Misongilaˈan iso miasip ko lalakaw no Mikecolay han? Wa ngaˈay pacaˈof to laenoay salicay:

Sowal no Yakop 5:11 ‘matomesay to damsayay, hanaca siniˈadaay to tamdaw’ ci Yihofa, hano parihaday to falocoˈ no mita konini hani?

Mafanaˈay kita siniˈadaay ci Yihofa to tamdaw, makahiay misodod kitaanan. O Yakop 5:11 sanay mikiˈok matomesay to damsayay ci Yihofa, makalimay padama kitaanan. O mamitodong kita to taˈarawan ni Yihofa.—mikecolay, Saka 1 Folad 2021, saka 21 fiedac.

Hano patireng ci Yihofa to fadangalan no kakeridan?

Mihaen ko demak Ningra mikitiniay i olah. Ira konini a limasmas, hato rihadayay ko taˈangayay paro no lomaˈ ni Yihofa, masieroday ko demak. Mikangodoay ko paro no lomaˈ toniya limasmas, o mamafanaˈ to o cima ko mamisaˈosi to salikoray a sasaˈosien, ato o cima ko mamikerid a midemak toniya misaˈosian.—mikecolay, Saka 2 Folad 2021, saka 3 fiedac.

Misaka dademak ko Krisciyang to tingnaw micada ato pasadak to lihaf i, hano maminaˈon hani?

Ano misaka dademak ko Krisciyang to tingnaw a lalosidan, mamisinanot mipiliˈ to micawmaˈan a tamdaw. Ano itini taˈangayay a macacawmaˈay a kapot mihaen to demak cowa ko madoloay, mansa kakiriwiˈen a misinanot. (1 Timoti 5:13) Roma i, ano milasil kita to cowa ko soˈlinay a lihaf, anca misaka dademak to kalalaˈed no salikaka a mietan to payci, mamifekad ko pasangaray demak.—mikecolay, Saka 3 Folad 2021, saka 31 fiedac.

Mihayi ci Yihofa misemsem ko kapatay ni Yis, iraay ko maanan a lalangian alatek?

Saka 1, mapatay ci Yis i pisemseman a hecek, pairaay to toki no Yutaya tamdaw miliyas to saˈkak no Rikec. (Kalatiya 3:10, 13) Saka 2, pahatatanamay ci Yihofa ci Yisan, ho ngaˈay cingra malo ngaˈayay a taˈangayay saysi noikor. Saka 3, madimadiay ci Yis tahira i patay, misawacay to ngangaˈay ko tamdaw itini pakidemay a sapalifet padadotoc mitafo to madimadi ci Yihofaan. (Yopu 1:9-11)—mikecolay, Saka 4 Folad 2021, saka 16-17 fiedac.

Itini pitosilan ano pasangaray kita mahela ko tamdaw, ngaˈay samaan ko pidemak?

Ngaˈay kiso mitanam itini ka iraan no tamdaw i lomaˈ a tatokian milisoˈ cangranan, ngaˈayho mitanam itini i caka lecad a kitiraan mitosil, anca tano roma pakayraan a mitosil, tinakoen tano tikami misawacay.—mikecolay, Saka 5 Folad 2021, saka 15-16 fiedac.

Sowal no tarokos ci Pawlo: ‘Pakayni i rikec, o mapatayayto kako, miliyasay to rikec.’ O maanan ko tatodong no sowal ningra hani?—Kalatiya 2:19.

O Rikec ni Mosi pahapinangay to tamdaw o cowa ka lefot ko tamdaw, ngaˈayho mikerid to Israil tamdaw tayra i ci Kristoan. (Kalatiya 3:19, 24) Pakayniay i Rikec ko lalangian, micadaay ci Pawlo ci Kristoan. Mihaenay, ‘mapatayayto, miliyasay to Rikec’ ci Pawlo, ikorto caayto kaˈimer no Rikec.—mikecolay, Saka 6 Folad 2021, saka 31 fiedac.

Itini mihadidiay a pakayraan patirengay ci Yihofa to maanan a taˈarawan no mita?

O fangcalay ngangan ni Yihofa mapakaditay, cisasaay ko tamdaw to sapikowan a fadangalan Ningra, o romaroma wawa mitowakangay Cingranan, padotocay ci Satan miyakayak to mangah, o kaolahan Ningra a sikawdan taharorayay, malaliyas to mapatayay a salawina, micadaay ko tamdaw to saroero, mapalakay no tamdaw ko serayan. Tonini a pakayraan, padotocay a mihadidi ci Yihofa.—mikecolay, Saka 7 Folad 2021, saka 9-12 fiedac.

Ci Yosif itini pihadidi mitala ci Yihofaan patirengay to maanan ngaˈayay taˈarawan no mita?

Cowa ka ngaˈay ko kaka ni Yosif cingranan, pacakayay cingranan tayra i Icip, ikor mapaorafay no tamdaw cingra itira, pinaay miheca mapalit. Kawra padotocay ci Yosif mihadidi a mitala ci Yihofaan.—mikecolay, Saka 8 Folad 2021, saka 12 fiedac.

Itini Hakay 2:6-9, 20-22 paˈayaway to maanan a ‘pingernger’?

O milasilay to ngaˈayay lihaf no Hongti Kitakit a tayal ‘mingerngeray’ to paro no kakarayan, cowa ka olah ko ˈalomanay tamdaw, kawra iraay ko masolotay no soˈlinay kimad a tamdaw. Cato ka halafin, itini saikoray ‘pingernger’ mamalaˈafo ko polong a kitakit no hekal.— mikecolay, Saka 9 Folad 2021, saka 15-19 fiedac.

Hano caka ngaˈay kita misawad mitosil?

O mihadakan ita a ˈicel maˈaraway ni Yihofa, hanaca masemeray Cingra. Ano eca katoled kita, eca pisawad, o mamilifok kita to midaˈocay a ˈorip.— mikecolay, Saka 10 Folad 2021, saka 25-26 fiedac.

Palimoˈotay ci Pitiro to Krisciyang ‘makorac i kihcod a demak,’ o Lifi 19 fedengan hano ngaˈay padama kitaanan mitoor tonini a limoˈot a midemak? (1 Pitiro 1:15)

O misaka dademakan ni Pitiro o Lifi 19:2 alatek. Itini Lifi 19 fedengan mihadakay to adihayay a safalod, pasifanaˈ kitaanan samaan mitoor to sowal i 1 Pitiro 1:15 a midemak.—mikecolay, Saka 12 Folad 2021, saka 3-4 fiedac.