CACEKIWEN LALAKAW 5
Mirienang to Saˈopo Paihkal to Iraay ko Maanen a Capeling no Mita
“O patalahkalay kamo a paratoh to patay no Tapang tahira i piliyawan ningra a tayni”—1 KORINTO 11:26.
RADIW 149 Akoˈiday ko Sapatefoc a Sidaˈit
KALIMLAAN NO LALAKAW *
1-2. (1) Itini i Lafi no Tapang to mihecahecaan i, manengnengay ni Yihofa ko maanan? (Nengnengen ko satapangan coka.) (2) Oniya lalakaw wa milengo to maanan salicay?
TO mihecahecaan, ˈalomanay ko mirienangay to Lafi no Tapang. Cowa ko ˈalomanay aca ko maˈaraway ni Yihofa, misinanotay Cingra to kaha cecacecay a tamdaw. O roma ilalomaˈ nangra, iraay ko madimadiay a tamdaw, mirienang to mihecahecaan a Piharatengan a Saˈopo, o roma, iraay ko misiˈayaway to pakidemay sapalak. Maˈarawayho Ningra ko cowa piceriday a mirienang to saˈopo a tamdaw, samanen mafanaˈay cangra to kalimlaan a saˈopo koni. Roma i, maˈaraway ni Yihofa to iraay ko sakina cecay, tayni mirienang toniya saˈopo a tamdaw, alatek mafahalay ko falocoˈ hato mirienangay cangra.
2 Mahemekay ci Yihofa maˈaraway ko ˈalomanay mirienang to Piharatengan a Saˈopo. (Luka 22:19) Kawra, ka ciharatengan ni Yihofa, cowa ko hakowaay ko mirienangay tamdaw, ao lalangian no tamdaw hano mirienang, onini ko kalimlaan ni Yihofa. Oniya lalakaw wa milengo to kalimlaan a salicay: Hano cowa ko pirienang aca to mihecahecaan a Piharatengan a Saˈopo, wa mirienangho to lipalipay a saˈopo hani?
(Nengnengen ko saka 1-2) *
MISAPOENERAY A TAMDAW MAKAHIAY MIRIENANG TO SAˈOPO
3-4. (1) Misamaanay hano mirienang kita to saˈopo? (2) Mirienang to saˈopo paihkalay to masamaanay a tamdaw kita hani? (3) Misamaanay hano caka ngaˈay kita milawa to Piharatengan a Saˈopo hani? (1 Korinto 11:23-26)
3 Mirienang kita to saˈopo samanen o midokoay koni. O roma, mirienang kita to saˈopo, o micadaay to sapasifanaˈ ni 3 Yohani 9) Nikawrira, cowa ka hecad kita cangranan, makalimay kita micada to sakayat ni Yihofa ato likakawa Ningra.—Isaya 30:20; Yohani 6:45.
Yihofa. Kawra, o misatakaraway a tamdaw, cowa ka kahi micada to sapaini no tao. (4 Mirienang kita to saˈopo, paihkalay to misapoeneray kita, makahiay micada to sapasifanaˈ. Mirienang kita to Piharatengan a Saˈopo, samanen o ˈinorong ita konini, hanaca misapoeneray kita a midofdof to limoˈot ni Yis, sanay cingra: ‘Ka padotoc mihaen to demak a miharateng takowanan.’ (ˈOsien ko 1 Korinto 11:23-26.) Oniya saˈopo padamaay kitaanan, matongal ko pakasoˈlin to hatokel no ikor, patalipaˈelalayho kitaanan to hakowaay ko olah ni Yihofa kitaanan. Nikawrira, mafanaˈay ci Yihofa kinacecay aca kita i cecay miheca, micada to sapakalalok, cangoˈotayho, mansa pakaynien Ningra i likakawa, milimasmas to lipalipay a saˈopo, mitahidang kitaanan mirienang to saˈopo. Samanen misapoeneray kita midofdof to Kawas, makahiay mipalak to toki misaday to lalakaw ato mirienang to saˈopo.
