NALIFETAN NO TAMDAW
Malacafay to Madimadiay a Salikaka Matayal O Taˈangayay Sapalemed
ISAKA 1930 miheca, ˈayaw no hofocen kako to pina miheca, o wama ako ci Yakop ato wina ci Ciyasi, malinahay tayra i Polangkes no Niwyok. Itiraay mafanaˈ ci Wilian, sahetoay o mikitiraay i Sukolan cangra, sakinacecay masasoˈaraw cangra milengoayto paro no lomaˈ no niyah.
Pasowalan no wina ci Wili, o wama ato kaka ningra itini ˈayaw no mifekad ko Lalood, masongtolay no tamina ko fakotang i Kaˈamis Riyar, mapatayay cangra. Sanay ko sowal ni Wili: “Tayraayto i cikok ko wama iso!” O Misawacayay Tamdaw ni Yihofa ci Wili, tano kacekidan a pakayraan ko sapasifanaˈ ningra to wina to soˈlinay kimad.
Wili aci Lice Seniteng
Maketeray ko wina tahatengil, samanen o ngaˈayay tamdaw ko wama no niyah. Sanay ci Wili pasowal: “Ano tayraay ci Yis i cikok, ano han ako pasowal kiso, wa masayar ko falocoˈ iso han?” Maharatengay no wina ko sowal no kiyokay, tayraay ci Yis i cikok, saka tolo romiˈad miliyaway maˈorip. Ano marengrengay ko namal, pisemseman no tamdaw ko cikok, wa misamaan a tayra ci Yis hani? Misatapangay maolah ko wina to soˈlinay kimad. Ikor to mirienangay to saˈopo i kasakopang no Polangkes, itiniay 1940 miheca micada to inoˈ.
Kako ato wina; ikor no pina miheca kako ato wama
Itiya, cowa pisaˈicel ko likakawa, mamalalengo ko wama wina to wawa no niyah to Fangcalay Cudad. Mihaenay kaemangho kako, o wama ko mihimaway takowanan i pahanhanan a romiˈad, malingaday ko wina misaˈopo ato mitosil. Ikor no pina miheca, o wama ato kako misatapangay malacafay to wina a masaˈopo. ˈIfowaay ko wina to mitosilay a demak, ˈalomanay ko pacekiwan ningra to Fangcalay Cudad a tamdaw. O cecay liyad, misaˈopoan ningra ko mangangataay a pacekiwan, malacafay milengo to Fangcalay Cudad. Ano paselaˈ ko picudadan i, pacafayay kako to wina a mitosil, mikitiniay kako minanam to adihayay sifanaˈ no Fangcalay Cudad, mananamayho to sasamaan pasifanaˈ to tamdaw.
Kangodoan sowalen, nano mamangan cowa pisakareteng kako to soˈlinay kimad. Tahira 12 ko mihecaan, malo mitosilayto kako, mikitiya miceridayto a mitosil. 16 ko mihecaan patafangay kako to tireng ci
Yihofaan, itiniay 1954 miheca, saka 7 folad 24 romiˈad i Toronto no Kanata a taykay, micada to inoˈ.ITINI PITIL MATAYAL
Itiya o kasakopang ako, adihayay ko matayalay i Pitil ato na matayalay i Pitil a salikaka, o inaneng nangra mikimad, mitosil ato mitadtad to Fangcalay Cudad tada kasemeran ako, tangongolay ko pifiyor takowanan. Padotoc i taykak a micudad sanay ko singsi takowanan, kawra o patosokan ako itira Pitil a matayal. Mihaenay itini taykay no Toronto, pasadakay kako to sapisingsi. 1955 miheca taykay, itini Niwyok a Yanki Ontociw, miliyaway kako pasadak to sapisingsi. Toya mihecaan, saka 9 folad 19 romiˈad, matahidangay kako tayra i Prokelin a Pitil matayal, 17 ko mihecaan ako itiya. Saka tosa romiˈad i Pitil, tayraayto pitepangan to cudad a matayal to misaporoday a demak. Parakatay kako to misieroday to kalidopak a kikay, oniya kikay patekoan mitaring ko 32-fiedac, ilalikoray kikay tano keliwan mitesel pala cudad.
