemay kako, ano malalengo to Fangcalay Cudad i tao, ‘o masinkiayto kiso,’ sanay cangra.” Ikor, mafalicay ko harateng ni Olifiya, cowato ka calemcem cingra, sanay cingra: “ˈAlomanay a kapah coka fanaˈ to Misawacayay Tamdaw ni Yihofa, edeng kami aca ko kafanaˈan nangra. O waywayan niyam wa milingat to pinengneng nangra to soˈlinay kimad. Ano mangodo kami, caka timolo milengo to pidoyongan, anca talarikor a pasowal, cowa pihai kami to saaroˈan no Misawacayay Tamdaw ni Yihofa wa saan cangra miharateng, pakayni ka cangoˈot no pasoˈlinay niyam, cato kangodo tamiyanan. Kawra, ano kahemaw kami a somowal, wa mahapinang nangra to pasoˈlinay kami to minanaman no niyah to soˈlinay a kimad, mahemek a milengo to pidoyongan niyam, mihaen wa matongal ko kangodo nangra tamiyanan.”
PADOTOC MISAˈICEL MILAHECITO SAKALIDONG NAMO A TAYAL
18. Samaan ko demak iso ngaˈ malaheci ko sakalidong no niyah a tayal?
18 Mikitini toniya lalakaw mahapinang ita, milaheci to sakalidong no niyah a tayal o kalimelaan a ˈinorong. Sapilaheciaw toniya tayal, wa miˈosi kiso to Fangcalay Cudad, midotim to sowal no Kawas, pasayra ci Yihofaan mitolon, haratengen to samanay ci Yihofa palemed tisowanan. Mihaen ko demak iso wa pakasoˈlin to o widang iso ci Yihofa, wa makalim kiso mifanaˈ to pidoyongan no niyah i tamdaw.—ˈOsien ko ˈOlic 73:28.
19. Pakayni sapilifokaw to sakalidong o mihadakan iso a ˈicel, misamaanay hano iraay ko epoc hani?
19 Sowal ni Yis: “Ano cima ko sapitoorananay i takowanan i, falahen kono tireng a harateng. ˈOrongen ko [pisemseman a hecek] no tireng. Tooren kako.” (Matay 16:24) Ano ciharateng ko tamdaw malo nisawawaan ni Yis, oha patafang to tireng ato micada to inoˈ. Mihaen ko demak iso, wa milifok to awaay ko tolas a lipahak nohatini, wa ngaˈayho itini i faelohay hekal, milifok to tahadaˈocay a ˈorip. Mihaenay, adihayay ko lalangian iso padotoc misaˈicel, milaheci to sakalidong no niyah a tayal.
^ 11段 Nengnengen ko jw.org wangcan a lalakaw,“ Salicay no Kapah—Iraay ko Sadama no Satolon Takowanan Han? ” ato milingatay a lalakaw.