5. O misapoeneray a tamdaw hano micada to satahidang ni Yihofa hani?
5 To mihecahecaan, misapoeneray tamdaw micadaay to tahidang ni Yihofa, mirienang to saˈopo a mapasifanaˈ Ningra. (Isaya 50:4) O roma tamdaw mirienang to Piharatengan a Saˈopo, ikor misatapangto mirienang to roma a saˈopo. (Cikariya 8:20-23) Kita atoya misatapangay mirienang to saˈopo a tamdaw, mahecaday maolah micada to pasifanaˈ ato sakayat ni Yihofa, ci Yihofa, “O padamaay, o paˈoripay a Kawas ako.” (ˈOlic 40:17) Pakayni kitaanan, awaay ko mikikakaay to picada to sapasifanaˈ ni Yihofa aci Yis a masakalimlaan ato kalipahakan.—Matay 17:5; 18:20; 28:20.
6. O cecay faˈinayan hano makahi mirienang to Piharatengan a Saˈopo hani?
6 To mihecahecaan, misaˈicelay kita mitahidang to ˈalomanay, mirienang to Piharatengan a Saˈopo. ˈAlomanay misapoeneray a tamdaw pakayni i pirienang toniya saˈopo milifokay to epoc. Tinakoen ˈayaw no pina miheca, maalaay no cecay faˈinayan ko satahidang no Piharatengan a Saˈopo, kawra awaay ko pakayraan ningra mirienang, sanay pasowal to salikaka. Kawra cowa ka harateng toya dadaya, ora faˈinayan mirienangay to saˈopo! Mahemekay ko salikaka a militemoh cingraanan, tada matemeray cingra, telocto misaˈosiay cingra mirienang to polong a saˈopo. Dotoc a miheca, kinatoloay aca caka lingad. Hano misaˈosi cingra mirienang to saˈopo hani? Samanen misapoeneray cingra, makahiay a mifalic to harateng no niyah. Sowal noya mitahidangay cingranan a salikaka: “Tada o misapoeneray a tamdaw cingra.” Misolotan ni Yihofa koniya faˈinayan a midoko Cingraanan, ikor micadaay cingra to inoˈ malo salikaka no mita.—2 Samuil 22:28; Yohani 6:44.
7. O lalakaw no saˈopo ato sinael, hano ngaˈay padama kitaanan malo misapoeneray a tamdaw hani?
7 Mirienang to saˈopo ato micekiw to Fangcalay Cudad, wa padama kitaanan malo misapoeneray a tamdaw. ˈAyaw no pina lipay no Piharatengan a Saˈopo, o kamok no saˈopo oha mamisaˈicel a milengo to taˈarawan ni Yis, ato paihkalay cingra to misapoeneray, kinafalah to ˈorip malo sapatefoc. Roma i, patalipaˈelalay ko likakawa no Kawas kitaanan, itini iˈayaw no Piharatangan a Saˈopo a pina romiˈad, saˈosien ko milingatay to pakayniay i kinafalah ni Yis ato patikol maˈorip a sinael. O lalakaw no saˈopo ato sinael, wa mitongal to piakoˈid no mita to kinafalah ni Yis. Wa miocor kitanan mitodong to misapoener ni Yis, ano misiˈayaw to pasangar Luka 22:41, 42.
i, oha mamakalim a midofdof to araaw ni Yihofa.—MIRIENANG TO SAˈOPO MISAALIAY TO TIMOLO
8. Samaanay ci Yis paihkal to timolo hani?
8 Wa misaˈicel kita, mitodong ci Yisan paihkal to timolo. Patirengay ci Yis to maanan a taˈarawan hani? Iˈayaw no kinafalah cingra to ˈorip a pina romiˈad, mafanaˈayto cingra, wa mapakangodo no ˈada cingra, mipekpek cingranan, salikor mipatay cingranan. (Matay 20:17-19) Nikawrira, kamayan cingra kinafalah to ˈorip. Tiya maraod ko toki, itini i Kismani, pasowalan ni Yis ko madimadiay a tarokos: ‘Ka lomowad, tatato kita. Nengnengen! Iraayto koya pacakayay takowanan.’ (Matay 26:36, 46) Dotoc, mitatoyay to sapilood a lalosidan a tamdamdaw, mirepet cingraan, raod sato cingra, sanay: “Ano kako ko nikiliman namo i, papilaliwen konini a nisawawaan ako.” (Yohani 18:3-8) Tada timoloay ci Yis! Mahecaday, misaˈicelay ko mapasimalay Krisciyang ato roma lopayˈay siri, mitodong ci Yisan a paihkal to timolo. Samaan koha demak hani?