17 ko mihecaan itini i Pitil no Prokelin
Samanen mafanaˈay kako to taypulayta, maedeng cecay folad maocoray tayra i Kapot no Casi matayal. Itiya, ano ira ko faelohay miyoyakay to Mikecolay anca Katalipaˈelal!, misangaˈay ko salikaka to faelohay no ciwsiyo a sarinaˈ. Ikor no pina folad, maocoray kako tayra Kapot no Micoloˈay. Itiya, ˈayaw no parakaten ko cudad tayra i cowacowa pala, tayraanho i insacuen, o kantok no Kapot no Micoloˈay ci Kerawse Insen, milicayay takowanan makahi mihakelong to micoloˈay salikaka a malingad. O roma, iraayho ko pina pawti a casi papatayraen i yofing, parakaten i kasakopang no Padaka. Pasowalay ko salikaka ci Insen, o sakangaˈay ako ko misaka dademakay to ˈicel a tayal, samanen mahecaday o ˈaol ko kangiriw ako, 57 kongkin. O micoloˈ a tayal itini
minato ato yofing mitongalay to ˈicel ako. Tada cipinangay ko salikaka ci Insen to saali no mako.Itini Kapot no Casi mitiliday to misingsian no Kasakopang, hato mafanaˈay kako to o maamaan a sowalan a casi, itiniay i Prokelin a insacuen, parakat hanto tayra roma kitakit. O adihayay sasowalen cowaho ka tahatengil kako, kawra, mahemekay kako to adihayay ko casi parakatan tayra maraayay a pala. Cowa kafanaˈ kako itiya ikor no pina mihecaan, iraay ko tatodong ako a milisoˈ toniya kasakilac.
Kako aci Lopote Wolon aci Cares Molohan aci Tang Atangse
1961 miheca maocoray kako i Kapot no Kayki, o kantok itiya o salikaka ci Kerant Sute. Matayal to pina miheca i Kapot no Kayki, cecay romiˈad, mitahidangay ko salikaka ci Nasen Nolo tayra katayalan ningra, citatodongay cingra mikayat to mitosilay demak i polong no hekal. Pasowalay takowanan, o cecay cafay ningra matayal wa mirienang to Pahatatanamay to Mitosilay Tamdaw to cecay folad, ikor wa tayra i kapot no mitosilay. Mihaenay, maocoray kako mikotay to tayal nora salikaka, malacafay ci Tang Atangse salikaka a matayal, sarakat ci Atangse ko pafelian ako tono Pitil a sapisingsi. Itini katayalan niyam, iraayho ko tatosa salikaka, Lopote Wolon aci Cares Molohan, malacafay kami matayal mataˈlifay ko 50 miheca. Malacafay to tanoktokay ko pakasoˈlin ato madimadiay a salikaka a matayal, tada taˈangayay a sakalipahak!—ˈOlic 133:1.
1970 miheca, sakinacecay mitaypiyaw to congpo milisoˈ, itini i Winilowila
Mikitini 1970 miheca misatapang, manilnilay kako cecay anca tosa miheca, tano pinalipay a milisoˈ to icowacowaay a katayalan no fenpo, anini, o mitaypiyaway no congpo a milisoˈ. Milisoˈay to matayalay Pitil, milakowitay to riyar a misakafahay halo pakalalok cangranan, mikingsaayho to kilok no katayalan no fenpo. Mahemek kako
a maˈaraw ko sarakatay a milakowitay to riyar a misakafahay, kamayan madimadi i saaroˈan no niyah a dademak. Samanen oniya tayal, iraay ko tatodong ako milisoˈ to mataˈlifay ko 90 kakitakitanan. Tada mahemekayto kako.Mahemekay kako milisoˈ to mataˈlifay to 90 kakitakitan!
MAHELAAY KO MADIMADIAY A RARAMOD
O matayalay i Pitil i Prokelin a salikaka, maocoray tayra kasakopang no Niwyok. Maocoray kako tayra Polangkes. Sarakatay mapatireng a kasakopang no Polangkes, macowatay hato iraayto ko roma kasakopang. Oya telang a kopang panganganan to Kaˈamis a Polangkes kasakopang, ono mako a kasakopang.
Isaka 1965 miheca, o cecay nai Latowiya a paro no lomaˈ a salikaka, malinahay tayni kilac no kasakopang niyam. Itiniay kakatimolan no Polangkes a minanam to soˈlinay kimad cangra. O sakakaay fafahiyan a wawa ci Lifiya, micudiyap i kawcong, mirienangay to miceriday misakafahay. Ikor no pina folad, malinahay cingra tayra i Masaycuse a pala dademak, samanen misaaliay to adihayay mitosilay itira. Satapangay kako patikami cingranan, pasowal to mifekaday a demak i kasakopang, patikamiay cingra takowanan, mifanaˈ to ngaˈayay milifetan ningra mitosil i Poseton.
