O Faelohay Mikapotay a Matayalay i Kasacefang no Mikayatay a Malohemay Malitengay i Congpo
Isaka 2018 miheca 1 folad 24 romiˈad, itini i Padaka ato Kanata Pitil, matengilay ko cecay mikiriwiˈay ato lipahakay a salasil: Malohemay Malitengay i Congpo mikapotay ko cecay a faelohay matayalay o Salikaka ci Kenis Koke.
Itiniay i Pisifaniya a pala, hofocen ato lomahad ko salikaka ci Koke. Itini i kawcong, misawacayay ko cafay cingranan, ikor misatapang minanam to soˈlinay kimad, isaka 1980 miheca 6 folad 7 romiˈad micada to inoˈ. Isaka 1982 miheca 9 folad 1 romiˈad, misatapangto cingra malo miceriday a misakafahay. Ikor to tosa miheca, matahidangay tayra i Pitil a matayal. Isaka 1984 miheca 10 folad 12 romiˈad, misatapang cingra matayal i Pitil no Niwyok Hwacir.
Dotoc a 25 miheca, dademakay ko Salikaka ci Koke to masasiromaay tayal i piingsacuan ato Pitil. 1996 miheca, mararamoday cingra to Salikaka ci Cimi, ikor malacafay cangra matayal i Hwacir. 2009 miheca 12 folad, malinah tayra i Picudadan no Niwyok Patterson, manilnilay cingra itini i Mitepangay ato Mirinnak a Kapot matayal. Ikor, patikol cangra tayra i Hwacir to cecay liyad, dotoc isaka 2016 miheca 4 folad malinah tayra i Niwyok Prokelin. Ikor no 5 folad, malinahho cangra tayra i Niwyok Worwik Congpo. Isaka 2017 miheca 1 folad, manilnilay ko Salikaka ci Koke malo dama no Iing no Kapot no Mitiliday no Malohemay Malitengay i Congpo ko tayal ningra.