Timolo kiso mirienang to saˈopo o papaˈicel to pakasoˈlin no tao (Nengnengen ko saka 9 fatac) *
9. (1) Misamaanay misaaliay kita to timolo ngaˈ, mirienang to saˈopo hani? (2) Misaˈicel kita mirienang to saˈopo, hano papakalalok to pakayniay i pihakelongan ko sakapalit a Krisciyang hani?
9 Ano misiˈayaw kita to pasangar i, sapirienangaw to saˈopo, misaaliay to timolo. O roma salikaka tahalifa to sapalifet a maroray, matoled anca misemsem to adada, kamayanho mirienang to saˈopo. O roma salikaka micada to pakidemay a sapalak no paro no lomaˈ, anca mirikecay miconged to tayal nangra, kawra kamayan a mirienang to saˈopo. Misaˈicel kita mirienang to saˈopo, wa pakalalok to mapalitay a Krisciyang. (Hipray 13:3) Matengil nangra ko milifetan no mita, wa matongal ko tanoktok no pakasoˈlin nangra, wa timolo a mitafo to madimadi. Tiya mapalit ko tarokos ci Pawlo i Loma i, ano tahatengil cingra to salikaka, madimadi a midoko to Kawas, lipahakay ko harateng ningra. (Filipi 1:3-5, 12-14) Itini iˈayaw anca ikor no matedal cingra, patikami cingra to Hipray a Krisciyang, palimoˈot cangranan aka pisawad a masaˈopo, hanaca “kararid a masasiolaolah ato salikaka”.—Hipray 10:24, 25; 13:1.
10-11. (1) O cima ko tatahidangen ita mirienang to Piharatengan a Saˈopo? (2) Hano mitahidang to tamdaw mirienang to Piharatengan a Saˈopo hani? (Ifiso 1:7)
10 Mitahidang kita to salawina, cafay matayal, fiyaw a mirienang to Piharatengan a Saˈopo, paihkalay to o timoloay tamdaw kita. Tada miakoˈiday kita to nano demak ni Yihofa aci Yis kitaanan, mihaenay makalimay kita mitahidang to tamdaw a mirienang to Piharatengan a Saˈopo. Nanay minanam cangra to Fangcalay Cudad, mihaen pakaynian i sapatefoc ni Yis, wa ngaˈay cangra milifok to epoc no ‘mikiriwiˈay a sidaˈit’.—ˈOsien ko Ifiso 1:7; Paˈarawan 22:17.
11 Mirienang kita to saˈopo, cowa ko paihkal aca to timolo, paihkalayho to roma kalimlaan
a capeling, oniya capeling o mikiriwiˈay a capeling ni Yihofa ato wawa Ningra.CIOLAHAY FALOCOˈ MIOCORAY KITAANAN MASAˈOPO
12. (1) O saˈopo samaan mitongal to olah ita ci Yihofaan aci Yisan? (2) Itini saka 2 Korinto 5:14, 15 palimoˈotay kitaanan, mitodong to maanan a taˈarawan ni Yis hani?
12 Maolahay kita ci Yihofaan aci Yisan, mansa makalim kita to saˈopo, o mananamay ita a kalimlaan, mitongalay to olah ita ci Yihofaan aci Yisan. O kamok no saˈopo patalipaˈelalay kitaanan, patadoay ci Yihofa aci Yis kitaanan midemak to maanan. (Loma 5:8) O Piharatengan a Saˈopo wa mitadtad to tangongolay ko olah Nangra kitaanan, hanaca maolahay to cowaho ka cipinang to sapatefoc a tamdaw. Tada miakoˈiday kita, mihaenay wa misaˈicel a mitodong to taˈarawan ni Yis to romiˈamiˈad. (ˈOsien ko 2 Korinto 5:14, 15.) Roma i, miakoˈiday kita to kinafalah ni Yihofa to wawa Ningra, mansa mapakalalokay kita a pakahemek Cingranan, mihadak to nai falocoˈay a sapacaˈof i saˈopo.
13. Sasamaan kita paihkal to tangongolay ko olah ci Yihofaan ato wawa Ningra hani?
13 Sasamaan kita paihkal to tangongolay ko olah no niyah ci Yihofaan aci Yisan hani? O cecay pakayraan i, makahi a mifalah to pina demak. Tinakoen, o saˈopo to kalo a romiˈad, itiniay i dadaya, malotayayto ko ˈalomanay; o roma saˈopo, itiniay i pilipayan, o pipahanhanan no ˈalomanay a toki. Ano maroray kita a mirienang to saˈopo, wa maˈaraw ni Yihofa ko pisaˈicel ita han? Hano eca! Maolahay kita ci Yihofaan, miremoay to pasangaray a mirienang to saˈopo, maˈaraway ni Yihofa, misalimlaay Cingra to kinafalah no mita.—Marko 12:41-44.
