Misongilaˈan iso miˈosi ko ingataay liyad no Mikecolay han? Mamafanaˈ kiso to caˈof nora ilaenoay salicay:

Ano tahacada to sakayat no likakawa no Kawas ko kasakilac kantok ato malohemay malitengay i, mamisamaan to demak cangra?

Kalikien nangra mitoor a midemak, milicay to niyah: “Mikiemelay kako padama to tamdaw madimadi ci Yihofaan han? Tangsolay kako micada to sakayat han?”​—w16.11, p. 11.

Ihacowaay mala holiw no Taˈangayay Papilon ko soˈlinay Krisciyang?

Naikoran no patay no tarokos. Itiyaay masadak ko misasingsiay no kalodoyongan. O kiyokay ato mirikecay no kitakit, micowatay to Kristokiyo, mipaekel to soˈlinay Krisciyang. Kawra, ˈayaw no moetep a miheca no saka 1914 miheca, mapasimalay Krisciyang miliyasto to pifiyor no Taˈangayay Papilon.​—w16.11, pp. 23-25.

O nidemakan ni Lefifor Taples hano tada masaka limlaan?

Isaka 1520 lalintadan, ci Lefifor mihongyakan ko Fangcalay Cudad malo sowal no Frans. O pitadtad ningra mitemeray to falocoˈ ni Martin Luter aci Tintele aci Kawen.​—wp16.6, pp. 10-12.

Mitoor to pinangan no tireng ato mitoor to fangcalay saocor samaanay ko kasasi romaan? (Loma 8:6)

Mitooray to pinangan no tireng o maˈemetay no ˈanof no tireng, o caciyaw ato kaolahan sahetoay o ˈanof no tireng a demakan. Mitooray to fangcalay saocor ono ˈadingoan ko misalimlaan, makayatay no fangcalay saocor no Kawas. Mitooray to ˈanof no tireng o mamapatay, mitooray to fangcalay saocor iraay ko rihaday.​—w16.12, pp. 15-17.

O manan ngaˈayay hapakayraan a milowan to cariraw?

Silsilen ko kadadoedo no demak, patatodongen ko pitokel, limasmasen ko toki pahanhan, talapotal a minengneng to misangaˈan no Kawas a makapahay, mafanaˈ pahemek to niyah, micerid miyatayat to tireng, aka cangoˈot ko fotiˈ.​—w16.12, pp. 22-23.

Ci Inok milinahan no Kawas saka, “caay ka patay cingra” sa i, hano mahaen saw? (Hipray 11:5)

Milinahan ni Yihofa ko ˈorip ni Inok, caka pilifet to adada a mapatay cingra alatek.​—wp17.1, pp. 12-13.

Misapoener to falocoˈ hano masaka limlaan?

Samanen matatodongay ko kapinengneng to niyah, mafanaˈay to tolas no ˈicel no niyah. Sasinanoten ita ko waywayan, mamisamaan mifiyor to tao, aka a misaidahidahi.​—w17.01, p. 18.

Iraay ko manan wacayan paihekalay to mikayatan no Kawas ko aniniay ato isaka cecayay hahekalan a Kasacefang no Mikayatay a Malohemay Malitengay?

Iti:yaay kasacefang no mikayatay, midamaan no fangcalay saocor, saka cipinang to Fangcalay Cudad. Midamaan no coyoh cangra, saka ngaˈay a mikerid to mitosilay demak. Misalalangiay to kimad no Kawas a mikayat. Mihaenan no Kawas ko aniniay.​—w17.02, pp. 26-28.

O manan ko papadama kitanan misalimla to sapatefoc ni Krsito?

Sepatay a demak: Cima ko pafeliay? Hano pafeli toni sapatefoc? Kinafalahay Cingra to manan a epoc? O mamisalo to saali ita han?​—wp17.2, pp. 4-6.

Ano maharekto misaˈosi ikor, ngaˈayay falicen han?

O tatooren ita ko nisowalan. Kawra, nolatek fafalicen ko nisaˈosian. Pasasiyorto ko Ninifi tamdaw i, mifalican no Kawas ko saˈosi Ningra. Latek ano mafalic ko demak, anca irato ko faelohay fanaˈ, mamafalic ko nisaˈosian.​—w17.03, pp. 16-17.

O tatiihay sanaysanay a sowal hano o katalawan?

Papaira to pasangar cato ka maˈemet ko demak. Somowal to tatiihay sanaysanay a sowal, cowa ko mamisalof to demak.​—w17.04, p. 21.