Lifiya ato kako
Ikor no pina miheca, manilnilay ci Lifiya malo mikiriwiˈay misakafahay. Sapitongalaw cingra to demak ci Yihofaan, misingsiay tayra i Pitil matayal, hanaca itini 1971 miheca matahidang tayra Pitil a matayal. Miharateng kako, hato papasowal ci Yihofa takowanan to maanan! Ikor, itini i 1973 miheca, saka 10 folad 27 romiˈad, mararamoday kako aci Lifiya, mahemekay kako ci Nolo ko misikayay to raramod a kimad niyam. Taneng 18:22 sanay: “O cifafahiyay to citanengay a fafahi i, awaay ko tolas a malemed, mahapinang ko siniˈada ni Yihofa a palemed i cangraan.” Milifokay kako aci Lifiya to sapalemed ni Yihofa, malacafay tahanini 40 mihecaan i Pitil, padotocay kami midama to Polangkes a kasakopang.
MALACAFAY TO SALIKAKA NI KRISTO A MATAYAL
Malacafay ci Noloan a matayal, tada o kahemekan a demak, malalokay cingra matayal to Hongti Kitakit, masemeray to tayal no milakowitay to riyar a misakafahay, lalomaˈ nangra adihayay ko sarakatay a Misawacayay Tamdaw ni Yihofa tora pala. Isaka 1976 miheca, ciadadaay ci Nolo to ekang. Tiya matiˈenang cingra i takar, caka ngaˈay tatemik i, kinacecayay papiˈosiay takowanan to insacuen a lalakaw, papitahidangay takowanan ci Fratelik Frans malacafay a mitengil. Ikorto mafanaˈay kako, cowa kangaˈay ko mata no salikaka ci Frans, nikawrira, salikaka ci Nolo marariday miˈosi to lalakaw a patengil cingranan.
1977 miheca, mala cafay ci Taniil aci Marina Silike a milisoˈ
Itiniay 1977 miheca mapatay ko salikaka ci Nolo, katayalan no mafanaˈay ato maolahay cingranan a salikaka i, madimadiay cingra milaheci to kaˈorip ningra i fafekang Paˈarawan 2:10) Ikor, mikotayan ni Frans ko mikayatay a demak.
no sera. (Itiya o mitatiliday no salikaka ci Mileton Hansuel kako, pinaay polo miheca cingra malacafay ci Noloan a matayal. Pasowalay ko salikaka ci Hansuel takowanan, o sakakaay a demak ako i Pitil, o papadama to kihecod a saali no salikaka ci Frans. Marariday kako miˈosi to insacuen a lalakaw patengil ci Fransan. Kafahekaan ko sapiharateng a ˈicel ningra, hanaca misamacayay a mitengil. Tada mahemekay kako a midama cingranan, tahira kalahecian ningra romakat to kaˈorip i fafekang no sera i 1992 miheca saka 12 folad.
Itini i Koronpiya ˈApilis Lalan a matayal to pina poloˈ miheca
Kalikiay mataˈlif ko toki, 61 miheca kako matayal i Pitil no Prokelin. Tahiraay i patay ko kamadimadi no wama wina ako a mihodop ci Yihofaan, mitokelay kako militemoh cangranan i faelohay hekal. (Yohani 5:28, 29) Ngaˈay malacafay to madimadiay ci Yihofaan a tamdaw matayal, o taˈangayay a sakalipahak, awaay ko papakalini noniya hekal. Miharateng kako aci Lifiya, itini piemin to toki a dademak, “o pipalipahak ni Yihofa tamowanan ko sakaciˈicel namo.”—Nihimiya 8:10.
Ano samaanto, o mamapaedef i polong no hekal ko ngaˈayay lihaf no Hongti Kitakit, cowa ko nano ˈicel no nima i likakawa ni Yihofa konini. Itini mataˈlifayto a miheca, malikoay kako a mahemek, ngaˈay malacafay to ˈalomanay tanoktokay ko pakasoˈlin ato madimadiay a salikaka a matayal. Nohatini, ˈalomanay na kalacafayan ako matayal a mapasimalay krisciyang, cowato ka i fafekang no sera, kawra miakoˈiday kako malacafay to madimadiay a krisciyang matayal i ci Yihofaan.