14. Samanay ci Yis paihkal to kinafalahay to niyah a olah hani?
14 Patirengay ci Yis to taˈarawan ita, pasifanaˈ kitaanan samaan paihkal to kinafalahay a olah. Tocerid cingra miharatengay to saali no nisawawaan, hanaca makahi a kinafalah to ˈorip no niyah. Tinakoen, soˈlin malotayay anca masomaday ko falocoˈ ni Yis, makahiayho a malacafay to nisawawaan. (Luka 22:39-46) O kaciharatengan ningra o ngangaˈay patado to tao a midemak to maanan, cowa ko mamilifok i taowanan to maanan. (Matay 20:28) Ano mitodong kita ci Yisan, tangongol ko olah ci Yihofaan ato salikaka, wa misaˈicel a mirienang to Piharatengan a Saˈopo ato roma a saˈopo.
15. O cima ko kakiriwiˈen ita miharateng hani?
15 Kita maemin, o paro no lomaˈ no soˈlinay Krisciyang, makahiay kita marariday a mitahidang to tamdaw mirienang to saˈopo. Kawra, o kakiriwiˈen ita miharateng ko tomerepayto mitosil ato saˈopo a Krisciyang, samanen mahecaday cangra, o paro no lomaˈ ita. (Kalatiya 6:10) Maolahay kita cangranan, mansa pakalalok cangranan mirienang to saˈopo, mangalef ko Piharatengan a Saˈopo. Maˈaraw koniya salikaka patikol i tatihi no sidaˈitay a Wama ci Yihofa, wa mahecad kita ci Yihofaan aci Yisan a mahemak.—Matay 18:14.
16. (1) Iraay ko maanan a toki ita a pakalalolalok hani? (2) Padotoc kita mirienang to saˈopo, wa ira ko maanan a epoc? (3) Dotocto a pinalipay, hano mamisongilaˈ kita miharateng to sowal ni Yis itini Yohani 3:16?
16 Dotocto a pinalipay, wa misaˈicel kita mitahidang to tamdaw, mirienang to Piharatengan to Kapatay ni Yis a Saˈopo, itini 2019 miheca 4 folad 19 romiˈad, Pilimaan, ikor no micerem ko cidal. (Nengnengen ko sapatongal lalakaw, “ Wa Tahidangen Iso Cangra Han?”) Itini toniya miheca, wa misaˈicel kita micada to tahidang ni Yihofa a mirienang to polong a saˈopo, mapakalalolalok i kasaˈopoan. Mangataayto ko kahererekan noniya hekal, misaaliay kita a mirienang to polong a saˈopo, palahad to misapoeneray, timoloay ato ciolahay falocoˈ. (1 Tisalonika 5:8-11) Maolahay ci Yihofa ato wawa Ningra kitaanan, nanay misaˈicel kita paihkal to miakoˈiday cangranan!—ˈOsien ko Yohani 3:16.
RADIW 43 Kapalal ko Falocoˈ a Tanektek
^ 5段 O Saˈopo no Piharatengan to Kapatay ni Yis (Piharatengan a Saˈopo), wa itini i saka 2019 miheca 4 folad 19 romiˈad, ikor no micerem ko cidal a misatapang. O sakalimlaan a saˈopo ilalomaˈ no cecay miheca. Hano sapirienangaw kita toniya saˈopo hani? Samanen sapahemekaw kita ci Yihofaan. Ano mirienang kita to Piharatengan a Saˈopo ato lipalipay a saˈopo, wa paihkal to iraay ko maanan a capeling no mita? Oniya lalakaw wa milengo toniya demak.
^ 50段 PAPOTALAY COKA: Matahidangay ko ˈalomanay mirienang to Lafi no Tapang
^ 52段 TATODONG NO COKA: O cecay faˈinayan salikaka pakayniay i pihakelongan a mapalit, macadaay ningra ko tikami no i lomaˈay malifokay ko sapakalalok. Mafanaˈay cingra cowa ka pawan ko lomaˈay tamdaw cingraanan, soˈlin masasifod ko mirikecay, mahemekay padadotoc a madimadi ci Yihofaan ko paro no lomaˈ.